نشر في مدريد

المراوغة الأوروبية صاحب الموضوع جته حالة نفسية ساعدوه

جداوي وافتخر

12-08-2022 - 03:39 am

السلام عليكم ..
مرحب الساع على قولة اخواننا الاماراتيين ..
المهم ..
يا اخواني انا طفشت من السفارة الاسبانية بشكل غير طبيعي !
اللبنانية اللي ترد على التلفون ودي اكسر يديها واقص لسانها !
ذلتنا على هالتأشيرة ...
السالفة يا اخواني ..
أنا طالب جامعي عمري 23 سنة ، وأبغى أحضر مباراة برشلونة وريال مدريد !
كلمت السفارة وقلت اني طالب قالوا .. مانعطيك تأشيرة !!!!!!
وشلون ماتعطوني تأشيرة ؟
تبون تعريف من الجامعة أعطيكم .. تبون كشف حساب عطيتكم !
قالت ولو .. ماعندنا لك فيزا !!!! !!
ثمن قالت .. خل ابوك يجيب تعريف من العمل وكشف حساب له !!
قلت ابوي متوفي !
قالت مانعطيك أجل !!!
وشو ماتعطوني أبي أفهم !!؟؟
الفلوس وموجودة .. التذاكر والحجوزات اوكي ..
انا ما أدري هل هو عناد من هالعجوز اللبنانية وإلا وشو بالضبط !؟
وهل تنصحون بالمراوغة والإصدار عن طريق السفارة الفرنسية !؟
يقولون انها اسهل بكثير !؟
يعني التذكرة تصير على اسبانيا روحة ورجعة .. واسوي حجوزات فنادق وطيران من فرنسا لاسبانيا روحة ورجعة ثمن ألغيها !!!
عشان اخلي باريس ليلتين ومدريد ليلة ، وبكذا تصير مدة الإقامة في فرنسا اطول ..
تكفون ساعدوني تراني انهبلت

التعليقات (9)

zizo521

12-08-2022 - 07:13 am

شف يا اما تجيب خطاب وكشف حساب من ولي امرك مثلا اخوك الكبير بحكم ان الوالد متوفي الله يرحمه لانك طالب ويعتبرون ماعندك دخل فلازم يكون في احد يتكفل بمصاريفك
او تطلع الفيزا من فرنسا وتخلي روحتك منهم الرياض باريس واجلس في باريس او اطلع علطول لان الرحلات الدوليه لها صاله ومطار مختلف عن الدولي فمايهم اهم شيء تدخل البلد اللي مطلعتلك التأشيره لان في الرحلات بين اوربا محد يناظر التأشيره بس في الدخول لاوربا والخروج من اوربا ختم الدخول والخروج وفي النص لو تدور اوربا كلها محد جابلك خبر كانك تروح داخلي عندنا

zaman99s

12-08-2022 - 08:14 am

أخوي هذول ناس عندهم نظام والعجوز اللبنانية مثل ما سميتها تعلمك بالنظام الموجود عندها ( ما تجيب شي من رأسها )
وحتى لو رحت للفرنسية أو أي سفارة أوربية بتسمع نفس الكلام
الحل مثل ما قال لك أخونا zizo إذا عندك أخ أو أخت موظفين أو الوالدة موظفة تسجل اسم أي منهم في خانة الشخص المتكفل بدفع مصاريف الرحلة وتجيب لهم كشف حسابه وتعريف براتبه

جداوي وافتخر

12-08-2022 - 09:15 am

zaman99s
الله يعافيك اخوي ماقصرت على متابعتك وردودك اللي أفادتني في الموضوعين بتاعتي ..
لكن ارى في ردك بعض العتب علي لأني وصفتها بالعجوز وليش تأذيت منها ومن طريقتها ..
اخوي .. النظام يصلح تقوله بلباقة واسلوب .. موب كأني أطرها .. انا تأذيت منها من أسلوبها الجاف والجاف جداً .. وهذي قصتي معها :
( انا رحت اول شي للسفارة وخذت ورقة تعبئة النموذج والأشياء المطلوبة ، وانا عندي بعض الأمور مهيب مكتوبة في ورقتهم ف اتصلت وسألت سؤالين فقط ... والرد كان جاف جداً ولا أفادني ذيك الإفادة وقالت: تعال للسفارة وخذ الأوراق ومكتوب فيها كل شي .. سكرت السماعة وبعد ساعة اتصلت ثانية وقلت : لو فيه أخ بيتكفل بمصاريفي تمشي الفيزا !؟ قالت: ياخي انت كل شوي عم بتتصل فينا !!!!! .. عاد انا هاوشتها وقلت انتِ ماحطوك في هالمكان إلا عشان تخدمينا ولاتجلسين تذلينا ... الخ )
وبالنسبة إلى انها عجوز .. ف وأنا اتمشى في احد مواضيع القسم لقيت واحد يسبها ويقول انها عجوز( هو شافها فيما يبدو لي ) ..

جداوي وافتخر

12-08-2022 - 10:16 am

zizo521
الله يعافيك اخوي على مشاركتك وافادتك ..
لكن أنا ولي امر نفسي

zizo521

12-08-2022 - 11:17 am

في صيغه تلقاها عندهم في السفاره او اذا في احد راح يدرس لغه بيفيدك هو خطاب زي التعهد من اخوك مثلا انه يتحمل تكاليف سفرك وانك تروح تحت ضمانه لانهم يعبرون اذا ماكنت تشتغل فمعناها انت منتب ولي نفسك لان ماعندك مصدر دخل
واتوقع يمكن يبون خطاب تعريف بالراتب لاخوك
او اذا تعرف احد عنده مؤسسه تجيب منه خطاب انك تشتغل عنده بالراتب الفلاني ولكن لازم الحساب يدعم هالموضوع

سفير إسبانيا

12-08-2022 - 12:18 pm

أخوي جداوي
أخواني zizo521 و zaman99s سبقوني وما قصروا بس تأكيداً لكلامهم أحب أوضحلك هالمعلومه .
أنشاء الله راح أفيدك في مشكلتك . بس أبي أعرف أول شي انت برشلوني مثلي ولا مدريدي اذا كنت برشلوني ان شاء الله نتقابل هناك في الملعب . واذا كنت مدريدي راح اقابلك خارج الملعب .
أخوي جداوي لك هالحل واتمنى انها تفيدك :
أولاً : لا بد من أرفاق تعريف بالراتب بالنسبه لك . واذا كنت لا تعمل أرفاق تعريف بالراتب موجه للسفاره لأي شخص يتكفل بكامل مصاريفك أياً كان موظف حكومي أو أهلي . اما اذا كان موظف أهلي تعريف بالراتب موجه للسفاره موضح فيه مقدار الراتب وبداية تعيينه للعمل أو بلأصح سنوات الخدمه مصدق من الغرفه التجاريه .
ثانياً : أي شخص تعرفه عنده مؤسسه أو شركه يقدر يعطيك تعريف بالراتب على أساس انك تعمل لدى شركته فهذا يمشي ولا فيه أي مشاكل .
ثالثاً : انت مالك علاقه بالسفاره أنت قدم أوراقك عن طريق القنصليه في جده وموقعهم طريق المدينة النازل بجوار كبري المربع .
أخيراً أخوي اذ لم تستطيع أحضار هذا الشرط فرد علي أنا أنهيلك مشكلتك في القنصليه وان شاء الله ما راح أقصر معك في أي شي بقدر المستطاع .

محمد.م

12-08-2022 - 01:19 pm

نفس حالتك بالتمام وكل مبارة للبرشا اولع من داخلي بسبت كشف الحساب والتعريف وبرضو الوالد متوفي عندي !!!
الله يعيننا
لقيت مكتب سياحي قالي ممكن حسيته بشفق عليا يا رجل !! وهو يقول ممكن نحاول نطلع لك هيا ولو قدرنا كمان وفي نهاية كلامه اشوف كيف فيزة الشنغن !!!
تعلطت روحتي لكندة لدراسة اللغة بسبت كشف وتعريف
تعطلت روحتي لبريطانيا بسبت كشف وتعريف
بالعربي اي مكان فيه فيزة محروم منه بسبت كشف وتعريف
صرت اي فلوس تجيني ما اشوف في وجهي الا مصر والبحرين والامارات وعليها كلو بسبت ايه الفيزة
تخيل السنة هادي طلعت مصر امكن 4 مرات من كثر ماني محصل مكان ارحله في اروبا ولا كندة ولا دول بفيزة
وتخيل كل سفرة اصرف حول 20 الف ريال واللهي اصرفها وانا مقهور هاذي تطلعني امريكا ولو اسبوع احقق فيه حلمي ولا كندة اخد لغة ولو اسبوعين يا مسلم اخد لغة بالكدب !! لامفر الكشف والتعريف وراك وراك ك ولاتقولي ولي امرك ولا قريبك !! رجاء لا تقولي ك
بعدين انا من الشباب الي احب اسافر لحالي او معي بالكثير اثتنين جريتهم من اذنهم وطلعت اي مكان
يلا الحمد لله على كل حال

zaman99s

12-08-2022 - 02:20 pm

جداوي وافتخر
لا حبيبي بالعكس أنا العجوز هذي مبهذلتني بطريقتها الجافة من عام 2000 وبعدين هي صايرة تعرفني معرفة شخصية إذا جيتها السفارة مع أن لي الحين حوالي السنتين ما مريت السفارة بس ناوي إن شاء الله الصيف الجاي

سعد القحطاني

12-08-2022 - 03:21 pm

محمد.م
اخوي انا كنت نفس وضعك ماعندي كشف حساب ولا فيزا ولا شي رحت ياطويل العمر مكتب سياحي وعطيته 1-جواز سفري2- وصورتين شخصيه 3-تعريف بالراتب من عند واحد من الشباب عنده مؤسسه ثلاث خطوات فقط سهله و 800 ريال رسوم واتعاب المكتب وبعد 14 يوم عطاني الجواز وفيه الشنقن من السفاره الفرنسيه . اي دوله اوربيه ادخلها . انا كان قصدي برشلونه بس بحكم انه لازم تطلع التأشيره بنفسك خليتها على الفرنسيه عن طريق المكتب اسهل وانا مرتاح في البيت ..وانت واقف في مطار شارديقول بباريس ختم وبعدها اعتبر نفسك دخلت اوربا كلها اجلس في باريس يوم ولا يومين واي دوله اوربيه ثانيه تروح لها من باريس كأنها مدينه داخليه في فرنسا حتى جوازك ماتطلعه من شنطتك الى اذا رجعت ديرتك واذا استعصى عليك تعريف الراتب عطيني خبر اعطيك من مؤسستي وادلك على المكتب والامر اسهل مما تتوقع بالتوفيق تحياتي.

مدريد المسافرون العرب

المراوغة الأوروبية صاحب الموضوع جته حالة نفسية ساعدوه