وعليكم السلام ورحمة الله وبركاته:
والله يا شاعرنا المطر...كلامك سليم...يعني المفروض اللي بينصح يوضح الاسباب....مثلا تنصح بفندق الاتريم...توضح الاسباب لماذا....من سعر من خدمات....من موقعه.....الخ.
ولو العضو السائل يوضح برضو عدة نقاط مثل:
1_مدة الاجازة.
2_عدد الافراد.
3_نوع الاجازة.
4_الاماكن المفضلة(بحرية او جبلية).
5_نوع السكن( فندق-فيلا-شقق).
6_الفنادق المفضلة(5نجوم او 4نجوم).
لكانت العملية سلسه...وغير كذا راح تفيدنا هالمعلومات في سفرات مستقبلية.
موضوعك جميل يا المطر....وفيه نوع من التنظيم..
فيا ليت اي عضو قبل لا يسال...يوضح عدة نقاط من جهتة حتى يتمكن بقية الاخوان من الاجابة بشكل دقيق.
شكرا لك يالمطر وتقبل وافر واخلص تحية

SEMSEM_G & al_mater
هلا وغلا وحياكم الله
وتنسلمو علي الموضوع ويعطيكم العافية
وبالفعل هذا الا حاصل من الشباب الا ودهم بسافر يدخل الله يسلمة ويدش اسئلة
وتلقا الاعضاء والمشرفين يجلسو يفحطو لانهم ما عندهم خبر كم يوم راح يجلس ايش نوع الخطوط وغيرها
فانا اضم صوتي لكم والرجاء من كل عضو ودة يسافر يشوف الاسئلة الا حاطها SEMSEM_G & al_mater ويعطينا اسئلتة بعدها
وانا ودي اضيف قيمة المبلغ الا طالع فية (احتمال اخذ سلف منة ) امزح لانة ممكن من الخبراء انهم يعطوة السعر التقريبي للسفرة وعلشان ما يتوهق هناك
تقبلو تحيتي

al_mater & SEMSEM_G & T w i n s X
:gathering
الكلام الي انتو تقولونه صحيح وعين العقل ويسهل على الشباب انهم يجاوبون على اسئلة المستفسر....
ولكن

Broncos
هلا وغلا قلبو وحياك الله
كلامك مية مية وتغير مسمى استفسارات السائح اضم صوتي معك بس هل خذ بالك من كلمة هل
هل العضو الجديد راح يفتح الصفحة بعد تغير المسمى ويجلس يدور نقول ان شاء الله
هل راح يصبر في القراءة نقول ان شاء الله
المصيبة انة العضو الجديد يجيك مستعجل ويقول لك انا مسافر كمان يومين ايش الحل
انا من وجهة نظري السخسية ان ادارة المنتدا تسوي حركة كيف بس حركتات
تفتح نافذة صغيرة للعضو الجديد عند تسجيلة للمنتدا والنافذة هذي يكون فيها استفسارات سائح لجميع البلدان وتجلس هذي النافذة الي ان يكمل عدد مشاركاتة 4 مشاركات يعني ما راح تطول معة
احتمال كذا تقل الاسئلة ولا ايش رايكم
تقبلو تحيتي

الاخوه
سمسم جي
التونز اكس
برونكوس
كل اللي قلتوه100 على 100 واعتقد ان الاخ برونكوس قرب الى الحل وهو وضع انموذج ولو اني اعرف في النت والكمبيوتر كنت عملته ويكون يحتوي على النقاط اللي ذكرناها جميعا بحيث اي استفسار خارجها لا يرد عليه حتى يقوم العضو بتعبئة النموذج
هذي بتفيد حتى الاعضاء القدامى لانها سوف تسهل علينا الاستبيان عن رحلات نستفيد فيها من بعض وتكون اجابات الاسئله تنتهي الى برنامج قد لا يخطر على بال العضو والصحيح كنت مره محتار في شان اجازه حصلت لي فجاه ولمدت اسبوع وبعد المشوره مع بعض الاصدقاء اقنعي احدهم وبالاله الحاسبه ان رحلتي الى العمه ستكون ارخص من البلاد القريبه وان الفرق فقط في وقت الطائره
اما التعميم بسؤال غير محدد اظنه يتوه وايضا مثل ما قال الاخوه التونز عن الميزانيه يعني لو الميزانيه كبيره على فتره قصيره ممكن يكون هناك سياره او السكن في ال5 نجوم وهكذا
انا مع ان استفسارات سائح تجدد اليا بحذف المشاركات القديمه

شباب انتو 100% وكلامكم سليم
بعدين حركات يا Broncos...طلعت لنا بلكن والtwin x طلعوا بهل ....منتو سهلين ...الله يعطيكم العافيه..

فيه واحد من الشباب يسالني يقول وش استفسار السائح وهو دخل المنتدى لكن ما فهم وش المقصود
وانا وجهت نظري مع اخويBroncos
ولكم تحياتي

الاخ سمسم
الظاهر عندك منخل(((غربال))) ونخل الكلام وطلع الكلمتين وكلامك 100% ومو غريب عليك اهتمامك الكبير بالبوابه
الاخ العوفي
كلامك في محله ونتمنى التطوير في موضوع الاستفسارات حتى نستفيد جميعا

أعزائي خبراء بوابة اندونيسيا
أشكركم أولا" على تفاعلكم في الإجابة على استفسارات الأعضاء الجدد معنا في البوابة
ومد يدل العون باجابات شافية وإرشادات ثمينة ونصائح ذهبية لا تقدر بثمن
ومن خلال هذا الموضوع أثبتم حرصكم اللامحدود في تحسين الصورة في عين الزائر
والوصول للهدف المنشود بأسلوب راقي وجميل لتبقى بوابة اندونيسيا عنوان التميز
وبسم الله راح اعلق على ردوكم قدر المستطاع للوصول لقرار مشترك بهذا الشأن
اخوي المطر
شاعر بوابة اندونيسيا
كلامك سليم واقتراحك مفيد ولكن ليس هناك طريقة معينة للوصول بهذه الفكرة إلى الأعضاء
الجدد وخاصة إن اغلب الباحثين عن المعلومة تجد لديه خلفية لبعض النقاط ويبحث عما نقصه
من معلومة أو مكان أو نصيحة
أما بخصوص تعليقك "ويسلم من (((مر على المواضيع في البوابه))) "
لا بالعكس نتمنى جميعنا من الأعضاء الجدد المرور على المواضيع في البوابة قبل الاستفسار
والا توقفنا عن إدراج مواضيع جديدة تفيد السائح المستجد بالتعرف على اغلب المناطق وأيضا
تفيد الخبير للإطلاع على منطقة سياحية قد يكون سمع بها ولكن لم يزورها
اخوي ابو السماسم
SEMSEM_G
خبيرنا العزيز كلام سليم ولكن انا اعتقد أن اغلب زوار اندونيسيا للمرة الأولى راح يكون اهتمامه
في زيارة الأماكن التي سمع أو قرأ عنها لذا سوف تلاحظ إن استفساراته بتكون محصورة في نطاق
معين وهناك نوع آخر مثلا" لا يهتم بموضوع السكن " الفندق الفلاني سمعت انه كويس" خلاص
لذا لو تلاحظ بان الكثير يبدأ بالاستفسار قبل الإطلاع على أي موضوع
أعزائي ال TwinsX
خبرائنا المتميزين موضوع الميزانية موضوع مهم ولكن اغلب المسافرين للمرة الأولى تجده سمع
بان اتدونيسيا رخيصة لذا ما هناك مشكلة بخصوص الميزانية "هذا من وجهة نظره"، وفي المقابل
تجد المسافر الخبير حريص على الميزانية حتى أدق التفاصيل للتمتع بإجازة سعيدة
وهنا أحب أضيف نقطة مهمة وهي إذا تم التخطيط للرحلة مسبقا" من حيث أماكن الزيارة من مدن
وجزر وتحديد المسكن واحتساب مبلغ افتراضي للوجبات ورسوم الدخول للاماكن السياحية بالإضافة
إلى تخصيص مبلغ للمشتريات من هدايا واحتياجات راح يعود المسافر بالسلامة وباقي معاه من الميزانية
اخوي Broncos
خبيرنا العزيز كلام جميل وهذا هو الحاصل من الأعضاء الجدد
بخصوص موضوع (((استفسارات سائح))) من وجهة نظري الموضوع نجح في تجميع الاستفسارات
في موضوع موحد والدليل وصل عدد صفحات الموضوع إلى 35 صفحة "حتى كتابة هذه السطور"
وجمعت في طيات صفحاته العديد من الاستفسارات وإجابتها في شتى المجالات سكن، أسعار، أوقات
الزيارة، حتى تأشيرات الاستقدام والمنتجات الممكن استيرادها
لذا اقترح إن يضل الموضوع مستمر وأيضا تبقى الاستفسارات القديمة للفائدة وتجنبا" للاستفسار
مرة آخرى عن موضوع تم الإجابة عليه، آما بخصوص المسمى حتى وان تغير سيبقى الاستفسار
من الأعضاء الجدد في موضوع مستقل، وبالنسبة ل "والمشرفين شغلتهم يشلون الموضوع
ويحطونه هناك" ما يهمك الشغلة بسيطة ولو تلاحظ بان الموضوع ما ينقل الا بعد الإجابة عليه
و أوضح نقطة بأنه في احد المنتديات وصل عدد صفحات موضوع استفسارات سائح إلى 135 صفحة
وبعدد مشاركات تخطى ال 2000 مشاركة
لذا نجد بعض الإجابات غير مهمه للمسافر الخبير أو المسافر إلى زار البلد من قبّل لكن صدقوني
بان الإجابات جميعها مهمة جدا للزائر للمرة الأولى والى يحب يزور البلد وعنده خلفية جيدة
بخصوص مقدمه الموضوع أن شاء الله يتم عمل التعديل بخصوص اقتراح شاعرنا بعد أعلام
مشرفنا العزيز أول حبيب
وبالنسبة للمسمى اتفقوا على المسمى الجديد وابشروا بالخير
أعزائي ال TwinsX
بخصوص الحركة المطلوبة ما يهمك نناقش فيها المسئول الأول بالشؤون الفنية والتقنية
أستاذنا القدير ابو خالد ونشوف وجهة نظره حول إمكانية تنفيذ هذا الاقتراح
اخوي ال alofi
حياك الله معنا في بوابة اندونيسيا
بالنسبة لزميلك أتوقع إذا قرأ أول مشاركة في موضوع (((استفسارات سائح))) سوف
تتضح له الصورة
أخيرا" أشكركم مرة آخرى ويالله شدو حيلكم كم شهر ويجنا الصيف والله يعينا جميعا"
لتقديم مافيه المفيد لكل مستفسر