اولاً هل هي مبتعثة اصلاً؟؟؟ لأن الابتعاث على بريطانيا موقوف وبشكل صارم في الفترة الحالية
ثانياً هل التخصص والدرجة العلمية تأكدتوا انها معترف فيها من قبل الوزارة؟؟ عشان تتأكدون ادخلوا موقع وزارة التعليم العاليم قسم الجامعات الموصى بها.. واختاروا بريطاينا.. ثم مانشستر وبعدين الدرجة العلمية حددوها (بكالريوس او ماجستير او دكتوراة) وبعدين بتفتح لكم صفحة فيها التخصصات الموافق عليها من الجامعة المذكورة بمانشستر
من ناحية المرافق لا ولا تقبل الوزارة او الملحقية ان يكون المحرم امرأة مهما كانت الاسباب والمطلوب يكون الأب فقط واذا بيروح اخ او احد المحارم مثل العم او الخال .. تسوي وكالة عند المحكمة او عند المديرية
الأوراق المطلوبة انت وضحلنا هل مبتعثة اصلاً او هي دارسة على حسابها وتبي تحاول في الابتعاث؟
لأن لو دارسة على حسابها مالها شغل الملحقية ومايهمها اذا كان معها محرم او ماعندها

اختي الله يجزاك خير خبيره بريطانيا بس عندك فكره ليش الابتعاث متوقف في بريطانيا قوليلي ايش الاسباب بليز لو عندك فكره ؟؟

husseinlondon
لأن اغلب الجامعات صارت غير معترفة لأسباب تكدس الطلاب السعوديين.. حسب معلوماتي القديمة في مايزيد عن ستين الف طالب بهالبلد.. ويكفي انك بكل كلاس تلقى الغالبية العظمى سعوديين ولذلك تم اقفال الابتعاث والتحويل حتى اشعار اخر
البلد فيها تكدس كبير والدولة تسعى للتخفيف من خلال تخريج الدفعات الحالية وبعدين يتم فتح الابتعاث

الله يستر عليكي على هذه المعلومه

memi
اشكرك على الرد حبيت اوضح ان بنتي رايحه على حسابنا لدراسه اللغه
وهي معها قبول من جامعه مانشستر وناويه تدرس اللغه بمدينه نورج بلندن ان شاء الله
والمعروف عندنا بالسعوديه الطالب يقدم لجامعه ويجيه قبول ويروح يدرس بمعهد وبعد 3 شهور او 4
ينظم للبعثه كذا صار مع اخوها والان الحمد لله بادي بالماستر قانون وبنتي بتدرس ماجستير بعد اللغه
ان شاء الله وهي دارسه تربيه خاصه (اعاقات وتخلف عقلي )
اعرف ازعجتك بالاسئله بس انتي ماتقصرين بالنسبه للمرافق اخوها بثالث ثانوي هل ينفع كمرافق
وماهي الاوراق المطلوبه منه تقديمها متمنيه من الله ان يسدد خطاك ويوفقك ويحفظك بغربتك ويردك
سالمه غانمه وربي ينجحك ويستر عليك

1. اول ماتوصل بريطانيا تفتح ملف بالملحقية اسمه (دارس على حسابه الخاص)

طير بلا جناح
حبيبتي انا سعودية بعد..
زي ماقلتلك مافي ابتعاث على بريطانيا مقفل يعني مو مهم تروح بأخوها أو تروح بروحها
يعني دام انها دارسة على حسابكم (الله يخليكم لها) تروح عادي وتدرس لغة والدولة مالها اي اختصاص فيها لأنها دارسة على حسابها الخاص والابتعاث موقوف .. يعني ماراح يهمهم مع مين جاية او وين المحرم
شوفي والله بقولك شي.. الواسطة فوق القانون زي ماتعرفين لكن بالنسبة لبريطانيا مو اي واسطة هاليومين تمشي.. لأني اعرف ناس واسطاتهم قوية بس ماقدروا يحصلوا على بعثة خلال هالسنتين.. لأن أمر الأقفال مشدد عليه.. ولكن خل نقول واسطتكم جداً جداً قوية فالاجراءات عشان تنضم للبعثة هي:

اول ماتوصل بريطانيا تفتح ملف بالملحقية اسمه (دارس على حسابه الخاص)

بيعطونها رقم الملف.. بعد دراسة اللغة واجتياز عدد الساعات المطلوب دراستها في مرحلة الماجستير تروح تطلب انضمام للبعثة.. (تفتح ملف ثاني بس تقولهم الحاق بالبعثة) وفي رقم معاملة طبعاً تقدرون تتابعون وتعجلون بالمعاملة من خلال المتابعة في الرياض مع الوزارة.. اذا صدرت الموافقة ذيك اللحظة الدولة بتقول وين المرافق
لكن صدقيني اذا كان ودكم ابتعاث ففي دول مازال الابتعاث فيها مفتوح مثل امريكا ... وعشان تتأكدين من كلامي اتصلي على الوزارة واسأليهم عن الدول المغلقة حالياً
بالنسبة للمرافق يعني في حال صدور الموافقة بالبعثة.. تروح تطلب ضم المرافق للدراسة (دراسة مرافق) لازم يكون عمر المرافق 18 سنة بالهجري وليس بالميلادي...
اما اذا عندكم استعداد تدرسونها طوال فترة دراستها فالدراسة في بريطانيا كويسة ماعليها
لو اعدلك كم وحدة من صديقاتي هنا بلندن جو وتركوا اعمالهم وبدأو دراسة متعشمين في البعثة ويوم وصلوا بريطانيا انصدموا بامر الاقفال واضطروا يكملوا على حسابهم الخاص.. وترى كلهم بدون مرافق لأن يالله يدبرون مصاريفهم المرافق مايجيبونه الا اذا صدرت الموافقة
واي سؤال انا حاضرة.. بس ترى خبرك قديم ماعاد الدولة زي قبل تبعث بعد 3 او 4 شهور في بريطانيا.. هالوضع يمشي على بلدان اخرى وليس من ضمنها بريطانيا
والله يوفق بنتك واذا في شي بخاطرك تسألين لايردك الا لسانك

اخني ألغاليه ميمي الله يحفظك ولدي من سنتين مبتعث من الحكومه راح أول شئ على
حسابنا وبعد 6 شهور انضم للبعثة وردو كامل المبلغ إللى صرفناه عليه ومن كذا اخؤها طلب
منها تسوئ نفس الطريقه علما انها جائها قبول من جامعه في مانشستر وجامعة ادنبره
فما ادري هل نتأكد أول من مكتب إللى قدم لنا للبعثة هو إللى قدم لولدي وهو ثقه ماقال لنا
ان البعثات متوقفه لبريطانيا هذامع خالص دعائي لك لبنتي وبنات المسلمين وشبابهم بأن الله
يحفظهم من كل مكروه وحابه اسئلك هل انتي مرتاحه ومافيه أي مضايقات عليك من أي أحد

1. طير بلا جناح


2. وهذا رابط الاجراءات حق الالحاق

طير بلا جناح

شوفي عزيزتي.. انا بعثتي بعد قبل سنتين وكنت من المرحلة الرابعة ومن المرحلة الخامسة مسحوا قائمة بريطانيا ضمن الدولة المبتعثة واغلقوا الالحاق.. والسنة بعد ماهي موجودة الدولة ضمن الدول المبتعثة في البرنامج السادس.. وباب الالحاق رسمياً مازال موقوف لكن من تحت الطاولة الكثير تمشي اموره بواسطة
والوضع اسهل لأهل الماستر طبعاً من اهل البكالريوس.. البكالريوس شوي اصعب
في ناس تو صدرت لهم قرارات ابتعاث وفي ناس طلعت من شغلها وراحت بريطانيا وخسرت الي حولها ودونها وتم رفض الحاقهم
والله يا اختي انا اعرف الحين معاي تقريباً 3 بنات وشابين كلهم ماقدروا ينضموا للبعثة.. وتقريباً اوشكوا على نهاية الدراسة وربي دبرها معهم الي اشتغل وحاول يدبر اموره والي اهله يساعدونه.. في معي صديقة بجامعتي تدرس من جد طلعت هي وزوجها ترك عمله.. وعلماً ان عندهم امر اركاب طلعوه بواسطة من الرياض ولما وصلوا تم رفض الحاقهم والزوج رجع السعودية بعياله وظلت زوجته تدرس والحين قريب تتخرج الله ييسر لها امورهم
الي عندهم واسطات تيسرت امورهم.. في اقوايل تقول تم فتح باب الابتعاث عليها بشكل غير رسمي وهالشي مايخلي الواحد يغامر قبل مايتصل بالوزارة.. مكالمة بتفيدكم ماراح تضركم ان شاء الله
انا قبل سنة لما رحت اخلص اوراقي بالوزارة كان القرار معلق دول الموقوفة نيوزلندا واستراليا وماليزيا وبريطانيا وغيرهم
نصيحة لوجه الله تتأكدي من الوزارة نفسها ومن الملحقية في بريطانيا وتدخلي منتدى مبتعث قسم بريطانيا راح تستفيدي.. وتوكلوا على الله دام بنتك ماتحتاج لغة هي سنة تخلصها بسهولة حتى لو ماجاها الابتعاث بس القضية في المرافق..
الله يسهل اموركم ويوفقكم.. وان شاء الله تروح ويتم الحاقها بسهولة بس الاحتياط واجب دوماً

وهذا رابط الاجراءات حق الالحاق

ظˆط²ط§ط±ط© ط§ظ„طھط¹ظ„ظٹظ… ط§ظ„ط¹ط§ظ„ظٹ - ط¥ط¬ط±ط§ط،ط§طھ ط§ظ„ط¥ظ„ط*ط§ظ‚ ط¨ط§ظ„ط¨ط¹ط«ط© http://www.mohe.gov.sa/ar/studyaboard/Policies-and-Rules/Scholars-At-Their-Own/Pages/Placement-Procedures-For-Mission.aspx

طبعاً لو افترضنا عندكم واسطة او لو افترضنا ان البلد مازال مفتوح الالحاق فيه.. زي ماقلتلك تأكدوا اولاً ان الجامعة مازالت معتمدة
انتي قلتي بتدرس بنتك في مانشستر .. هذا من موقع الوزارة
تم إيقاف التخصصات التالية بالجامعة بسبب زيادة عدد الطلاب فيها: - مرحلة الماجستير (قسم التربية والتعليم - قسم العلوم الطبية) - مرحلة الدكتوراه (قسم التربية والتعليم - قسم العلوم الطبية - قسم العلوم الطبيعية - قسم العلوم الهندسة).
اسم الجامعة Manchester Metropolitan University (Manchester Metropolitan University) موقوفة
الدولة بريطانيا
نوع الجامعة غير محدد
موقع الإنترنت
معلومات الجامعة :
بسبب زيادة عدد الطلاب السعوديين فيها على النسب المقررة - مرحلة الماجستير (قسم التربية والتعليم، قسم العلوم الطبية) - مرحلة الدكتوراه ( (قسم التربية والتعليم، قسم العلوم الطبي - قسم العلوم الطبيعية - قسم العلوم الهندسية)
اسم الجامعة University of Manchester (University of Manchester) موقوفة
الدولة بريطانيا
نوع الجامعة غير محدد
موقع الإنترنت ظ†ط¸ط§ظ… ط§ظ„ط¬ط§ظ…ط¹ط§ ط§ظ„ظ…ظˆطµظ‰ ط¨ظ‡ط§ - طھظ†ط¨ظٹظ‡ط§طھ http://ru.mohe.gov.sa
هذا الرابط.. ادخلوا عليه ضروري للتأكد من وضع الجامعة
ظ†ط¸ط§ظ… ط§ظ„ط¬ط§ظ…ط¹ط§ ط§ظ„ظ…ظˆطµظ‰ ط¨ظ‡ط§ - طھظ†ط¨ظٹظ‡ط§طھ http://ru.mohe.gov.sa/univ.aspx?uc=sections&id=7545&SectionName=
دخلوا مدينة مانشستر واختاروا ماجستير عشان تتأكدي وفي ثلاث جامعات بمانشستر اختاري الجامعة الي جاكم فيها قبول ويطلع لك اذا موقوفة كلمة موقوفة
للعلم.. اغلب جامعات بريطانيا موقوفة مؤخراً