اذا انتم شباب اخذو شنطكم و اطلعو على طول بدون حجز ولا اي شي
و باتايا مليانه فنادق مرصوصه جنب بعضها يعني لو ماحصلت في اي فندق بتحصل في الثاني
وبالتوفيق ،،،،

اخوي عاشق السفر والله يازين مااخترت انا دايما اسكن فيه بوتيك وهو افضل فندق فيهم مايحتاج تحجز من الكمبيوتر ولا شي انت روح هناك وادخل واحجز واسكن فندق 4 نجوم بس عن 7 نجوم فندق ناجح وسعره زين 1100 بات لليوم اذا اكثر من عشر ايام 1000 بات وموقعه احلى موقع بعد في سي طبعا وفيه بوفيه مفتوح للي ساكنين فيه ببلاش يفتح الصبح من 7 الى 11 الظهر وخدمات التنضيف يوميا تطلع من غرفتك وترجع تلقى الغرفه صارت جديده وكل شي قريب عندك المطاعم العربيه والوكينق ستريت

فندق بوتك فندق ممتاز جدا ولكن الرسبشن تغييمى لهم 0%100
طريقة الحجز لاتعب نفسك مايعترفون فى حجز النت لانهم يعتمدون على الرشوة عشان تسكن انا بقولك شلون طريقة الحجز فى فندق بوتك
تروح على طول للفندق اول ماتدخل الرسبشن طلع 1000 بات وعطهم مع ابتسامة لهم وقول هذا هدية لكم وبعدين قولهم تبي غرفة .
اذا اتبعت غير هذى الطريقة راح يقولون لك ماكو غرف الفندق فل .
تحياتى لك

1. حياك الله اخوي


2. سلبيات الفندق:

حياك الله اخوي

انا توني جاي من بتايا قبل رمضان بثلاث ايام وكنت ساكن هذا الفندق تقييمي له من ناحية الخدمه20% ومن ناحية جمالية المبنى والديكورات 60% ومن ناحية الموقع وقربه للمطاعم العربية والسوق 100% لكن مثل ماقالوا الاخوان..الرشوه شي اساسي للحجز في الفنادق بمنطقة العرب ومن غير الرشوه مستحيل تحجز والدفع مقدماً قبل الحجز ولكن اذا حجزت انصحك تحجز كل مدة وجودك في بتايا لأنك اذا حجزت يومين او ثلاث ماتقدر تمدد لان دايما عندهم زبون بالانتظار وطبعاً يبون يلهفون منه مثل مالهفوا منك ومن غيرك،ف لاتحاول تقتنع بكلامهم انك تقعد كم يوم..وإخذ منهم وصل بدفع المبلغ

سلبيات الفندق:

• لايوجد سفتي بوكس بالغرف ،فقط موجوده بالاستقبال وعليها رسوم 60 بات واذا ضيعت المفتاح يغرمونك 3500 بات
• ماتحس انك بفندق محترم...مافيه نظام عندهم ولاعمال يوصلون الشنط ماغير واحد والفندق كله عليه...تخيل..
• مايعطونك (كي كارت)إضافي للغرفه الا تدفع 300 بات مع ان باقي الفنادق(مجاناُ)

بإحتصار فندق (هلس)بس ميزته قربه للمطاعم العربيه وتجمع العرب وانا بصراحه تندمت كثير اني وافقت أصدقائي للتحويل من فندقنا الرائع(فندق آيبس-hotel ibis) لهذا الفندق الهابط
أما نصيحتي لك فأنصحك بشدة بالإقامة بفندق آيبس وسعر الليله فيه للغرفه الواحده(السريرين أو الدبل) مايقارب ال 10 دنانير كويتي حوالي 120 او 130 ريال سعودي وهو فندق في غاية الروعه والنظافة والترتيب وهو على فكره فندق فرنسي عالمي له فروع في كل العالم تلقاه موجود في fendeq.comوجميع مواقع حجز الفنادق بالنت
وتراه ماهو بمنطقة العرب ولاتشوف عربي واحد وهذا ما أنا أفضله..لأن بصراحه ربعنا ماوراهم الا دوخت الراس
لكن عندك تاكسي العربانه(الوانيت) عطية الله...ب 10 بات يلف فيك كل بتايا بدقيقتين...تريق بالفندق هالبوفيه الشغل عدل للساعه 10:30 الصبح وبالليل انت طالع طالع خل عشاك بمنطقة العرب
أنا أول مره اروح ل بتايا لكن بصراحه ديره فله
أتمنى لك الإنبساط الدائم في ربوع بتايأ
وتقبل تحيتي

س وّاح
في باتايا اسوأ منطقه بصراحه منطقة العرب و سوي 6 و الفنادق اللي في منطقة العرب بصراحه سيئه جداً
واستغرب اللي يروح لها بالرغم انه مافي شارع في باتايا الا وفيه 10 فنادق !!
انا احب اروح اسكن في شارع ناكولا و لا أحلى ولاأروق وكل الفنادق اللي هناك نظيفه

كلام الشباب سليم فنادق منطقة العرب تنفع للي غاوي سهرات وخراب لكن السائح الطبيعي يسكن بعيد عنها

السلام عليكم ورحمة الله وبركاته
مرحبا اخوي العزيز عاشق السفر q8
كونك سالت عن الفندق يعتبر هو افخم فندق في حي العرب تقريبا والغرف فيه جيده وموقعه بالقرب من فندق الفي سي
واذا انت اول مره تزور بتايا يمكن من هذا الفندق راح تتعرف على المنطقه جيدا اما ان تعجبك او وفي السفرات القادمه وراح تختار فنادق جيده اخري في مناطق ثانيه في بتايا
ولك مني فائق الاحترام والتقدير
واي استفسار انا حاضر
اخوك بوخالد

يوسف سالم
بصراحة هذي مشكلتنا يا العرب نستغل بشكل غريب ياخي الاجنبي ما يقولون كذا له اذا قالت كذا اطلب المدير وسبب ضجة لين يجي المدير وافضحها حتى لو ما طلبو وقالو فل اطلب المدير وقلة انهم ياخذون ونا مو راضي ادفع رشوه والله احجز من النت بأغلي ولا تاخذ او ياخذ مني ريال بطريقة السخيفة خلها تعرف ان العرب اذا استخدمت معهم الطريقة هذي راح تتسبب في قلق والله لو اتفقنا شهر نسوي كذا ان يتغير كل شي انت دافع عن غيرك ونفسك في المستقبل اسكن في vc ولا تستغلني من زينها يا برج العرب 1000 بات اتق الله كثير على الفنسي

هو مشكلة البخشيش مو منهم الرسبشن ولا من التايلنديين المشكله من الناس الي تجي تقول ابي غرفه يقوله فل يقول اعطيك الي تبي بس دبرلي غرفه
الرسبشن عرفوا ان الخليجي دفيع وتوه واصل وتعبان ويبي الفندق هذا ساكنه ساكنه طاحو فيها كل شوي الفندق فل 500 بات نعطيك غرفه
هو يعرف ان فندق في سي وفندق بوتيك اكثر فنادق مرغوبه في بتايا للعرب عشان جذي مايمشي الا بالبخشيش اما لو تسكن بمارينا ينسباي ولا مون لايت مافي لا بخشيش ولا هم يحزنون مع انهم فنادق حلوه