بسم الله الرحمن الرحيم
كل عام وانتم بخير
عيدكم مبارك وكل سنه وانتم طيبين
المركز الموحد فرع الرياض
طبعا لي موضوع اخر عن
الشنغن الألمانية - معلومات كاملة ومساعدات لن تحصل عليها من قبل
https://artravelers.com/p/re/860507
وكتبت فيه تجربتي الي حصلت لي اليوم
والتغييرات الي تحصل في نظام الطلبات والتعقيدات العقيمه
لكن ما ساطرحه بعيد كل البعد عن الطلبات والتعقيدات
بتكلم عن حجوزات المواعيد
طبعا الايام الماضيه كنت ابحث عن مواعيد لاصحابي في السفاره الاسبانيه
وكانت المواعيد مقفله
ومن رمضان والشباب يحاولون ولا قدرو
انا قلت الحين بروح بحصل الدنيا مختبصه
وزحمه ويارب عونك
دخلت انواع الفضاوه
خاصه الي معاه عائله لهم صاله
السفاره الالمانيه
والسويسرية
والنمساويه
فضاوه على الاخر ينادون يبون اي واحد يجيبهم
وبرى كانت زحمه خفيفه
بالاخير جلست اسولف مع واحد جاي مع معقب
ويسالني عن التاشيرات وكيف حصلت موعد
بالاخير عرفت ان الرجال ما عنده موعد وجاي من مكتب دافع 500 للمكتب
و 500 لموظف في المكتب الموحد يزبط امورهم
والباقي مبلغ التاشيرة
حشرت المعقب قلت له ليه شغل تحت الطاوله قال مافيه مواعيد واتحدى الموظف يمشيك بدون ما تحط له فلوس
الحين وش ذا المصاخه والوصاخه
عيني عينك
الناس ما يبغونها تمشي بالنظام
اخاف بكرى ما تستلم جوازك الى معطيه عيديه
اتمنى من كل واحد يواجه قصة مشابهه يرسل ايميل للسفارة المعنية
الملاحظ انه فيه تنسيقات هنا و هناك و هذا ممكن الحدوث
لكن لو اوقفناهم عند حدهم ما راح يتكرر الموضوع