المطعم مره حلو ومناسب للعوائل ويجونه خليجيين لكن قليل وواحلى شي في المطعم ديكوراته مره حلوه وجو المطعم رومانسي وهادي لكن فيه دي جي وصوت الموسيقى فيه عالي . والمطعم قريب من الشانزليزيه لكن لازم تحجز في المطعم قبل ما تروح بيومين لنه عليه زحمه .

المطعم كويس بس فيه مطعم لبناني اسمه اللورد مقابل فندق الفصول الاربعه وعندك مطعم لبناني بنفس الشارع اسمه نورا وشكرا

مشكورين على ردودكم..باريس وتيليكوم...
مطعم نورة يعني في شارع جورج الخامس؟ هو يعني قريب من الديوان؟
ايوه وشي ثاني...ايش أفضل المطاعم الصينية..وفي أي شارع موجودة؟أهم شي يكون عندهم شوربات حلوه
واذا في مطاعم عربية حلوة ثانية..ياليت تعطونا عناوينها..
شكرا

اختي الكريمه انا اللي اعرفه نوره والديوان وسمعت انه فيه مطعم اسمه العجمي بنفس شارع الديوان بس ماجيته اما الصيني ماشفت ابد ويمدحون الوجبات السريعه

احلى مطعم صيني في باريس اسمه دياب وعشان تروح له وانتى في الشانزليزيه تخلي الهقن داز على يسارك وانتي كانك رايح على الفوكيت واول لفه يسار تروح معها يجيك المطعم على اليمين . وفيه مطعم ثاني صيني كمان حلو بعد فندق الوروريك على اليسار . وبعده يجيك مطعم هندي مره حلو على اليسار .

في مطعم صيني وايد حلو وديكوراته وايد حلوه
كلة أحواض سمك حتى انت تمشي على أحواض سمك
و الاكل لذيذ
مكانه مقابل فندق كاليفورنيا وبوصف ثاني بعد فندق الوارويك

بودابار من أفضل المطاعم الباريسية ...يقع نهاية الشانز جوار السفارة الأمريكية وخلف أحد الفنادق وقد نسيت اسمه الآن ... لا يفوتك Mango Soup ... شيء عجيب ...
المطاعم العربية عندك العجمي ... واطلب شيش طاووق العجمي ...
المطاعم الصينية ... دياب لا يعلى عليه ... Diab ...
البيتزا ... مطعم شيكاقو بيتزا جنب الوارويك ...
أما الكوفي شوبز ... فيه واحد عادة أنا ما أقول لأحد عليه ... لأني بصراحة ما ودي يكثرون عليه العرب ... وتعرف اذا كثروا العرب في مكان ... كل شيء يتغير للأسف ... ولكن بما إني مانيب رايح باريس هالسنة بأقول بس بشرط تروح له وتدعي لي ...
اسمه Cafe Marly ....
وموقعه في أحد مباني اللوفر مطل على الساحة اللتي بها الهرم الزجاجي .... روح له وقت الغروب واحجز طاولة برا علشان تستمتع اكثر ....

مشكورين على ردودكم....ألف شكر
مطعم بودا بار أنا جيت من كم شهر وركبت تاكسي السواق صيني مسلم..
كنت رايحة ل printemps ومرينا من الكونكورد..
سألته أنا على نياتي قلت له هنا بودا بار؟ علشان أكون عارفه مكانه لما أجيه..
هو: ايه هو هنا عند سفارة الشيطان وفي مدن الكفار موسكو ونيويورك..ألخ
بس انتي مسلمة؟؟؟ لابسه حجاب؟؟؟ كيف تروحين هناك؟؟
أنا خفت وانفجعت مدري وش يقصد :rolleyes:
قال ماعندهم أكل حلال! السعوديين يجون هنا؟؟ يدخلون المطعم هذا؟؟ المسلمين؟؟ أبناء بلد الحرمين؟ من قال لك عنه؟؟
قلت له لا بس شفت دعاية في الانترنت للمطعم..(وهو بالعكس الناس مرة تمدحه ولاماكنت فكرت أروح له!!) بس والله خفت اقول له كذا!
وجلس يبربر لين وصلت السوق..ورجعت للسعودية وأنا مارحت للمطعم
خوفني كلامه مادريت ان قصده بس ع الاكل الحلال! من كلامه ونرفزته حسبت فيه شي ثاني مايناسبنا!!
سألت ناس عندنا أتأكد قالو لي لا عادي...وكتبت الموضوع هنا أتأكد أكثر...شفت انه عاادي
لو القا السواق الحين...باخليه هو يوديني بنفسه للمطعم كل يوم!!
باريس:أنا مافهمت الوصف....المطعم يعني في شارع جورج الخامس؟ م لما ألف من عند الفوكيه بلقى paradis de fruit ؟؟..ماشفت مطعم صيني؟؟؟ مم ممكن توضح الوصف أكثر؟
أم ياسمينا....المطعم هذا هو اسمه دراجون اليزيه؟؟
شامان خلاص ولايهمك بقول لكل الناس يجون للكوفي هذا
وشكرا

لا مو في شارع جورج الخامس . تخلين الهاقن داز وراك كانك نازله على الفوكيت وقهوه الي دوفيل اول لفه بعد الهاقن داز يسار تخلينها ثاني لفه تلفين معها يمين لين ما يجيك تقاطع الي عليه فندق شاتو تحصلين المطعم عند التقاطع على اليسار فيه جلسات برا ومضله حمرا كبيره ومكتوب عليها بذهبي دياب . واذا لفيتي يمين من عند المطعم ومشيتي شوي يجيك مطعم العجمي .