معدّل المصروف 150 الى 200 يورو في اليوم تزيد أو تنقص للشخص الواحد حسب المطاعم و المزارات التي تزورونها ..
الطيران يمكن استخدام محرّك بحث الطيران الرخيص وهو :
http://www.skyscanner.net
وبالنسبة للشركة السياحية فتعتمد على الموسم إن كان موعد ذهابكم موسم سياحي فالأفضل الحجز المسبق و إن كان غير كذلك فاحجز منهم مباشرة ..

اشكرك اخوي ماجد ... بس سؤالي منو ارخص المكاتب ولا التذاكر السياحيه من نفس المكان اللي رايحله؟؟؟؟؟

1. القارب ع نهر السين ،، 11 يورو

انا بقولك كيف ترتب
للاماكن السياحيه حط له مبلغ معين ع كل الاماكن اللي بتزوره اوكي
والمصروف اليومي بيكون 150 يورو لشخصين لان بس بيكون شامل غدا وعشا وحلويات وكوفيات مثلا الغدا في مطعم فاست فود والعشا مطعم راقي واليوم الثاني العكس
الاماكن السياحيه ..: : يمكن كم غلط في كم يورو يعني زياده كم يورو او ناقص كم يورو بس ها اللي اذكره في سنه 2008
برج ايفل للشخص الواحد ،، 13 يورو
قوس النصر ،، 10 يورو
متحف اللوفر ،، 12 يورو يمكن
متحف الشمع ،، 20 يورو
قصر فرساي ،، 20 يورو
الباص السياحي ليومين 24 يورو

القارب ع نهر السين ،، 11 يورو

الحين اختار الاماكن السياحيه واعزل المبلغ اللي تباه للاماكن السياحيه والمصروف 150 يورو في اليوم
طبعا بما انهن 3 ليالي في باريس انا افضل اول ماتزلون باريس تركبون الباص السياحي الاحمر مكانه مقابل السفاره القطريه في شارع الشانزليزيه وتركبون وتدفعون للشخص 24 يورو انزين اول محطه بيمر عليها برج ايفل انا اقترح عليكم تنزلون وتركبون البرج وتصورون وتردون توقفون نفس المكان اللي نزلكم الباص وتركبون وتعرضون البطاقه وتكملون المشاور وكل محطه تنزلون وتدخلون وتنزلون الغالري لافيت وتاخون لفه واخر شي بيرد نفس المكان وسيرو قوس النصر واركبو وصورو من فوق المنظر روعه في ها الحاله بتكونون خلصتو الباص السياحي وبرج ايفل وقوس النصر والفليل الساعه 10 مثلا سيرو نهر السين واركبو القارب يمر في ساعه والجو عذاب وبس

الارخص ايزي جت يمكن اذا قبل وقت كبير ممكن تاخذين تكت باقل من 30 يور من باريس لبرشلونه طبعا من مطار شارل ديغول او اورلي
المصروف نفس ما ذاكر اخوي ماجد وتوضيح اختنا فراشه جميل