احجز على طيران فلاي دبي أنا حجزت ( الكويت - دبي إنتظار 3 ساعات - تبليسي ) ب 1300 ريال
المشكلة في الوزن ( لك 7 كيلو في الطائرة + لاب توب ) مجانا
كل 1 كيلو زائد = 35 درهم .
بالنسبة للرحلة ( من واقع بحث متعمق + خبرة بعض الأخوة المسافرين ) أنا لم أسافر لها حتى الآن
1 / تبليسي وما جاورها 4 أيام .
تشمل ( قودآري لوجود الثلوج فيها وتبعد 100 كم عن العاصمة ) يعني تروح وترجع بنفس اليوم .
بحيرةAlgti Lake وتبعد 45 كم عن العاصمة .
بحيرة jinvaly lake وتبعد 65 كم عن العاصمة .
مدينة سقناقي وتبعد 100 كم عن العاصمة .
2 / مدينة باتومي ( على ساحل البحر الأسود ) 4 أيام
هذا موقع راح يفيدك أكثر إن شاء الله وهو شركة سياحية جورجية
http://www.gettravel.wanex.net/index.htm
وهذا يفيدك بالأماكن السياحية وآراء المسافرين عنها ( مطاعم - أماكن سياحية - فنادق )
http://www.tripadvisor.com.eg/Tourism-g294194-Georgia-Vacations.html
عاد إنت بتسافر قبلي .... فما نستغني عن تجربتك بعد العودة إن شاء الله
اتمنى أن اكون قدمت شي مفيد لك
أخوك

ابو فارس ماقصّر معك ومثل ماقال لك تمااما ,,, وان شاء الله تمتعونا بتقاريركم

تكفوون ابغى بالتفصيل انا سافرت لماليزيا والله ماقصرت مع الناس اللي يسالون تكفون
ابوفارس مشكور ياعمري بس 7كيلو قليله مره بس كيف الطيران فقعان مثل الاماراتيه ولا فاشل

وعليكم السلام
هد اعصابك ياخوي ماعليك الدعوا تياسير
اول شي الخطوط احجز على فلاي دبي اشوف ان سعرها مناسب جداً انا رحت وجيت عليها من الرياض ب1600 ريال مع 20 كيلو
اول وانت في صفحت الحجز يطلعلك دفع مسبق للحجز 50 ريال لل20 كيلو يعني 100 ريال رايح جاي وزن 20 كيلو بس
بس نصيحتي لك احجز 20 كيلو ذهاب و40 كيلو للعوده يمكن تاخذ شي من هناك خصوصاً العسل رخيص وطبيعي الكليو الواحد سعره 13 لاري تقريباً
تبليسي والقرى الي حولها تكفيها 5 ايام
باتومي منطقه ساحليه يمكن الوصول اليها بالقطار تبعد تقريبا 4 او 5 ساعات عن تبليسي سعر التذكره ذهاب وعوده 140 لاري يعني اتجاه واحد 70 لاري
نرجع لموضوع الخطوط شي طبيعي ماراح تحصل خطوط الا ترانزيت الا اذا كانت خطوط بلدك تنقل لها او خطوط بلدهم تنزل مطارك
عموماً الناقل الجورجي اسمه ايرزينا ينقل من دبي الى تبليسي والعكس رحلاته يوم الاربعاء والجمعه من والى دبي يومين فقط وسعر التذكره ماينزل عن 2000 ولا يزيد عن 2200 في كل الاوقات

يا شيوخ تكفون ابغى النصايح من والى

انت الان حجزت ولا لسى !!
عشان نعرف وقت الوصول والعوده وكم المده
انت شقر على المواضيع الموجوده وبعدها اسئل مابدا لك موجودين في خدمتك ماعليك
وهد الوضع صدقني امورك متيسره
بنسبه للمواصلات متوفره قطار بين المدن وباصات والباصات الصغيره وتكاسي والمترو تحت الارض
بس نصيحه من ناحية التكاسي اي تكسي واقف مو انت توقفه لاتطلع معاه غالي دائماً حاول انت توقفه بنفسك من الشارع
اي شي مو فاهمه ومو واضح بعد قراءة تقارير الشباب اسئل وكلنا بالخدمه

ياجماعه انا رايح مع العائله ممكن رقم سائق يتكلم العربيه وهل الديره تصلح للعائله

bosston ma
اللبس بيكون غريب عليهم ويجذب الانظار بشده غير كذا بلد حلو