نشر في بانكوك

اللي جرب السكن في الشقق الفندقيه بانكوك

Uae Angel

11-08-2022 - 04:20 am

بسم الله الرحمن الرحيم.....
الاخوة والاخوات اللي جربوا السكن في الشقق الفندقيه....
حاب اسال بعد عن ايهم الافضل(انظف,,) والاقرب...لشارع العرب...من بين هذي الشقق الفندقيه
omni tower اومني تاور
grand president جراند بريزدنت
president solitair برزيدنت سوليتير
emporioum suitesامبوريوم سويت
انا محتار بين هالاربع شقق....لاني مااذكر موقعهم بالضبط من الحي العربي..
وانااريد شقه بغرفتين وصاله..ومطبخ...وحمامين (وانتو بكرامه)...وتكون شرحه....
ولكم جزيل الشكر......

التعليقات (9)

كرابي

11-08-2022 - 07:17 am

السلام عليكم
اخي والله انا ماجربت بس هذي مواضيع ان شاء الله تفيدك
والاخوان ماراح يقصرون
شقق بانكوك بالصور و ألأسعار حبيت اسال بس عن شقق في بانكوك واماكنها زينه للعوائل https://artravelers.com/p/re/58846
موفق

الحوسني

11-08-2022 - 08:18 am

emporioum suitesامبوريوم سويت
http://www.emporiumsuites.com/index.html

Uae Angel

11-08-2022 - 09:19 am

الاخ...كرابي...شكرا على الاهتمام والمواضيع ان شاء الله بقراها ....
مشرفنا الموقر الحوسني......الامبوريوم...كان هدفي الاول بس مشكلتي خايف...يكون بعيد عن الحي العربي والمطاعم...
لاني ما قد شفته في سفراتي الخمس لبانكوك...

دولي

11-08-2022 - 10:20 am

هلا اخوي ،،،
الاماني فقط هو القريب وعلى رجولك بس هو الاقل مستوى
الباقي افضل واحسن بس بعيدين عن المنطقة العربيه في شارع 24 وافضلهم امبوريم
تحياتي

الحوسني

11-08-2022 - 11:21 am

مرحبا بو منصور يعني اللي افهمه منك انت تريد سكن يكون قريب المطاعم والمنطقة العربية في بانكوك انا بصراحه سكنت في اموني تور شققه مب نظيفه وايد يعني تقدر تقول 3 نجوم بس موقعه قريب عن الحي العربي تقريبا 600 متر بس مشكلته انه مدخل الشارع فيه بارات وايد وكذلك وجود مناظر يمكن ميحبون اهلك يشوفونها يعني (تغمض عينك)
هذا الرابط فندق جديد ومب بعيد عن الحي العربي انا شخصيا ملاجربته بس شفت المبنى كبير وممتاز
http://www.bangkok.com/fraser-sukhumvit/
وهذا الفندق روعة وممتاز
http://www.bangkok.com/grandsukhumvit/

Uae Angel

11-08-2022 - 12:22 pm

اخوي الدولي شكرا على المداخله........لاعدمناك

Uae Angel

11-08-2022 - 01:23 pm

الحوسني
اخوي الحوسني.....اهيه والله..اباه قرب الحي العربي.... بصراحه...الاهل يستانسون اذا نزلوا للمطاعم....والسوق والمحلات المعروفه هناك...
وبعدين السفن الفن اللي قرب اماري مانستغنا عنها 24 ساعه طلبات اليهال واحتياجاتهم......مرات حتى اخر الليل...
واحيانا انزل عالسريع...اييبلهم ريوق ولاغدا من مطعم ناصر المصري...يعني اكثر شي مشي..وهذي متعة السفر..
واذا الفنادق اللي ذكرتها قريبه من الحي.... ان شاء الله استقر على شي....
واسمحلي تعبتك وياي......لانه المشكله العيال اكبروا والسنه هذي غير يبالهم شقه اريحلهم ....
يزاك الله الف خير..... على المجهزد اللي تقدمه للاعضاء فالمنتدى....

مطران

11-08-2022 - 02:25 pm

أخوي بو منصور إسكن في السوفوتيل سكوموفيت موقعه قريب من محط القطار والحي العربي أنا سكنت فية مرتين ينقسم قسمين : قسم غرف فندقية وقسم شقق فندقية ( غرفة -أو 2 أو3) -راقي جدا وخماتهم ممتازة

دهن العود77

11-08-2022 - 03:26 pm

أخي العزيز مطران
بريزدنت سوليتر انا جربته
الصراحة ممتاز.. نظام سويتات ....
لو بتحجز عندهم احجز عالبلاتينيوم سويت...
( غرفة نوم مع تلفزبون ودي في دي) .. وصالة مع طاولة طعام وتلفزيون..
والحمام كرمت مع الجاكوزي...
والمطبخ كامل مجهز ....
وخدمتهم ممتازة ...
اما موقعهم في سوي 11 شوية بعيد عن منطقة نانا... بس عادي تمشي كم متر توصل للشارع الرئيسي لسوخمفيت
يعني حق الرياضيين عادي مشي لمنطقة نانا ... وقريب على روبنسون...
وحذاله سفن الفن ....
وأقرب فندق له جراند بريزدنت ... طبعا عندهم أكثر من مبنى...عندهم غرفة وصالة وغرفتين وثلاث...
أما جراند سوخمفيت طبعا افخم وأغلى ...
وانا ناوية ان شاء الله اسكن فيه هالسنة...
الأهل سكنو فيه السنة اللي طافت ويمدحونه...
وأقرب طبعا لمنطقة نانا...

بانكوك المسافرون العرب

اللي جرب السكن في الشقق الفندقيه بانكوك