السلام عليكم ورحمة الله وبركاته::اخوي اولا انصحك بقراءة الدليل السياحي السويسري للعضو ابو عزيز...المثبت في البوابة.
بعدها تحدد وش المدن والانشطة اللي ودك تزورها.
https://artravelers.com/p/re/51030
راح اساعدك ببعض الاماكن وانت عليك تقرا وتاخذ فكرة عنها ولو سريعة
وبعدها تخطط للأنشطة
زيورخ طبعا
لوزيرن
انترلكن
شلالات الراين
جنيف والريف الفرنسي
لوزان
مونترو
مدينة الالعاب اليوروب بارك في قرية رست.
بحيرة كونستانس
لوقانو
وبالتوفيق

الله يعطيك العافيه اخوي
ان شاء الله
اول يوم بروح انترلاكن 6ايام
وشنو تنصحني اروح بعدها لوغانو ولوزيرن ومدينة الالعاب يوروب بارك واي وحده اروحله اول علشان المسافه وبعدهم زيورخ يومين علشان العوده من المطار

السلام عليكم
الله يعطيكم العافيه
بعد الاطلاع على تقرير اخوي بوعزوز الله يعطيه العافيه
حجزت بقريه رست ليلتين
3/7 و 4/7
وانترلاكن خمس ليالي
5/7 6/7 7/7 8/7 9/7
وزيورخ ثلاث ليالي
10/7 11/7 12/7 والعوده الى الكويت 13/7
وابي نصيحتكم اول اربع ليالي وين اسكن
29/6 30/6 1/7 2/7
والله يجزاكم خير

أخوي الله يجزاك بالجنة..انت حجزت خلاص ؟؟
لأن ودي انك تضيف مدينة ميتزينقن ..اللي يسمونها مدينة الاوتلت ..عشان الشوبنج طبعا...وهي قريب من شتوتقارت.
فيكون مخططك كالتالي:
الوصول الى زيورخ والراحة في لوزيرن يومين.
انترلكن خمسة ايام
رست مدية الالعاب والغابات السوداء يومين
بادن بادن وستراسبورغ يومين
يوم واحد في مدينة الاوتلت ميتزينقن
يومين في زيورخ.هذا مخطط متنوع ...والخيار راجع لك.لكن اذا حجزت الفنادق ..وفقط محتاج تخطيط للأربع ايام في البداية:
يومين في لوزيرن. ..((لأنك حتزور زيورخ في الرجعة))
يومين في كونستانس.((جميلة جدا وبإمكانك زيارة شلالات الراين وجزيرة الورود ومتحف الحياة المائية )).
ورحلة سعيدة أخوي.

كل الي اقدر اقوله .. انترلاكن جنة الله في ارضه , وراح تستمتع فعلاً فيها الى درجة أنك ستتمنى لو تضيف باقي الايام فيها ..الله يوفقك