السلام عليكم
تحية عطره لكل عضو بهذا المنتدى الشامخ
وكل عام وأنتم بألف خير..
بعد قراءة بعض التقارير
وتحديد عدد أيام السفر وهي 16 ليلة
تم عمل حجوزات كلاً من تذاكر السفر والفنادق..
وبودي عرض مخطط رحلتي لإبداء الرأي من الخبراء
المسافرين عائله مكونه من 3 أشخاص بالغيين
طفله سنه ونص
تاريخ الرحلة 11 اكتوبر - 27 اكتوبر
اتوقع بيكون الجو بارد
لكن إن شاء الله يكون معقول مع الملابس الثقيله..
المخطط كالتالي:
فيينا 3 ليالي
سالزبورغ ليلتين (ومنها استئجار سياره من فرايسلانغ)
كابرون 6 ليالي
قارمش 3 ليالي
ميونخ ليلتين
يا اخوان أنا كبرت الخط لقارمش عندي استفسار لها, أما بقية المناطق سهله من التقارير ان شاء الله
قارمش ما احس فيه ناس تكلمت عنها,
اقترحها لي مشكورا المبدع (مسافر نت)
واطلعت عليها في كذا موقع وصراحه جميله
ممكن البعض بيقول هي ريفيه وشبيهه لكابرون , وكابرون اعطيها 6 ليالي..
أنا خصصت ثلاث ليال لقارمش, لأني حاب ازور المناطق اللي حواليها
وهنا طالب مشورتكم.
أبدء بالاستفسار المهم:
بعد ما اخصص يوم لقارمش, وش الاماكن اللي تستحق ازورها باليومين الباقيين..؟
بحثت بشكل سريع بقوقل, وقوقل ماب
لاحظت ناس تتكلم عن مناطق قريبه منها
مثلا
Bad Tolz شمال قارمش, وتبعد حول 50 كيلومتر
وفيه Fussen غرب قارمش تبعد تقريبا 50 كيلو متر, لكن لاحظت
ناس تقول انها عباره عن قصر وماينصحون فيه للي عنده اطفال ونساء
وفيه قرية Pertisau ناس كثيير تمدحها وتبعد عن غارمش 75 كيلومتر تقريبا
وأيضاً انسبورك تبعد عن غارمش حول 70 كيلو متر
للي عنده فكره عن هالمناطق القريبه من قارمش, ممكن يرشح لي المناطق اللي تستحق الزياره
لمدة يوم او نص يوم .
والف شكر لكم مقدما
وكل عام وأنتم بألف خير