المسافة تقريبا ساعة على حسب الزحمة واذا انتو عائيلة اكثر من 4 اشخاص راح تاخذون تاكسي فانو ب100 يورو اما اذا عددكم 3 اشخاص سيارة صغيرة وراح توصلكم ب50 الى 60 يورو
ومن دزني الى باريس بالمترو افضل لك واوفر لان المترو ياخذ تقريبا 4 يورو على التكت للشخص اما التاكسي على الاقل راح يوصلك ب80 يورو اذا اخذتو الفان
وان شاء الله قدرت افيدك بشي

تسلمين والله ياام سيف
الله يجزيج خير يالرب
وبسالج سؤال صغير...احنا بنسكن في فندق نيويورك ديزني..في مطاعم حوالين هالمنطقة؟؟؟يعني المنطقة شرحة ولا مقطوعه وبعيدة عن حشرة باريس؟؟؟
صراحة اول مرة اروح اسكن هناك وااله يستر

&شهد&
بالعكس الفندق رائع وخاصة فيه وقت محدد يجون شخصيات دزني عندكم بالفندق في المطعم رائع للاطفال واكشن حلو وجنب دزني تروحين دزني والمترو شيسي مشي
وجنبه مطعم بلانيت هيلويد وفيه باصات توديك لحد الاوت ليت وتقدرين تنزلين باريس الشانز من المترو الي جنبكم مرة روعه اهم شي تبعدين عن ازعاج الشانز

تسلمين الغاليه ماقصرتي
انزين اشرايج في فندق راديسون بلو؟؟؟ حاطينه خيار ثاني!!وهل هو قريب من المحطة؟؟
واذا بطلع من ديزني على زل ام سي بالقطار...العمليه سهلة؟؟ وكم تذكرة الشخص؟؟
اسمحيلي ثقلت عليج ...بس ماشاالله عليج خبرة وطحتي علي من السما وآنا متوهقة حددي لأن الاهل معتمدين علي ومابي أتفشل!!

&شهد&
حلو الفندق ويعتبر الارخص من فنادق دزني بس بعيد يعني مو مشي حق دزني ومش من فخامة نيويورك ودزني هوتيل بس فيه باص كل ربع ساعه يوصلك لحد المحطة وبوابة دزني مجانا من الفندق
ويعتبر اقل مستوا من الخيار الاول
بالنسبة لزيلامسي بعيدة واجد عن باريس بالسيارة 10 ساعات وبالقطار يمكن 11 ساعه على حسب التوقف لان مافيه دايركت
وبتطلع عليك التذكرة اغلى لو تاجرين سيارة ديزل معا ديزلها ماراح توصل قيمة مجموع تذاكركم كلكمهذي وجهة نظري وانتي وراحتك
ومن ناحية اسعار التذكرة ماعندي معلومات عنها كثير نحب السيارات اكثر
واي شي ابشري يالغالية

تسلمين حبيبتي وجزاج الله خير