نشر في تايلاند

الوضع السياسي في تايلند

سمو المعاني

31-08-2022 - 09:06 pm

مساكم خير...
يا اخوان..شسالفه الوضع السياسي بتايلند؟!! سمعنا انها متوتره؟! واالاوروبيين محذريين رعاياهم بعدم الذهاب لتايلند بهالفتره؟! واحتمال يصير نفس الي صار اخر مره من اعمال عنف وشغب...!
افيدوني..السفره يوم الأربعاء..! وتخرعنا لما سمعنا بهالخبر!!!
علموني....تحياتي

التعليقات (9)

حسن الحمادي1

01-09-2022 - 12:43 am

الحمد لله للان البلد امنة و ما فيه شي ، عندهم انتخابات و تم الفرز اليوم و حزب الحاكم بعد فرز 50 فى المائة من الاصوات جاب 169 من 500 مقعد .

الجمان المنثور

01-09-2022 - 01:44 am

الظاهر مابقى ولااشاعة ماطلعت على هالدولة شكل فيها جن

ولد_البحرين

01-09-2022 - 02:45 am

ما في اي شي الانتخابات حصلت بدون مشاكل ،، ورئيس الوزراء اعترف بخسارته ،،
تقريبا الفائزين هم المعارضة اصحاب القمصان الحمر واللي هم سبب الازمة العام الماضي فما اعتقد الفائز راح يشعل فتيل ازمة من جديد ،،

@ الحنوووون @

01-09-2022 - 03:46 am

أخوي أنا الحين في بتايا والأمور طيبة

faisal_515

01-09-2022 - 04:47 am

الوظع امن ولكن مشاكل انتخابات و غيرها مالها شغل في السياحه

سمو المعاني

01-09-2022 - 05:48 am

مشكورين على ردودكم...
الي مخوفنا..انه عدد كبير من الدول الأوروبية صدرت تحذيرات لرعاياها..بعدم الذهاب لتايلند..وان الوضع من الصعب توقعه.!
اشرايكم عقب باجر السفر....نتووكل على الله ونروح..؟؟!

حسن الحمادي1

01-09-2022 - 06:49 am

توكلو على الله و حنا بكم يوم وراكم ان شاءالله .
سفره سعيدة و ممتعة """

سمو المعاني

01-09-2022 - 07:50 am

تحياتي لك اخوي حسن...
وسفره ممتعه وسعيده لك بإذن الله..

KEVIN

01-09-2022 - 08:51 am

سمو المعاني...
شي طبيعي , الدول الأوروبية تعاني في الوقت الحالي من أزمة الديون,, فشي طبيعي انها تحاول بأنها تجذب المواطنين الاوروبيين للسياحة بدولهم وتحاول تضرب السياحة في الدول الاخرى رغبة في رفع الناتج القومي من السياحة,,,
فما عليك اعقلها وتوكل,,, روح تايلند واستانس,, وسلملي على جماعة القمصان الحمر بعد

تايلاند المسافرون العرب

الوضع السياسي في تايلند