حياكم بين اخوانكم
5 ايام بوكت اول ماتنزلون ان شالله مطار بانكوك على طول تذكره الى بوكت
الفنادق في بوكت اقترح لكم
ميركوري هوتيل - هولدي ان - بورسااري - و بان لماي وغرفه تكون مطله في بلكونه للشاطي في القسم الجديد من الفندق
3 ليالي شنق ماي
الفنادق شنق ماي بلازا - سنترا داون - دي 2
2 بانكوك فندق
لاند مارك - Pathumwan Princess Hotel
بالنسبه للبرامج بعد النظر في الجدول
تحيه

مشكور اخوي ماقصرت ..
جدول رائع
انزين كم سعر التذاكر الداخليه يعني من بانكوك لبوكت وهكذا ,,, ياليت تعطيني السعر بالدينار او الريال
وشنو افضل فندق من اللي ذكرتهم من ناحية النظافة والامان وطبعا السعر مناسب
وعندي استفسار بعد شنوا افضل طيران ,,, ابي سعره يكون زين ... وبالنسبه للفيزا اشلون اسويها
وشاكره تفاعلك معي

[
افضل طيران عندك airasia
ممكن تشوفين الاسعار عن طريق موقعهم لأنه الاسعار تتغير مش ثايته
Welcome to AirAsia.com... Now everyone can fly '

وردة نيسان
موفقه وعليج بالف عافيه عزيزتي
شوفي 10 ايام يعني 9 ليالي حجز فنادق
اول ماتوصلين بانكوك طيران على مكاتب طيران اسيا وطيري على بوكت ولتوفير الوقت حبيبتي
حجزي من الديره من النت بس خلي في بالج 2ساعتين بين وصولج لبانكوك وطيرانج الى بوكت ويستحسن الحجز من الان من النت دخلي على طيران اسيا وضعي تاريخ وصولكم الى بوكت واختاري الوقت المناسب وحجزي عدد 3 اشخاص الطفل والكبير نفس الشيء واذا عليها عرض اخذيها يعني خصم من الفيزا ويكون الخصم دايركت وخليكي عارفه المبلغ المخصوم لايسترد فكوني حازمه في اختيار الوقت واليوم
بعدها 5ايام يلاه تكفيج في بوكت والا اهي تحتاج اكثر
المهم مثل ماقالج اخوي على الفنادق ماراح ازيد عنه لانه اختار لك الافضل وعندج بعد باتونق بيج حلو ومناسب سعره
وبعدها طيران من بوكت الى شنق ماي على خطوط اسيا وحجزي مبجر عشان توفرين فلوس وتكون التذاكر ارخص اذا ماعندج مانع وكلافه كل تذاكرج حجزيها من النت وافتكي وخلي لج ورقه وقلم وسجلي تاريخ وصولج بانكوك والساعه بعدها الساعه كم الى بوكت والتاريخ الروحه لها والرده وحجزي بعدها شنق ماي و3 ليالي كافي عليها لضيق الوقت عندج الفنادق مثل ماتفضل اخوي السابق
بعد شنق ماي بانكوك للتسوق ودريم ورلد عشان ولدج وعشانكم وناسه العاب ورجوع لايام الطفوله
واي سؤال انا حاضره

وردة نيسان
العفو
اسعار التذاكر هنا موقع الطيران التايلندي
http://www.thaiairways.com/
تقدرون تحطون التواريخ وتشوفون الاسعار بختيار نوع العمله
افضل الفنادق
هولدي ان وبعدها بورساري وهو بجانبه
افضل طيران الطيران الرسمي وهو الطيران التايلندي
الفيزا اذا كانت اقل من 15 يوم من المطار واذا تقدرون من السفاره التايلنديه بالرياض يكون افضل لكم علشان الوقت والراحه
تحيه

سعر تذاكر الطيارات الداخلي حجزتها من النت تقريبا 20 دينار ون وي من طيران اير اسيا دخلي موقعهم وشوفي الوقت المناسب لك وبيطلع لكم السعر وذا عندكم امكانية تحجزون من النت افضل بوجهة نظري لانة عدد الايام قليلة عندكم فظبطو الجدول قبل السفرة

مدة عشرة ايام لو تخلينها بين بوكيت وبانكوك افضل .
ست ليالي بوكيت و ثلاث ليالي بانكوك .
وماقصر اخوي فيصل في الرد على باقي الاستفسارات .
تحياتي.