وعليكم السلام
بالنسبة للمصروف هذا اصعب سؤال اخوي لانها تفرق من شخص لي شخص .. انا مثلا اذا رحت اخلي مصروفي اليومي 3000 بات شامل كل شي واوقات يزيد منها بعد .. اذا تبي تكون بالسليم احسب يوميتكم كلكم 5000 بات طبعا من غير سوق .
الفنادق ارشحلك التالي
https://www.booking.com/hotel/th/destination-patong-hotel-and-spa.en-us.html?aid=1300939
كل الفنادق الي حطيتلك روابطها الولد ان شالله يقدر يقعد مجانا بس بدون سرير اضافي ، يستخدم نفس سريركم .
واي استفسار آخر احنا حاضرين يا بوحسن

موفق اخي مثل ما قالت اخوي
المصروف يعتمد عليك ولكن لايزيد عن 3000 بات يومي
بالنسبه لاسعار الرحلات تختلف من شركه لي شركه ومن مكان الحجز ونوع الرحله الاسعار متفاوته ومختلفه
بالنسبه لحجز الفنادق والعرف طفلك ماعليه شر ان شالله عادي ان يجلس معكم بالغرفه من دون دفع اي فلس زياده له مع طلب سرير له مجانا
اخر فندق بعيد جدا عن المجمع وعن المطاعم وانت للك حرية الاختيار
هوليدين ان روعه وجميل وعندك بعد اذا حاب انك تجلس مقابل البحر والشاطيء بخطوتين فندق الباتونق بيج وسعره 19 دينار كويتي
موفق

شكرا جزيلا والله يعطيكم العافيه
قررت اخصص 75 دينار كويتي باليوم كمصروف يومي كافي ولا ازيدها بعد ؟
اختي ليمونه الافضل اني احجز في باتونغ بيتش ولا هولداي ؟

75 دينار مبلغ كافي جدا وراح يزيد ان شالله .. انا من يومين صارف ال1000 بات = 9,150

بجذي بعتمد مبلغ 75 دينار كمصروف يومي
باجي ترشحون لي كذا فندق بحد اقصى 35 دينار كويتي وماكو مانع يكون ارخص من جذي يعني نقول من ال 20 الى 35
بشرط يكون نضيف ويصلح للعوايل وقريب من المولات والبحر وكذا وياليت يكون في الحمام شطاف لانه معاي طفل والشطاف ضروري