بما ان الرحلة عشر ايام .. خلها في مدينتين بس ، بوكيت وبانكوك
بوكيت ست ايام والباقي في بانكوك
الرحلات في بوكيت احجزها بنفسك احسن من الكشكات المنتشره هناك
أنصحك بالرحلات التاليه :
بي بي آيلاند
جيمس بوند آيلاند
فنتازيا شوو
الرافنتغ((التجديف))
رحلة السفاري
تحياتي

الله يبارك لكم ان شالله اطلع لشنق ماي 3 ليالي و 6 ليالي بوكت و 3 ليالي بانكوك
شنق ماي جبليه وبرامج هاديه مع اعلى الجبال الخضراء
بوكت جزر وبرامج جميله تستحق الزياره للمتزوجين الجدد وراح انصحك في مجمعين تسكن فيهم لها طابع الخاص للمتزوجين من جو هادي و مناظر جميله داخل المنتجع
بانكوك اطلع لك كم يوم تسوق من افضل المجمعات
اذا عجبك الجدول راح نفصل لك طلعه حلوه بترتيب مميز
الله يوفقك

يعطيكم العافيه شباب لكن انا رحلتي بعد رمضان بعشرة ايام لكن مدتها بتكون اطول اكيد بتكون 15 يوم او اكثر .. لكن ايش المجمعين اللي تقول عليهم ووين مكانهم .. واقدر اسوي جدول للرحلات بين الجزر والمدن من السعوديه

ياعرب وينكم ابي اسماء منتجعات حلووه بتايلاند وايش احسن طريقه للحجز

الف مبروك اخوي
خلي بانكوك3 ايام
وشنغماي 5 ايام
وبوكت 5 ايام
خد دول كم منتجع بمسبح
Two Villas Holiday Phuket Oxygen Style Bang Tao Beach
دا الرابط
https://www.booking.com/hotel/th/two-villas-holiday-oxygen-bang-tao-beach.html?aid=1300939
SALA Phuket Resort & Spa
رابط
https://www.booking.com/hotel/th/sala-phuket-resort-spa.html?aid=1300939

احسن طريق للحجز اخوي وانا افضلها احجز
عن طريق النت بنفسك
افضل لك وارخص طبعا دا بالنسبة للفنادق والطيران الداخلي
لكن بالنسبة للرحلات السياحية من هناك
وماراح تغلب الاكشاك كثر الناس هناك وكلها ارخص من بعض

نايف وريم
السلام عليكم يا اخي العزيز
الف الف الف مبروك علي الزواج
واتمني لك رحلة سعيده وموفقه
مدة الرحلة 15 يوم
4 ايام شنغ ماي
7 ايام بوكت
4 ايام بانكوك للتسوق
بالنسبة للفنادق راح اكتب لك فنادق حق شهر العسل
شنغ ماي فندق d2 او الهوليدي ان
بوكت منتجع ماليسا مع مسبح خاص وانصحك فيه حيل ويصلح لكم وراح تدعيلي وشوي غالي وتقدر تاخذ فيه ليلتين او 3 ليالي وتنتقل فندق ثاني واذا ميزانيتك قوية اقعد بالمنتجع لا تطلع منه
بانكوك فندق نوفيتيل سيام بعيد عن منطقة العرب وقريب علي المجمعات التجارية
اخوك عبدالله الكويتي
خبير تايلند

الاماكن السياحية في تايلند
شنغ ماي
1- سفاري بالغابة مع ركوب الفيله
2- رحلة الشلالات واعلي قمة بتايلند
3- الينابيع الحارة
4- -- رحلة الى مصانع الحرف اليدوية((الذهب والفضة والنحاس والأخشاب والخيزران والجلود والسيراميك والحرير والقطن ))
5- مزرعة الافاعي ومركز القرود
بوكت
1- رحلة بحرية جيمس بوند
2- مسرح فنتازيا رحلة بالليل
3- رحلة بحرية جزيرة بي بي
4- حديقة الحيوان
5- الدبابات بالغابة
6- الانشطة البحرية علي الشاطئ
واذا فيك مغامرة انت وزوجتك عليك بالرحلة هذا التجديف
بانكوك
1- دريم وورلد مدينة الاحلام
2- السوق العائم
3 - سفاري وورد حديقة الحيوان المفتوحه والحيوانات حره طليقه
4- المتاحف والمجمعات التجارية
وهذا يا اخي العزيز افضل الاماكن السياحية في تايلند كلها .
اخوك
عبدالله الكويتي

يعطيكم العافيه وبالاخص العضو عبدالله الكويتي تسلم على المعلومات الواافره والدقيقه