تعوذ من بليس واقعد ببلدك وان شالله ربك بيفرجها عمر الظلم مايدوم الفرج قرييب ان شاء الله

بارك الله فيك اخوي راعي سفرات واشكر لك تعاطفك بس هذا قرار محسوم واللي يعرف او عنده خبرة بالموضوع يفيدنا جزاكم الله خير

اقول ما فيه احسن من بلدنا .. واذا انت زعلان او صاير لك موقف مع احد سافر لمدة شهر وانت بتشوف وشلون تشتاق لاني اول ما نزلت من الطيارة انبهرت مثل ما انبهروا كل الشباب طبيعة ولا اروع تعامل ولا اروع وحبيت المكان والناس بس بعد اسبوع فقط اسبوع يا ناس اشتقت لبلادي ولو يا شيخ يسون اللي يسونه ما اطلع ... فكر يا خوي زين
تحياتي وتمنايتي القلبية لك بالتوفيق

أنا أتوقع أنك غير سعودي وهذا الارجح لانه نادر يطلب جنسيه
اخرى يكون سعودي لانه في شهادتك وفي السعوديه تكون
في عز وظيفي ومكانه اجتماعيه .. انا يهمني جنسيتك
وراح اعلمك كيف الطريقه .. اذا كنت تبي لجوء او استقرار

لاوالله انا موسعودي وبعدين السعودية نعم البلاد يعني اذا في السعودية من يظلم من عنده شهادة كشهادتي والله ماظل في الدنيا خير

طيب الله يكتب الي فيه الخير عزيزي هنا ممكن تجي في طريقه رسميه
وتطلب فيزة عمل وتمنح فيها وتشتغل فيها وتمشي مع شروطهم وتحصل
علي الجنسيه .. وفيه طريقه والاغلبيه يسونها هنا الله لايبلانا يغير الديانه
من مسلم الا مسيحي او يهودي لانه تصير دولته ماتستقبل الا المسلمين
وكثير يسونها الايرانيين واغلب الجاليه العراقيه هنا ممنوحين الجنسيه
بسبب الحرب بس طبعا بشروط ممكن تحصل علي الشروط هاذي
عن طريق الامقريشن التابع لنيوزلندا بس ابي اعطيك لمحه الان
مو مثل اول تغير الوضع بشكل اصعب كثير .. وشرط مهم تكون دولتك
ماتمنع انك تاخذ جنسيه غير جنسيتها .. وفيه طريقة لجواء وهي
ماتناسبك في علمك واخلاقك نهائين هي الدخول في جواز مزور
وتتكفل فيك الدوله هنا ..

اخي mt aden نيوزلند بارك الله فيك وكتب لك في كل حرف حسنة
بالنسبة للجواز المزور فلو يحصلي والله ماعندي مانع
وبالنسبة للديانة لو اقطع بالمناشير( الله لايقولها ) ما اغير ديني (ان شاء الله)
اما عقد العمل فأرجو انك تفيدني عنه اكثر لانه ما ابحث عنه و هو الضالة المنشودة
لا خلا ولا عدم
اذا تعرف عنه معلومات اكثر فياريت لو تعلمني عليها
وكيف هل اقدم على السفارة علشان يدورولي المستشفى اللي راح اشتغل فيه
واذا تعرف احد يعرف في هالمجال فياريت تسأل
تكفه لاتنسا ادري فيك ماراح تبخل علينا
مع خالص الامتنان في كل الاحوال

والى المايسترو الكبير وDays المبدع
نرجو المشاركة والافادة من خبرتكم
يعني بالعربي الفصيح (عطونا وجه)
ولا قصورٍ بالشباب

روح خلينا اذا سافرنا تصلح لي حشوة ببلاش
وعطنا اخبارك اول باول
ماسترو عطه وجه