لو سمحتم احد يساعدني الي عنده خبره
بليز انتظر الرد ..............

محد رد
احتاج الى المساعدة لو سمحتم
الى ذوي الخبره بليز

انا اول مره اشارك والكل نصحني بهذا المنتدى مما يقدمه من مساعدات
بس انا صار له موضوعي كم يوم و محد رد
على العموم سامحوني لاني اخذت مساحه لموضوعي في المنتدى
والله يوفق الجميع
ولكم جزيل الشكر

مرحبا اخت ياسمين،،
أنا صار لي اسبوعين من رجعت من شهر العسل في ايطاليا وسويسرا..
خطة سفرنا كانت كالتالي : وصلنا إلى روما ومنها إلى فلورنس وبعدها فينيسيا، ومنها طلعنا إلى جنيف..
في كل منطقة 4 أيام ، المجموع كان 18 يوم.
الميزانية اللي ذكرتيها راح تكون كافية لكن في حالات:
أولا: ماتزيد رحلتكم عن اسبوعين.
ثانيا: تستخدمون المواصلات العامة في تنقلاتكم (باصات، مترو، قطارات) وما تستخدمون التاكسي أبد لأن سعره واايد غالي وينسف الميزانية.
ثالثا: الفنادق تكون ثلاث أو أربع نجوم.
رابعا: التسوق تكون له ميزانية منفصلة.
بس ما ادري هل تتغير الأسعار في شهر فبراير عنها في شهر يوليو؟؟
والتنقلات كيف تكون بين المدن؟؟
التنقلات بين المدن جدا جدا سهلة بواسطة شبكة القطارات الموجودة، وما بتضيعون ابد!
وايش تقترحون يعني هي الاكيد اول شي فينيسيا وبعدين وين في مكان رايق ورمانسي في هذا الشهر ؟
احنا طلعنا يوم من فينيسا لمنطقة في النمسا تسمى (فيلاخ) منطقة رائعة الجمال وحسيتها رومانسية جدا (طلعنا لها بالقطار 3 ساعات من فينيسيا ورجعنا بنفس اليوم)، الرحلة حلوة وانصح بها لمشاهدة منظر النهر الرائع في وسط المدينة، بس مادري شلون بيكون الجو ؟؟
وألف مبروك مقدما اخت ياسمين، واي سؤال احنا بالخدمة..

مشكوره اخت روان والله يعطيك العافيه اخيرا احد رد لي
انا راح يكون سفري شهر 11 نوفمبر يعني على بداية الشتاء
ايش تنصحين من فنادق و اي خطوط طيران انسب اذا ممكن؟؟؟
الف شكر الك حبيبتي.....

اختي رايح ارد عليكي لكن انتظريني بعد ما افضى ان شاء الله

ايطالي مسافر مشكور على المرور وانتظر ردك
شكرا

طيب ايش رايكم لو صارت الرحله اسبوع ايطاليا (فينيسا, فلورنس)
و 4 ايام باريس بدل برشلونه
هل كذا الرحله تكون تمام؟؟

بصراحة انا لسة راجعة من ايطاليا واعتقد السعر اللي انتي ذكرتية مايسوي شئ ابد
فلورانس ماعجبتني ابد وكانت حارة كثير
فينيسيا مرة رايقة وبالذات سان ماركو اركبوا جندولا راح تنبسطين فيها كثير
والجو فيها برضو كان حيليو شوي مو مرة بس ارحم من فلورانس
بالتوفيق ياعسل