في انتظار رد ....جزاكم الله الجنه

انصحكم وبقوه تكنسلون سويسرا
اولا لان المسافه بين زيلامسي واترلاكن بعيده
ثانيا سويسرا بشكل عام اغنى من النمسا
خلوكم على النمسا ومعها ميونخ في المانيا
وتكون البدايه من فينا
ثم سالسبورق
ثم زيلامسي او كابرون
واخيرا ميونخ
العوده من ميونخ
المسافات بين المدن قريبه
تقدرون تستأجرون لكم سياره وتفر عليك وتزيد من جنال الرحله
وان شاء الله المبلغ يكفي
بس نصيحه من الان ابحثو عن حجز طيران
الذهاب الى فينا والعوده من ميونخ
تحياتي

اقتراح رائع من المسافر نت
اشوف هو الانسب
رحلة موفقة

جزاكم الله الجنه ..واشكرك اخوي المسافر نت . طيب موضوع استأجر السياره بكم بيكون باليوم ؟وكيف طريقة الحجز؟ زوجي شوي متردد في حكاية قيادة السياره ا لان اللغه مو قد كذا يادوب كم كلمه يعني لو صار شي كيف نقدر نتفاهم ؟ واحتمال كبير انه يحجز كل شي عن طريق مكتب مثل سفراتنا السابقه .
وبالنسبه للطيران ايش افضل طيران تنصحونا به ؟ وكيف وضع النقاب في المطارات وفي الاماكن العامه سواء في النمسا او المانيا ؟

اختي
الامر اسهل مما تتوقعين
وقياده السياره هناك اسهل من هنا كثير
اتمنى اتواصل مع زوجك عشان اقنعه بالفكره
وبالنسبه للغه مو مهمه مره ناس كثير راحو مايعرفون شي ومشت امورهم تمام اصلا ماراح تحتاجون للغه كثير
النقاب عادي جدا في النمسا او المانيا
بس عند الموظف الي يختم الجواز راح يطلب منك كشف الوجه وحتمال يكون موظفه وترتاحي
بس نصيحه قبل كل شي قبل حجز الفنادق وختيارها وقبل موضوع السياره
احجز الان الطيران
على اي خطوط ماتفرق كثير الامارتيه او القطريه او التركيه او المصريه
شوفو الانسب لميزانيتكم لايغرك اي يقولون الخطوط كذا افضل من كذا حتى لوكانت افضل الاهم دائما السعر
طبعا الذهاب الى فينا والعوده من ميونخ
وبعدها نرتب لك الباقي
ونوضح لكم كل الخطوات
تحياتي

المسافر نت
اشكرك اخوي جزيل الشكر ..ممكن ترسل رقمك على الخاص ل يتواصل معاك زوجي لاني حاولت ارسل ماقدر لان مشاركاتي قليله...

حياك الله اختي
تعرفين سياسه المنتدى تمنع وضع الارقام في العام
وحتى في الرسائل الخاصه
بس ممكن تتواصلون معي عبر برنامج تويتر
حسابي
vipeam@