1. بسم الله الرحمن الرحيم


2. سوف احاول ان ابدا بالتدرج من الاقلاع الى العودة بالتسلسل:


3. الطيران :


4. التوصيل للفندق:


5. الفنادق:


6. تقسيم + العملة


7. الرحلات السياحية:


8. المواصلات :


9. الرحلات الداخلية:

بسم الله الرحمن الرحيم

اخواني هذا تقرير عن اسطنبول نفس تقريري السابق لكن بالصور ... ( ماكان عندي خلفية عن رفع الصور بالاول)
اترككم مع التقرير والصوراخواني انا حاب اطرح عليكم بعض النصائح وبعض التجارب وذلك بعد رجوعي من رحلة ممتعة من تركيا .. انا جلست قرابة 3 اشهر قبل ان اتوجه الى تركيا اتفحص وابحث واسال وانا احب انا اعطيكم الزبدة وباذن الله سوف تكون مفييدة جداا جداا وارجو منكم الدعاء لي من صميم قلوبكم

سوف احاول ان ابدا بالتدرج من الاقلاع الى العودة بالتسلسل:

الطيران :

الخطوط تركية غير مريحة والكراسي ضيقة واسعارها ليست رخيصة.. انصح بالسفر بالخطوط السعودية وحاول ان تحجز قبل بفترة لتحصل على الاقتصادي التشجيعي حيث تكون سعر التذكرة ذهاب اياب شاملة الضرائب بحدود 1800 ريال .

• مطار اتاتورك :

عند وصولك لمطار اتاتورك تتوجه للفيز ومن ثم تختم الجواز وتاخذ الشنط وتطلع على طول انشالله ما تاخد وقت طبعا الفيزا موجود اسعارها عند الشباك والدفع باي عملة

التوصيل للفندق:

اول ماتطلع من المطار حاول انو تكون معاك عنوان الفندق الي انت نازل فيه . واياك ان تتفق مع فندق يرسل احد ياخدك من مبدا انو اول مرة وتخاف ما احد يدل الفندق .. ماتقلق من هالموضوع انت فقط اكتب اسم الفندق على ورقة واعطيه للسواق .. وقبل لا يطلع التاكسي اتفق معاه لا تخليه يطلع على العداد انتبه !! عالاغلب اتفق معاه على 45 ليرة تركية او 50 ليرة لكن لو طلبت احد توصيل من الفندق حيطلبو منك 125 ليرة يسوولها تشارج على الغرفة .

الفنادق:

الفنادق وما ادراك ما الفنادق .. تعبت جدا بهالموضوع وسوف اعطيكم تجاربي بهالموضوع .. باسطنبول يوحد لا يقل عن 850 فندق ... انت كسائح افضل منطقة تنزل فيها تكون تقسيم .. ومنطقة تقسيم في قمة الامان ( ساتحدق عن تقسيم لاحقا ) الفنادق تعتمد على الماديات وعلى قدراتك المادية .. لكن ما اريد ان انصحكم به هو الحجز عن طريق موقع الفندق نفسه .. واعلم ان مكاتب السياحة تكون اغلى من الويب سايت التابع للفندق .. زرت اكتر من مكتب سياحي وكنت اخد الاسعار واقارنها تطلع ارخص وبمبالغ . واحد العاملين في كبرى شركات السياحة بالمملكة ابلغني ان هناك ضريبة ومصاريف يدفعوها مكاتب السياحة مقابل ان يكون لهم صلاحيات في الالغاء والحجز لهاذا تكون اغلى . فكل ماعليك هو ان تبحث عن فندق ومن ثم تدخل على الفندق نفسه .. وتحجز .. حاول انك تحجز بتقسيم لكن اذا شوفت انها غالية احجز جنب اي محطة مترو .. كانك حجزت بتقسي بالضبط .. وانا انصحكم بفندق الهوليداي ان .. يقع في منطقة شيشلي بعد 300 متر عن محطة مترو شيشلي .. جنب جواهر مول من اكبر امولات بالشرق الاوسط وبجانبه كارفور على مدار الساعة مفتوح ... فندق 5 نجوم وسعر الليلة فيه حول 700 ريال في نظافة وغرف واسعة وخدمات ممتازة وموقع راائع وانا اوعدكم الي ينزل فيه مايندم ويدعيلي.. فيه بنفس السعر تقريبا لكن جودة اقل بشي بسيط لكن بالمقابل موقع راائع حيث يقع على دوار تقسييم اسمو تاكسي هل فندق 5 نجوم وديكورات رائعة والشبابيك مطلع على الدوار او على بحر البسفور لك الخيار وبنفس السعر طلع لو حجزت من الفندق ممكن توصل سعر الغرفة لل 900 ريال لكن من النت حول 700 ريال سعودية ..

تقسيم + العملة

قرات تقارير كثيرة فيها عن تقسيم وانا منطقة غير امنة وينصحو بعد الذهاب ليلا ... وهاذا كلام خاطئ جدا جدا جدا فهي منطقة مكتظة وجميلة ترى فيها جميع الجنسيات .. تذهب لشارع الاستقلال لترى المطاعم والمحلات .. انا اجزم لكم بانها منطقة امنية جدا وعلى مدار الساعة .. ( لكن ) هناك حارات في شارع الاستقلال مليئة بالبارات والنايت كليب انا والحمدالله لم افكر بالدخول .. فمثل هاذي الاماكن في اماكن بالعالم تكون مشبوهة وديننا والحمدالله يحفظنا من هاذي الاماكن .. واضيف بالنسبة لتقسيم والاستقلال بانهما مناطق غالية الثمن وذلك لانها سياحية 100 ب 100 الافضل انك ماتشتري من عندهم شي هدايا او ملابس ممكن تتوجه الى مول او شي بعيد نوعا ما عن تقسيم لكن المطاعم والكوفي اعتيادية مثلها مثل باقي المناطق تقريبا ... اما بالعملة فانا انصح واشدد ان تكون معاك بطاقة ماستر كارد او فيزا للاحتياط .. ثانيا ان تحول معاك مبلع بسيط من اليورو لاتحول دولار ابدا التعامل بالدولار نادر جدا .. تعاملهم باليورو او الليرة التركية .. حول فقط مبلغ بسيط من اليورو يكفيك ليوم او يومين يعني مثلا 200 يورو .. وبعدين لمن تتمشى سوف تصادف محلات صرافة .. المحلات الي بمنطقة تقسيم ايضا جيدة لانه لايوجد مجال لتلاعب عندهم لوحة كبيرة سعر بيع وشراء وتكون مربوطة مع البنوك .. لكن في فكرة حلوة انا سويتها ممكن تفيدكم بالتحويل وتفيدكم بالحياه بتركيا . انك تنزل على جوالك برنامج تحويل عملات بين ريال وتركي ويورو ودولار مثلا ويكون البرنامج ابديت يوميا وقبل لاتدخل محل الصرافة تشوف كم السعر بالسوق وبعدين تدخل وتشوف الفرق كبير ولا لا ولك الخيار

الرحلات السياحية:

في البداية كنت قلق لاني لا اعرف شي في تركيا ولا اعرف حتى وين اروح ولا ايش الاماكن الحلوة لكن ماتقلق من هالموضوع اول ماتوصل بيعطوك برشورات لعدة شركات سياحة داخلية عندها رحلات يومية . حعطيكم الرحلات بالترتيب والاولوية.. اول ماتوصل ممكن ثاني يوم تروح بجولة بمضيق البوسفور بالقارب السريع طبعا جو راائع ومناظر تنذهل لها الابصار تشوف القسم الاسيوي والقسم الاوروبي تكون الرحلة ب 35 يورو للفرد الواحد تشمل من 8 الصباح لل 1 ونص تقريبا ومنها تزور البازار وتتفرج ..جولة جيدة وغير متعبة فتكون مناسبة كاول رحلة عند وصولك .. وعندو انتهاء الرحلة تذهب للغداء باحد مطاعمهم الرائعة .. بالواقع انا جربت شركتين سياحيتين .. وكلاهما جيدتين .. لكن الي انجليزياته ضعيفة ممكن يروح مع شركة اسمها فانيلا يسال الفندق عنهم او تطلب انه يكلم الاستعلامات ويجيبلك رقمهم وعم يجو ياخدو من الفندق ويرجعو عالفندق معظم الشركات نفس المبدا .. في شركة تركية اسمها سايت سيينج مشهورة وبرضو ممتازة ..
الرحلة الثانية انصح بالذهاب الى جزيرة الاميرات تكون بحدود 70 يورو تشمل غداء سمك او دجاج على البحر طبعا تروح بقارب لمدة نص ساعة للجزيرة وتتمشى بالجيزرة من خلال احصنة .. جزيرة كالاحلام من تصميم الفلل وطبيعة الحياه وهية جيزرة مخصصة للاثرياء فقط للاستجمام الذهاب باكرا والعودة عالساعة 5 العصر .. حاول تخلي بين رحلة ورحلة يوم ترتاح فيه تلف فيه لوحدك
الرحلة الثالثة الى منطقة بورصة .. وهية مدينة تبعد 285 كيلو عن اسطنبول نوعا ما متعبة لكن جمالها ينسيك كل التعب .. طبعا تنتقل اليها بالباص ويتخخلها ركوب العبارة طبعاء الطريق كلو جبال خضراء .. تذهب للشلالات .. تتغدى هناك وبعدين تتمشى بمنطقة خضراء جنة الله في ارضه ومن ثم تذهب على سفح جبل اخضر تطلعلو بالتلفريك يرتفع 2500 متر .. وهناك احصنة على سفح الجيل وترى المدينة باكملها ... الرحلة ب 90 يورو والعودة الساعة 10 مساءا ملاحظة رحلة بورصة قد تغنيك عن رحلة يلوا
هناك رحلات عشاء بالقارب تشمل رقص وحفلات وبوفيه مفتووح والدهاب اساعة 8 مساءا والعودة الساعة 12 منتصف الليل لكن انا ما فضلت الذهاب لانها الشرب فيها مفتوح وانا لا افضل حفلات الشرب لكن الشرب بكل مكان لكن الحمدالله احنا مالنا علاقة فيهم
هناك ايضا رحلات الى اماكن تاريخية وقصور وجوامع عثمانية لكن انا لا افضل كنت افضل الطبيعة والبحار والهدوء وكل شخص له تفضيلات تختلف من شخص لاخر .

المواصلات :

في البداية انا لاافضل باستئجار سيارة في اسطنبول لانها منطقة مكتظة وزحمة ومافي مواقف فالافضل استخدام المترو .. فهو جدا رائع وسهل وتقدر تروح اي مكان وبالاخر ترجع .. نزلت في معظم مناطق المترو وحفظتهم احسن من التاكسي واسهل واسرع وامتع وبالنسبة لتكاسي حاول تتفق معاه قبل لاتطلع لو اضطريت تركب تاكسي وبعدين يلف فيك لحتى يطفش تتسلى

الرحلات الداخلية:

لمن حاب انه يسافر عن الى انطاليا مثلا . هناك عدة شركات طيران داخلية . انا ذهبت لانطاليا بالخطوط التركية ورجعت بشكرة اسمها اون نور .. مني وعلي افضل بشركة او نور هية اقل جودة لكن المسافة بين انطالياه واسطنبول 500 كلم يعني ساعة او اقل تقريبا فما حتفرق كتير يعني الخطوط التركية اشخص ذهاب 250 ريال بس شركة او نور ب 155 ريال هي تفرق للي عنده عائلة . طبعا والحجز اون لاين تدخل على موقعهم وتشوف الموعد الي يناسبك وتحجز واهم شي يكون الحجز نفس الاسم الي بالجواز بالضبط وبس توصل المطار فقط اعطيهم الباسبورت ومافي داعي تاخد معاك رقم رحلة او رقم حجز . هم بالاسم حيطلع الحجز ورحلة سعيدة الى انطاليا انشالله
اترككم مع بعض الصور