f_15ss
28-01-2022 - 02:23 pm
اخواني اخواتي اعضاء المنتدى الكبير باعضاءه ،،، السلام عليكم
يسعدني اني ازف اليكم خبر عزمي للسفر الى اوروبا العراقه والحضاره خلال شهر ابريل لمدة 8 ليالي وابي منكم تساعدوني في ترتيب برنامج عمل قصدي سياحي خاصة ان الفتره قصيره مره واحتاج لبعض الخبرات في ترتيب البرنامج ولامانع من احالتي الى مواضيع فيها المفيد ،،، انا اكثر مايهمني في هذه الرحله زيارة امستردام ولكن بعد البحث عن رحلات وجدت انه لازم امر باريس فصعبه امر من باريس ترانزيت ولا اقعد فيها كم يوم ،،، فالفكره المبدئيه الان انه انزل في باريس وبالقطار او الطائره الى امستردام ايهما افضل ؟؟ وامكث هنالك مايقارب الخمس ليالي ... ابي رايكم فيها هل هي كثيره ولا اي نف ؟؟؟ وماتبقى من الرحله وهي ثلاث ليالي اجلسها في باريس مابين البرج والاماكن الاخرى اللي ابيكم تساعدوني في معرفتها .
هذا الموضوع بشكل عام وان شاء الله ندخل بالتفاصيل عندما يشتد الوطيس ،،، ولكم احلى تحيه
بالنسبة لهولندا انا رحتها قبل الزواج وحبيتها بس كنت اعليمية ما اعرف انها الدولة الوحيدة الي تبيح ترويج وتعاطي المخدرات بالشارع واكتشفت هالموضوع بعد ما طلبت من زوجي الذهاب لها سبب محل معين يتواجد فقط فيها وفي لندن قال اوديك لندن ولا اوديك هولندا بايعين روحنا احنا وبس يعني خبرتي قديمة بس راح اذكر لك وين رحنا يوم كنا في هولندا
يوم رحنا موتردام وفيها مثل مدينه هولندا المصغرة وبعدها نفس الشخص الي كنا امأجرينه مشانا ورانا لاهاي او الهيق الي كل قطعه منها من بلد في العالم حتى العرب ساهمت في هالمحكمة الشهيرة بس بالقضايا طبعا مو الاثاث ورانا البيوت على شكل مكعبات وغريبه التصاميم
كنا ساكنين بالماريوت وقدامه اذكر مثل الليدو الي في باريس او كازينو مادري اذا لحد الحين موجود.
و منطقة الماريوت اكثر آمان باذن الله من الدام سكوير معا ان الدام سكوير هو السوق الصح والي يوسع الصدر من عنده لحد الاستيشن الرئيسي طبعا انا جالسة اشرح لك وهذا الكلام من عام 1996 مادري يمكن تغيرت الدنيا
على العموم من هولندا تقدر تروح بلجيكا بيوم وترجع ونفس الشي لكسمبورج معا اني ما حبيتها ولا فيها شي الا البنوك ومصنع الخمور الله يكفينا الشر
اما بالنسبة لباريس مثل ماقلت ان شاء الله انسق لك جدول ماراثوني ان شاء الله يعجبك
وبالتوفيق يارب