اولاً الحمدلله على السلامه
بالنسبه للمطاعم سجل عندك ( وفق اجتهادي وتجربه)
عندك في المدينه القديمه عدد كبير من المطاعم واعتقد المميز مطعم نور سي nordsee وأعتقد أكل شخصين في حدود 30 يورو و الاكل لذيذ
واذا قريب المحطة يوجد بها مطعم تركي وبجانبه برجر كنج والوجبه عند برجر كنج حوالي 5 يورو
اذا كنت ساكن في رينانس الشارع الثاني اللي على اليمين لف معه يمين واطلع ما يردك الا النهر اذا وصلت النهر رح يكون قدامك جسر التفت يمين تلقى جسر ثاني اذ وصلته خذ معه يمين واطلع حوالي 500 متر بتلقى مطعم تركي ( ادري كنه سكة سفر بس المشي حلو واكل جيد بس مو ممتاز يمكن يكون عندك غير المسأله اذواق وممكن تاخذ من عنده باص رقم 3 الى محطة القطارات القريبه من رينانس وكراون بلازا تاكد من الرقم من السائق)

عفواً الجسر الثاني على اليسار مو يمين المعذره ولا تنسى تسمى وبالعافيه ( كني شيف)

السلام عليك اشلونك اخوى بشرنا عن حالك افا عليك والله اضبطك بالمطاعم الهنديه تبى فى زلامسى وفيينا وسالزبورغ حاضر طبعا الحين بعطيك اسم المطعم بسالزبرغ اسمه مهراجه عند البحيره انا تونى واصل من النمسا بشوف الكرت العنوان بالضبط واكتبه لك ان شاء الله

يوجد مطعم أصحابه مصريون يقدم أكل حلال شاورما وبيتزا وفلافل وغيره وهو بجانب محطة شل. لتصل إليه تخلى الكراون بلازا خلفك وتمشي باتجاه محطة القطار على شارع رينستراس وتخليك بهالإتجاه إلى أن تصل محطة وقود شل على اليسار وبعدها يكون المطعم على اليسار كذلك مكتوب عليه بالعربي على ما أظن (حلال).

الاخ بكادلي كلامك صحيح في مطعم هندي اسمه مهراجا انا كنت ساكنه بالريسانس واول ماطلعت منه اناوزجي ورحنا نتمشى الا جانا واحد هندي يخرع شكله يسلم علينا وعطانا الكرت وقلنا على اساس انه احنا بنتعشى فيه ولما رحنا وسالنا عن مكانه صادفنا واحد تونسي له 18 سنه بسالزبورغ الله يجزاه خير وقالنا شوفوا اذا تبون اوصفلكم مكانه حاضر بس نصيحه انه المطعم يستخدم لحم خنزير والجلسات فيه مو مريحه اصلا مبين من الشخص الي عطانا الكرت انه من الهندوش من الاحمر اللي على قصته وقالنا اذا تبون مطعم اكله حلال مافيه الا المطعم اللي يقصده الاخ جديد الاسفار اكلهم حلو ونظيف وخصوصا الفلافل كانت ممتازه عندهم واللي يشتغلون فيه مصرين احنا كنا ناخذمنه العشاء وناكله في الفندق عموما سالزبورغ مافيها مطاعم عربيه الا هذا المطعم اللي فيه المصرين بعكس فينا وزيلامسي المطعم قريب من محطه القطار .

فيه مطعم هندي في شارع المشاه في سالزبورغ
الوصف:
خل ماكدونالدز على يسارك وامش ، اول مخرج على اليسار ادخل معه واصل سوف تجد المطعم الهندي على يمينك .
اذا ما لقيته بكون ثاني مخرج على اليسار بدل اول مخرج .
موفق اخي ،، الله يوفقك

السلام عليكم اشلونك اخوى فاررسه بالنسبه حك كلامك صح احنا بعد قاعدين نتمشى بالسوق و جانه الهندى وعطانى الكرت بصراحه اول ما دخلت حصلت خلجين بالمطعم وهو الهندى يقول حلال وحاط ايات قرانيه والله اعلم عنهم هل انهم لحم حلال او حرام

شوف المطاعم في سالزبورج كا التالي:
فيه مطعم هندي ورى فندق الكراون بلازا اسمه تاج محل رائع جدا جدا جدا اكله
وفيه مطعم ايطالي قدام فندق الريناسانس اسمه تيريزا اتوقع مو طبيعي اكله
وفيه مطعم صيني جنب محطة القطار مقابل فندق اوروبا مدري شسمه اكله مره حلو
وفيه مطعم تركي جنيب محطة القطار وجنب برجر كنج يبيع شاورما مره حلو ورخيص اكله
انتبه تاكل ببرجر كنج اللي بسالزبورج تراه وصخ الله يكرمكم جميع
با الهناء و الشفاء

فيه مطعم في محطة القطار وله باب للخارج إسمه (يوسف) أعتقد أن به أتراك ولكنه غير مكتوب عليه حلال من الخارج. لا أدري ممكن باستطاعتكم استكشافه.