هالموضوع بيكون مرجع اخير للي بيسافر دبي
نبداء بالطريق للمسافرين بالسياره
للمسافرين من الرياض
انصح بطريق الدمام ثم مخرج خريص الى الهفوف الى سلوى ثم الى منفذ البطحاء
الطريق عموماً جيد
مشكلته بعد الاحساء تحويلات والطريق مو مره
بس شغالين فيه الحين
بالنسبه لطريق خريص انصح فيه وبشده
الطريق جديد وسيدين بالنسبه لي افضل من طريق الدمام
وهاذي صوره له
بعد الوصول بالسلامه إن شاء الله الى دبي
اول شي انصح فيه هو شراء فوتشرات the entertainer
سعره ب 295 درهم وفي الحقيقه يوفر لك الكثيير
طبعاً ما ينفع الا لاكثر من شخص
واغلب الاشياء موجوده فيه
من الوايلد وادي و اكواريم واطلانتس وتشيل أوت كوفي
والكثيرر من المطاعم
انا حصلته في مول الامارات ب فيرجن ميقا ستور بجانب سكي دبي
https://artravelers.com/p/re/381098
واستخدامه سهل
كل ما عليك هو انك تفتح الصفحات الاخيره من الكتاب
وتشوف المكان الي انت تبيه وتشوف رقمه وتفتحه
مثلا مول الامارات
تبي سكي دبي
تفتح الصفحه الاخيره تشوف مول الامارات والاشياء الموجوده فيه
نفترض ان سكي دبي رقمه A54
تفتح القسم A وتروح فوتشر رقم 54
ومعروف ولا احد يعارضك فيه
الشي الثاني
ضروري يكون معاك جهاز ملاحه على الاقل لو الجوال
بيوفر لك الكثير من الوقت
الحمدلله اول مره لي بدبي ما ضيعت ولا سألت احد
كل ماعليك انك تدخل الاحداثيات
https://artravelers.com/p/re/326856
ملاحظات اخيره
المخالفات ما تنزل
محد طالبني فيها ولا كلمني عنها
ما ادري اذا تنزل بعدين ولا لا
ونفس الكلام عن سالك
لكن هذا مو معناه انك تخالف
لان صراحه نظام المرور هناك صارم واعجبني
الشي الثاني فيه تحويلات و انت رايح لدبي بعد ابو ظبي لكن فيه لوحات ارشاديه ان شاء الله تكون كافيه
وبالتوفيق