1. وش حال اعضاء المنتدى الرائع..؟ ان شاء الله الكل بصحة وسلامة..


2. أن شاء الله يكون اختياري موفق ولا غير موفق..؟

السلام عليكم ورحمة الله وبركاته

وش حال اعضاء المنتدى الرائع..؟ ان شاء الله الكل بصحة وسلامة..

اخواني ان شاء الله طالع للامارات الحبيبة باجازة العيد من 29-12 حتى 4-1 واليومين الاولة راح اقضيها ان شاء الله بأبوظبي.. أما من 31-12 حتى 4-1 ان شاء الله راح تكون بدبي..
بالنسبة للفنادق والله حجزت على المتوفر والمعقول نوعا ما بأبوظبي أخترت فندق كروان بلازا يمدحونه بس والله هو العالم أما بدبي حجزت بكارلتون تاور.. بس حسيت من الشباب انهم مايمدحون موقعه ما أدري وش السبب..؟

أن شاء الله يكون اختياري موفق ولا غير موفق..؟

بالنسبة للفترة هذي وش أفضل الاماكن اللي ممكن الواحد يروح فيها سواء لابوظبي ودبي.. احتمال اهل الامارات يدرون عن اماكن راح يكون فيها عروض غير العادة فياليت حد يقترح لنا برنامج حلو ومضبط للزيارة هذي ووعد مني لجميع من يقترح راح اوافيه بتقرير شامل عن كل مكان يقترح علي اقضي وقت فيه
بصراحة المنتدى مليان تقرير والله يعطي الشباب الف عافيه لكن الزيارة راح تكون محدوده فياليت حد من اهل الخبره وهو كثيرون ينتقي لي افضل واروع الاماكن للزيارة..
وكمان بصراحة انا راح تكون هذي الزيارة الاولى لي للامارات فياليت حد يوضح لنا وش الاحتياطات اللي نتخذها من اصل الى مطار ابوظبي من الرياض وحتى مغادرتي من مطار دبي الى الرياض..
يعني Mr.Raed مسافر جديد للامارات يتمنى انه حد يتفضل عليه والفضل لله عزوجل بان يقدم له افضل النصائح للزيارة ووعد مني كما ذكرت سابقا انه راح يكون فيه تقارير حلوة ان شاء الله عن الزيارة
للعلم الزيارة راح تكون عزابيه يعني مو عوائل..
والشكر موصول للجميع سلفا..