- دائماً خلي كوالا آخر شي في رحلتك علشان تتسوق فيها وتتمشى كمان
size="6"]إخواني في هذا المنتدى الرائع شفت أكثركم ملخبط في عمل جدول له وإقتراحات ما انزل الله بها من سلطان أنتم إسألوا اللي راحوا ماليزيا كل من واقع تجربة وأنا اقولكم تجربتي
أولاً كنت ناوي اروح النمسا بس مالقيت صراحة تجاوب من بعض الأعضاء وسألت أكثر من واحد أعرفه قالي والله الجو الحلو بس بس بس ومافي ولا شي يذكر أما عن ماليزيا فوالله تحتار وين تروح عموماً أنا ان شاء الله رايح شهر عشرة وشوفوا رأيي كالاتي
الخطوط الماليزيا روعة ( أما الخطوط السعودية توبة والله مااروح فيها قسم بالله تحت رجولي رز ناشف وتأخير والله ثلاث مرات وعند الاقلاع تاخير ثلاث ساعات وحتى في الرجعة الجدول كله تلخبط عندي )
دائماً خلي كوالا آخر شي في رحلتك علشان تتسوق فيها وتتمشى كمان
بينانج اربعة ايام ( بينانج حلوة وجنان وتختلف عن لانكاوي وقريت بعض المشاركات يكتبون انه لانكاوي زي بينانج من وجهة نظري في اختلاف صراحة لانكاوي رواقة ( للمتزوجين ثلاث ايام كافية في لانكاوي لاقون الأكواخ شي خرافي صراحة )
بينانج الغالبية فيها صينيين وخليك شديد معاهم وكاسر في السعر وأنا انبسط صراحة في بينانج وناسة
شوفوا كاميرون هايلاند مالها داعي أبد ليش ؟ مثل الطائف عندنا الجو بارد ومافي ولا شي تذكر كأنك في الطائف وبعض مزارع الشاي والفراولة فقط لاغير يعني صراحة من وجهة نظري مالها داعي ومشوار من كوالا الى كاميرون هايلاند امكن ثلاثة ساعات رايح وثلاثة ساعات جاي على الفاضي .
نجي الى كوالا لمبور صراحة مدينة صاخبة بكل ماتعنيه الكلمة من معنى الساعة تسعة في الليل الدنيا فاضية والساعة ستة الصباح الناس كالنحل ( مو مثلنا نيام طول الوقت وسهر إلى الصباح )
من وجهة نظري كوالا لمبور اقل شي 7 ايام لانه فيها حاجات كثيرة مرة للتمشي من ( حديقة حيوان - الفراشات - التوين تاورز - صن وي لاقون ( تراها قريبة وليش الزيادة اللي مالها داعي خصصلها يوم واحد ) وعندك كمان المعبد الهندي - والقرية الصينية وأهم شي في ناس يقولو استأجر في جنتنق ياخواني كلها ساعة وانته في جنتنتق من كوالا وليش ؟ خليها يوم كامل من الصباح الين الليل تكفي مرة وحتى افاموزا مافيها الا الكرنفال فقط لاغير خليها كمان يوم بدال ربط العفش ونزل وحط وأخيراً المشكلة طبعا التي ستواجه الجميع الأكل ماعدا كوالا لمبور هذه بعض النصائح مني لكم وجربوا ومنتم خسرانين واسف على الاطالة وإنتظر ارائكم وأي سؤال عن ماليزيا كلها أنا حاضر تراني لفيتها لف
نصايح وتوجيهات في محلها يعطيك العافيه