ابوطاقية
18-06-2022 - 07:16 am
الإخوان اللي سافرو مع مركز ابعاد الأفق للتدريب
موعد الرحلة
10إلى21/7/2008م
الموافق 7إلى 17 من شهر رجب 1429ه
الله لايهينكم ابي وش رايكم في الرحلة لأني ناوي اسافر معهم الصيف القادم او الصيفية هذي ان حصل
بس نبي بكل صدق وامانة
وش رايكم في خدماتهم ؟؟
الإستقبال ؟؟؟
الوجبات؟؟؟
البرنامج التدريبي ؟؟؟
المصداقية ؟؟؟
كل شي لأن المسألة ولازم الواحد يتأكد من كل شيء
واخيرا كم كلفت الرحلة من الباب الى الباب وشكرا
مع تمنياتي لكم وللمركز بالتوفيق والنجاح
اولا عذرا على التأخير في الرد من زمان شايفه الموضوع بس كنت مضيعه الباسوورد للمنتدى
الحمدلله توفقنا و اغتنمنا الفرصه الذهبيه اللي ماتتعوض الصراحه بهالرحله الاكثر من رائعه...
و مع قروب رائع
نجي للاجابه على الاسئله...
وش رايكم في خدماتهم ؟؟
الإستقبال ؟؟؟
الوجبات؟؟؟
البرنامج التدريبي ؟؟؟
المصداقية ؟؟؟
الخدمه رائعه جدا..وعرضهم لايعلى عليه الصراحه من جد فرصه لاتعوض واحمد ربي انها حصلت لي...
حتى كل من يسألني من اقربائي وصديقاتي عنها محد حصل باكج افضل من كذا...
استقبال الفندق كان حلو... اول يوم وصلنا الصباح ورحنا الغرف وارتحنا و على المغرب اجتمعنا مع المركز وعرفونا على الجزيره والبرنامج..
اريح شيء ان الواحد يكون مطمئن فيه احد معاه ويقدر يساعده باي وقت تحتاجونهم فيه..يعني ماتشيلون هم شيء ابدا.
الوجبات:
بالجزيره فيه تقريبا 3 مطاعم.. احنا اخذنا فل بورد (تخوفت من كثر اللي قالوا ترى بالجزر مافيه الا مطاعم وماكنت ابي اشيل هم الجوع و وين ناكل؟ و وهل وجبات المطاعم غاليه رخيصه فاقلت اريح راسي مره وحده )..
بس الصراحه ماينفع ابد..لأنه اوقات الوجبات محدده وما شاءالله كل يوم 3 وجبات بوفيه مفتوح من...... إلى
وحتى بين الوجبات مانحس بالجوع لأنه مانحس بالوقت..الافضل ان الشخص ياخذ فطور وعشاء وبينهم ممكن ياكل أشياء خفيفه اذا جاع.
بالنسبة للبرنامج التدريبي...كان عباره عن محاضرات.. طبعا اولا تناقشنا وكل شخص اختار المحاضرات اللي
يبي يحضرها و الحضور مش اجباري..
وعطونا جدول كل الايام بأوقات المحاضرات والرحلات عشان حنا نرتب وقتنا مثل مانبي.
لكن الصراحه المحاضرات ماتتفوت ابدا.. اول محاضره مجانيه وبعدها اي محاضره تقريبا سعرها 375 ريال
وكل محاضره مدتها ساعتين تقريبا وكل محاضره تحضرونها تاخذون عليها شهاده
المحاضرات كانت حلوه و مفيده ومنها (تأثير الألوان في حياتنا - جسلة استرخاء وتأمل - كيفية التخلص من الضغوط بإستخدام تقنية الحريه النفسيه - برنامج لأنقاص الوزن - كيفية التعامل مع الاطفال - مهارات التفكير الابداعي - من أنا..).
والمصداقيه..انا فعلا كنت متخوفه من البدايه اني اروح معهم لأني بحثت كثير ومالقيت عرض مثله وبهذا السعر ولكن توكلت على الله و استعديت وحطيت كل الاحتمالات والحمدلله ما شاءالله توفقنا..
وان شاءالله كل سنه راح اروح معهم..الجزيره روعه ولكن اللي بيروح اكثر من خمس ايام الافضل يقسمها بين جزيرتين ...
وانا سألت احد الموظفين بالمنتجع عن افضل جزيره بالمالديف وقال.. كل جزيره لها ميزه خاصه ما نقدر نفاضل بينهم...
وجزيرة باندوس تتميز بأنها افضل مكان للنشاطات والرياضات المائية...
ومن وجهة نظري اللي يبي استرخاء تام ويبعد عن الناس يروح منتجع كونراد هيلتون اعتقد انه افضل.
الوقت اللي رحنا فيه جزيرة باندوس كان زحمة وفيها ناس وعالم لكن محد يضايقك..بالعكس الاجانب والمالديفيين لما يشوفونا يسلمون علينا.
الجو حلو.. اول يومين كان حلو ولكن الشمس حاره.. وباقي الايام كان الجو متقلب يعني بعز الظهر تجيك فجأه
غيمه ومعها رياح بارده ومطر وترجع بعدها الشمس... الايام الاخيره كان فيه امواج قويه وامطار ولازم مظلات
افضل وقت لممارسة النشاطات البحريه والسباحه من الساعه 10 صباحا إلى 1 ظهرا.
و اروع وقت للسباحه من وقت طلوع النور إلى الساعه 7 وربع.
العصر كانت الامواج تزيد..ورياح قويه شوي.
وعشان ما اكون قصرت في شيء.. الرحله اكيد ولا بد كل رحله يطلع فيها بعض المعوقات والمشاكل والاشياء اللي تقهر ولكن بشكل عام الاشياء الحلوه تغطيها واكيد كل رحله نتعلم نصصح اخطائنا في الرحلات اللي بعدها...
وفعلا حاليا ما اتذكر ايش الاشياء اللي قهرتني ولكن اتذكر كل لحظه حلوه فيها.
ايه نسيت...
تنبيه هام
تعالوا كل ابو اللي يقولون المالديف بس تنفع لشهر العسل؟!!!:112:
بالعكس المالديف تنفع لكل الناس شباب وعوائل واطفال وكل احد
فيها هدوء واسترخاء واستجمام ومتعه وترفيه وتعارف وثقافه
هي ماتنفع "للشخص" اللي مايعرف يسبح ولا يحب البحر و لايحب الهدوء