(( بسم الله الرحمن الرحيم ))
السلام عليكم
(( المقدمة ))
تحية عطرة لاعضاء المنتدى الكرام .....
اسمحوا لي راح اكتب التقرير باللهجه العامييه
أحب اقدم لكم تقريري المتواضع عن بلاد الطبيعه والجمال (( المغرب ))
رحلتنا أنا وصديقي الصدوق كانت في تاريخ 29/1/2011 وكانت مدة الرحلة 12 ليله 13 يوم من أجمل ايام حياتي
ملاحظة : هذي السفره كانت لي رقم 24 اي نعم 24
واكتشفت في هذي الرحله بالذات ان المغرب بلد كامل المواصفات ويصلح للعائلات اللي تعشق الرحلات والطبيعه الخلابه......
وفي سؤال دايما اسأل الناس اللي تعشق السفر
باختصار (( ماهي مقومات السفر؟ ))
مقومات السفر (10)
اسمحولي اذكرهم على السريع
1- الجو الجميل
2- الطبيعه الخلابه
3- الأمان
4- النظافه
5- الأكل العربي الاسلامي (( الذيذ ))
6- الاماكن السياحيه والترفيهيه
7- المعامله الراقيه
8- سهوله التنقل والمواصلات
9- السكن الراقي
10- الاسعار المناسبه
باختصار وبدون مبالغه اكتشفت ان (( المغرب )) يشمل كل هذي المقومات ال 10
وقبل لا ابدء في تقريري احب اذكر لكم اخر نقطه ان من رجعت من السفر لحد اليوم وانا اراجع نفسي اني اطرح هذا التقرير ولا لأ من كثر ما اهو فيه صور جميله ورهيبه ونادره وإن شاء الله تنال اعجابكم
((نبدء))
الحلقة الأولى
يوم السفر المنتظر
انطلقنا انا وصاحبي العزيز الى مطار الكويت الدولي وخلصنا اجراءات الجوازات ودخلنا
جلسنا في كوفي نشرب القهوه ننتظر موعد الاقلاع
في ملاحظه التاريخ اللي بالصور غلط لأن ما عرفنا انضبط تواريخ الكاميرا (( فشله ))
واعلنت الخطوط الامارتيه عن موعد اقلاعها وركبنا الطياره
وطبعا قلنا دعاء السفر وارتفعت تواير الطياره وبعد نصف ساعه تقريبا من الطيران قدموا لنا الوجبه السعيده
وكلينا وشبعنا بفضل الله ونعمته وحطيت على هالمحطه ولا فكرت اغيرها
وطبعا بسبب التعب وقلة النوم قبل السفر صارت معاي حاله نادرا ما تصيير
نمت 7 ساعات متواصله بدون انقطاع
يا سلام
قعدت على اشارة ربط الاحزمه
ولما سألت صاحبي لقيته نايم نفس المده معاي
شي غريب لكن ممتاز
ربط الاحزمه
فتحنا الشباك وكان منظر الغيوم جميل
وبدء الهبوط التدريجي وقلبي يخفق
ولما اختفت الغيوم بدءت المناظر الخلابه والمساحات الخضره تبيين
واو
طبيعة اوربا ويمكن احلا يالمغرب
اتركم مع الصور
((بحيرات))
متى نهبط بس
ابي اشوف هالمناظر من قريب
وضباب كازا جو لندن واحلا بعد
وتهبط طيارتنا بالسلامه بفضل رب العالمين
مع شويه رذاذ المطر على شباك الطيارة
نكمل معاكم الحلقة الجايه بكرا إن شاء الله وأوعدكم بتقرير ممتع إن شاء الله
شكرا على حسن متابعكم