رجم عاااالي
28-02-2022 - 12:56 pm
السلام عليكم ورحمة الله وبركاته
مساك الله بالخير
لاهنت اخوي بغيت اساالك عن الرحلات لتركيا انا كنت ابي احجز ع ناس بس للاسف لقيت الرحلات تقريبا فل الا رجال الاعمال بالذات بوقت سفرتنا وماني عارفه خطوط اوفر لان حدودي للتذاكر 4000 فقط وابي تكون سفرتنا بخامس او سادس عيد الفطر اهم شي قبل يوم 8 لانو يوم زواجنا وحابه الرحله تكون 9ايام لاسطنبول وبورصه يلوا ابانت كنت ابي ترابزون بس بصراحه الميزانيه ماتساعد وماابي اضيع وقت بالطيران واللخبطه
سووالي عزيزي اذا تقدر تشوف لي طيران كويس بحدود مبلغي وانا طبعا باسافر من جده يعني حولك وحواليك وتكفى لاتمسج لي رابط لاني مفهيه بالنت بدايتي بالمنتدى ابي اتعلم حبه حبه وبالذات هالسفره مابيها تخرب ثاني شي واسفه ع الاطاله ابي اعرف اي مكان افضل للسكن باسطنبول بالقرب من الاماكن السياحيه طبعا الاثار والتاريخ ابد ماتهمني اهم شي البحر والطبيعه ولاباس مولات وملاهي طبعا السفره انا وزوجي فقط
اسفه مره اخرى ع الاطاله لكن ماعندي بعد الله الا هالمنتدى
واعذروني لاني كل ماتلعوزت بشي بانط لكم
كل مايقرب السفر تزيد التذكرة
برايي ان الخطوط التركيةممكنتلاقوا فيها سعر اقل من غيرها لكن الافضل يروح زوجك لمكتبهم ويخليهم يشوفون له اقل سعر ممكن خاصة انه كرسيين فقط فالأمر سهل
لكن ماعندي خلفية كم بيكون السعر بالضبط لكن اتوقع بحدود 2300 للشخص
اما السكن اذا انتم من محبين الهدوء والقرب من المناطق الأثرية فعندكم السلطان أحمد واذا من محبين التسوق والمقاهي والتجمع مع السياح فتقسيم
لكن نصيحتي بما ان الميزانية محدودة يبي لكم تخطيط دقيق حتى تستخدموا الباصات والترام بدل التكاسي لان هذا بيوفر عليكم كثير
كمان ممكن تسكنوا بفندق والافطار مجانا وتخلوا فطوركم متأخر ومايحتاج غداء وتتعشوا مبكرا وبكذا يطيح عليكم قيمة الغداء كمان