ان شاءالله القى رد

آيام فيري ديس ابوينتيد ...بيليز ردو وينكم يامشرفين ويااعضاء

فيه فندق سوفتيل
ميرديان
كلها قريبه من السنتر المارين بلاتز
ايضا ميركيور 3 نجوم على مااظن ,, ولكن الكل يمدح هذا الاوتيل وموقعه رائع بالقرب من ساحة المارين بلاتز
.
كيمبنسكي .. في الماكسيمليان ستريت شارع مهم ايضا قريب من المارين بلاتز
هذي الفنادق اللي تحضرني لو سكنت فيها ماتحتاج سياره للوصل للوصول لساحة المارين بلاتز سنتر المدينه
ويوجد غيرها الكثير .. يعتمد على ميزانيتك
طريقة الحجز الافضل مااعندي فكره ,, يمكن الشباب يفيونك اكثر مني
التنقل داخل مدينة ميونخ .. الاندر قراوند جدا سهل وسريع
والتاكسي متوفر في كل مكان
كذلك يوجد سائق بسياره ممكن ياخذك لاي منطقه خارج ميونخ ترغب بزيارتها ,,مثل قارمش او غيرها
زيلامسي تقدر تروح لها وترجع بنفس اليوم .. احنا رحنا ورجعنا
وتقدر تطلع تشوف الثلج
جنيف تبعد 4 ساعات
من ميونخ الى باريس ,, من راي تطلع عالطياران ..توفر وقت وتعب
والاسعار ماتفرق كثير
اتمنى اكون افدتك

بنت خالد
حياك الله اختي ,,,,,والله وسعتي صدري لي يومين اتحرى احد يرد لو برفع الموضوع
اولا فندق سوفتيل لو تجيبي اسمه كامل افضل لان كثير من الفنادق تنتهي بهالاسم
الميريديان غالي مرة لقيه 1200 ريال
ميركيور و كيمبنسكي هل سبق لك سكنتيهم او تعرفي احد سكنهم؟
كم تبعد زيلامسي عن ميونخ ؟
خطوط الطيران الرخيصة ؟
ارجو الرد على تسأولاتي لانك اذا مارديت انت لن يرد علي احد..شوفة عينك الموضوع له يومين ولا احد رد..جزاك الله خير

1. abo bader

abo bader

انتوا رحلتكم بس يومين ، بإمكانكم الحجز في فنادق كويسة و مو لازم خمس نجوم ، إذا تريد أنا ممكن أعطيك عنوان فندق ممكن يفيدكم بصراحة هو نظيف و مرتب و لكن ما فيه خدمات يعني مطاعم و الأمور الثانية ، لكنه رخيص و نظيف و مرتب و هذي صور من الفندق :-
http://www.selectmarketinghotels.com/hotels/en/hotel/munich/centralapart-hotelmuenchen.html
ما اعتقد في مهرجانات معروفة في هذه الفترة لكن راح تلاقي بعض العروض و بعض الفعاليات من وقت لآخر ، أما بخصوص الأماكن السياحية فهي كثيرة ، و تعتمد على نوعية الأماكن اللي حابين تروحون لها ، من ناحية الحدائق فيه عندك الأولمبيك بارك و الأنجليش بارك و على بعد ساعات فيه مجموعة كبيرة من الحدائق الثانية ، طبعاً فيه عدد كبير من القصور بإمكانكم زيارتها و عدد من المتاحف الرهيبة بصراحة ، و طبعاً عندك معرض البي أم دبليو الجديد و فيه اشياء عجيبة و اول مرة نشوفها ، و اذا لك اهتمام فيه مدينة السينما و محرقة اليهود ايضاَ بإمكانك زياراتها
طبعاً وسائل النقل مختلفة بطبيعتها و اسعارها ، مثل المترو و اللي هو الأسرع و الأقل سعراً ، لكن عن نفسي افضل اني انتقل بالسيارة ، و لكن مشكلتها المواقف ، مواقف السيارات شبه مستحيلة في ميونخ ، لكنها تمنحك حرية في التنقل في الوقت اللي تريده بس اهم شي الأنتباه للقوانين و اللي تعتبر عادية و ما فيها اي مخاوف
بالنسة لزيلامسي ، أكيد تقدر تروح و ترجع بنفس اليوم ، و كل ما عليك انك تصحى بدري شوي و تستمتعون برحلة رائعة بالسيارة لأن المناظر على اطراف الشارع رائعة بحق و مريحة للعين ، أما جنيف فأعتقد أنها صعبة لأنها تبعد بحدود 4 ساعات تقريباً ، فالأفضل انكم تقضون يوم كامل في جنيف
أكيد السفر جواً ، الطيارة حلكم المثالي لمثل هذه الرحلة لباريس

مرحبا بك هلا وغلا
والله سوري ماشفت الموضوع الا الحين
اود عمل حجز فندق لرحلة مجموعة شباب الى ميونخ من 15-17 اغسطس وارجو منكم الاجابة عن مايلي:
1-ما هو الفندق المناسب وطريقة الحجز الافضل
في فندق حلو اسمه يورو . .
احنا حجزنا فيه العام ونظيف وحلو وفيه مطبخ صغير ومو غالي
هذا صورته

موقعه
http://hotels.eurobookings.com/hotel/de/eurosuites-munchen.html?label=gg-hotel-EuroSuites-Munchen&gclid=COXu38LpgJUCFQ4YQgodBmtfqQ
تقدر تحجز عن طريق النت ،، احنا حجزنا من السفريات ،،بس تراه يبعد عن السنتر ،،يبغالك تروح بالباص عقب بالاندر قراند ،،
بس بالنسبه لكم انتوا شباب في شقق اسمها النخيل وارابيست ، ،
ماجربتهم بس قريت عنهم اوكي
2- الاماكن السياحية المناسبة وهل هناك احتفلات ومهرجانات في هذه الفترة
اي شوف توقيعي
في اهم الاماكن السياحيه
والاندرقراند
3-وسيلة التنقل المفضلة علما ان عددنا اربعة اشخاص
انا اشوف الاندر قراند حلو وسهل ،،بس دامكم شباب انصح بتاجير سياره من يوروب كار
4- هل من الممكن الذهاب الى جبال الالب في جنيف او زيلامسي لمشاهدة الثلوج والعودة بنفس اليوم
من ميونخ الى زلامسي
ساعتين ونص ،،،
افضل لكم تنامون هناك بدل الروحه والجيه
5-اود ان انتقل من ميونخ الى باريس فماهي الوسيلة المناسبة للسفر اليها والوقت فيما بينهما ارجو الرد وجزاكم الله خير
طبعا الطيران الداخلي رخيص وسهل ومايكلف
تروح وتجي بالسلامه
نبغي تقرير

سما الإمارات
اختي شكرا لك على اضافتك الجميلة
اولا بنسكن ميونخ اربع ايام ...ثانيا شيكت على الفندق لقيت السعر 445 ريال شامل الافطار لليلة..لكن ماعرف عن موقع الفندق شي...اذا ممكن توضحين لنا
موقعه بالضبط يعني هل هو قريب من محطات باصات واندرجراوند ..
هل هو قريب من السيتي سنتر
هل سبق لك السكن فيه
بالنسبة للطيران من ميونخ الى باريس وش انسب طيران
اختي ارجو منك الرد عاجلا...الله يوفقك دنيا واخرة وجزاك الله خير

ساره2007
حياك الله اخت سارة...والف شكر على ترحيبك واجاباتك المنظمة.
سؤالي كم يبعد الفندق عن السيتي سنتر ..وهل الوصول له يحتاج باص ثم اندرجراوند مثل ماذكرتي بتعقيبك
ايضا لقيت تفاوت كبير بالسعر من موقع لاخر لقيت سعره 70 يورو لليلة في موقع والموقع الثاني يعطيني مليان
ايهما افضل الفندق الذي اشرتي اليه ...او الفندق اللي اشارت اليه سما علما ان السعر متعادل تقريبا؟
بالنسبة للطيران ارجو تحديد الطيران المخفض ..واذا كان عندك فكرة عن القطار ياليت تعلمينا عن السعر والوقت للرحلة

abo bader
أول شي أخوي أنا ولد مو بنت
ثانياً موقع الفندق بعيد نوعاً ما عن الستي سنتر ، لكن بمسافة قصيرة راح تلاقي الأندر جراوند ، و أنا سكنت فيه لمدة شهرين و الحمدلله ما حصلت أي ازعاج و تعامل الفندق محترم ، و مديره شخص عربي اسمه الياس اتصل على الفندوق و اطلبه و صدقني ما بيقصر معاك ..
الطيران الألماني هو الأفضل في السفر لباريس