مراحب اخوي
ماودي اكسفك لاكن فيه ناس تقول انها ماتصلح للعوائل لان الاجواء بحريه وممطره ومن قارب لقارب ومطر وامواج و و و .. لانه بالنهار تمشيه بين الجزر وبالليل دق ورقص :rolleyes:
وعلى هالحال بتكون مستمتع بالنهار وبس اما بالليل مالك الا تقضب ارضك لان الاجواء بالخارج ماتناسبك
وفيه ناس تقول انها حلوه للعوائل
واتفق العرب على الا يتفقوا

هلا بالغالي علوش
الجزر كما تعرف لاتتواصل مع بعضها الا عن طريق القوارب والأجواء روعة بس الله يعينك على الأجانب وتفسخهم ،،،
والفندق يكون على جزيرة مستقلة ولا تقدر تتنقل بين بين الجزر على كيفك،،،
اذا منتوا معاريس جدد لا تروح لان وجهك بوجه مرتك مالك تداخلات مع احد،،،
والا الجزر حلوه ولا عليها كلام،،،

الرّسالة الأصليّة كتبت بواسطة كبيان
اذا منتوا معاريس جدد لا تروح لان وجهك بوجه مرتك مالك تداخلات مع احد،،،
أقول كيبان...
يعني قصدك المتزوجين من فترة مالين من وجيه بعض
ههه ترى بعدين يزعلون المتزوجات

هلا علوش أنا رحت بعائلة و إسئل و سوف أجاوبك إن شاء الله.
الحجاب الكامل ما فيه أي مشكلة على الإطلاق حتى بالمطار هناك نساء يكشفن و يأخذونها إلى غرفه لا يوجد بها
رجال لكي تشاهد وجهها.
وإلي تبيه أخوك حاضر وعكس ماقال الشباب هناك بعض الجزر فيها ملاعب للأطفال وشاهدت بعض العوائل
المصاحبين أطفالهم و أطفالهم مبسوطين.
لكن سؤالي لك هل أنت تحب الهدوء أم لا ؟
إذا تحبه وتحب الراحة رح ولا عليك من أحد.
إذا تحب الرحلات البحرية و الغوص رح ولا تشاور أحد.
وعلمونك على الغوص وأرخص من السعوديه كورساتهم.

السلام عليكم ورحمة الله وبركاته
أخوي هاوي السفر والله أنا أحب الهدوء فياليت تقترح لنا برنامجا من خبرتك وتجربتك لشخصين ومعهما خمسة أطغال (قولوا ماشاء الله ) في المالديف من حيث :
1- الطيران من جدة وعلى أي خطوط مع سعر التذكرة .
2- الجزر المقترحة والمدة
3- السكن الذي توصي به مع السعر .
4- أماكن الألعاب للأطفال والنزهات
مع جزيل شكري وتقديري

مشكورين حيل يالغالين حيل 00
الاخوان كيبان وابو احمد ترى انا قلت مع العائله يعني فيه اطفال يعني اذا مليت من الأم
مالك الا عيالها والله المستعان00
ابو ملاك 00ترى ما عندنامشاكل اذا نامت العائله المصونه قفلنا الباب ورحنا نطقطق!
اخوي هاوي السفر فتحت نفسي (ربنا يفتحها في وشك)ونتمنى المزيد
تحياتي

اخوي علوش والله اذا تحب تكون دائما في البحروبملابس السباحة فما لك الا المالديف .
تحياتي .

انا سافرت مع زوجي المالديف بس ماخذنا ولدنا لانه كان صغير..بالنسبة للحجاب مافيه اي مشكله ..ادي لانها اساسا بلد مسلمة..بالنسبة للبس الاجانب الصراحة احنا كنا نطلع رحلات بحرية من الصبح ومانرجعالا قريب المغرب يكونون خلصوا من البحر فنسبح احنا في البحر لانه يكون فاضي بالمرة..بالنسبة للاطفال في ملاعب رمل وبركه سباحة ومنطقة للعب حق الاطفال وبعد في دروس سباحة وغوص خاصة لهم...
ترى في نقطة حبيت اوضحها ان المالديف عبارة عن جزر زكل منتجع في جزيرة يعني انت لما تسكن في فندق معين معناه ان الجزيرة كلها لهالفندق..بالنسبة للسكن المالديف غالية جدا بس يكون في عروض في الصيف باسعار معقولة ومو لازم تاخذ منتجع 5 نجوم لانه بيكلفك كثير ممكن 3 او 4 نجوم وكلهم نفس الشي...ممكن تروحون رحة يوم بالغواصة ويوم صيد سمك ويوم غوص ويوم تزورون العاصمة..يعني جدول بسيط ومانصح اكثر من اسبوع

صراحه رحت اغريتوني
طيب يالربع كم تذكرتها ماتدرون من الرياض وبعدين وش رايكم برحلة من المالديف الى ماليزياا كم تكلف بنظركم
يعني الرياض-المالديف-ماليزيا-الرياض
تطق العشرين ؟؟
تحياتي لكم