الله يجزاكم خير نسيت بنروح من باريس لسويسرا وين نروح ل جنيف ولا نقدر نروح ل انترلكن على طول ولا كيف البداية وانحن لكم من الشاكرين

متى موعد رحلتك
لانى باذن الله طالعه على فرنسا وسويسر
علشان افيدك اذا رجعت باذن الله
انصح لاتروحين الا ماكده الحجز من هنا علشان متوهين
واذا ماعندك فيزه طلعى لانه اهناك اكثر شي بتستخدمينه هي
واطلعى من باريس على جنيف لانه هى اقرب من انترلكن وبعد متطلعين من جنيف روحي انترلكن
بس ياليت توضحين لى متى تاريخ رحلتكم علشان افيدك باذن الله
والاخوان مراح يقصرون معاك طبعن
ورحله موفقه ترجعين بسلامه

الله يجزاك خير ويكثر من امثالك بمشيئة الله في شهر5 مايو بس ابغى استعد واجهز اموري بدري وان شاء الله الفيزة بنقدم هاليومين بأذن الله بس بشوف وش احسن الفنادق واجودها واقربها علشان السفارة تطلع لنا الفيزة لازم حجز الطيران والسكن والطيران تم بحمد الله بس باقي السكن انتظر الاخوة والاخوات يساعدونا فالله يسعدك دنيا واخرة اعطينا برنامجكم مدامك رايحة فرنسا وسويسرا ولك جزيل الشكر احب ارتب اموري بدري اذا الله كاتب

انا باذن الله رايحه بعد في شهر 15 -5 رحلتى يوم السبت الصباح
انا حجزت الفندق والتذاكر وحتى التاكسي الا بيستقبلنى من المطار والقطار الا بنتقل فيه بين الدول وفيزة على فرنسا وسويسر من مكتب سياحي ولا فيزا لندن لااحنا سوينها
لانى باذن الله طالعه اول شي جنيف بس من المطار على طول انترلكن بجلس فيه 4 ايام وبعده على جنيف وبعده على باريس ومن باريس بطلع بعده لندن ومن لندن برجع على المملكه وطلع على 26 الف بس صراحه احسه مبلغ حلوو مره
وفندق في فرنسا وسويسر قريب من كل شي بشوف اسمه وبكتبه لك خذيه احجزي عن طريق النت واكدي حجزك
الفيزه اختى اقصد الفيزه الكرت مو الفيزه الا تقولين لانه اهناك تتعاملين بلفيزه اكثر من البطاقه العاديه وانتى حره كيفك
والله يسهله على وعليك وان شاء الله نمبسط في الرحله

اي الله يجزاك خير وش تقصدين بالفيزة ياليت توضحين ووش الفنادق اللي حجزتيها ومن وين من مكاتب السياحة ولا من النت احنا رحلتنا الرياض -باريس -الرياض وان شاء الله من باريس بروح سويسرا بس الى الان ماسوينا شيء وماندري وين نسكن وكيف الخطة شكلنا وقتنا واحد ووجهتنا واحدة لكن لندن مافكرنا هالسنه لاننا قد زرناها فياليت تزوديني بخطتك الله يفرجها عليك ماقلتي كم يوم في باريس وسويسرا وين ناوية تسكنون

اخوي
شوف الرابط هذا
https://artravelers.com/p/re/360287
فيه كل التفاصيل الي تحتاجها
انت ادخل الرابط واقراه بالتفصيل وصدقني راح تحصل كل شي تحتاجه وبتسوي جدول لنفسك من غير مساعدات
اما بالنسبة لسويسرا
اعتقد انك ممكن تزور بوابة سويسرا فيها كل التفاصيل الي تحتاجها
تقبل مروري :
حموودي

هلا اختى انا حاجز عن طريق مكتب انا من الشرقيه وطيارة على جنيف الروحه والرجعه من لندن
رحلة الدمام الرياض جنيف في الذهب بس الرجعه لا من لندن الى الدمام
يلا نتقابل هناك اصلا كثير طالعين في نفس الوقت
الفيزا تبع البنك لانه هناك بتستخدمينه اكثر
لندن مهما زرتيها ماتملين منها وقالت فرصه دائم انا قريبه منها لازم ازورها
metropole هذا فندقي في انترلكن اخذته 4 ايام
novotel هذا فندقي في جنيف اخذته يوم لانه الكل يقول مو مره وطبعن اناس اجناس اذا اعجبنى الوضع بمدد
california هذا فندقي في باريس اخذته 4 ايام
وكله قريبه من كل شي بذات الا في باريس
وباقي الا يام ابغا في لندن
ورحله موفقه

أأأستغفر الله
مرحبا يا أختي ,,,,
ممكن أبدي بعض ملاحظاتي المتواضعة على ماتفضلتي بة
1- فندقك في انترلاكن ممتاز وموقعة عالمي في قلب الحدث ولا علية كلام أبد إختيار موفق تماما وتحتكم مكتب الاستعلام السياحي يعطونكم خرائط وبروشورات ويدلونكم على كل شيء متعاونيين لدرجة كبيرة ولاتستغربون تلقون جالية هندية وجالية كورية في انترلاكن وبأعداد ملفتة للنظر .
2- بالنسبة لجنيف مادري من سنوات وكل مرة أبي أحبها ماقدرت فلاتنصدمون منها أنصحكم وبشدة تزورون مدينة منترو مطلة على بحيرة جنيف بس من الجهة المقابلة تقدرون تروحون لها بالقطار او بالسيارة او بيخت سياحي ضروري تروحون لها روعة فحرام تروحون لجنيف ماتمرون عليها وانصحكم فالسكن فيها بدل جنيف .
3- فندقكم بباريس مافية كلام ممتاز وموقعة حلو يعتبر من الشانز فالصيف هالفندق صعب جدا تحصلون فية حجز اختيار موفق .
ياليت نعرف عشان يستفيد الكل بأسعار الفنادق اللي أخذتيها وهل حجزتيها من النت ام من مكتب سياحي ؟
شاكر لك تواجدك وتفاعلك معنا

مشكورة اختي بالنسبة للفنادق حجزتيها من النت او من المكتب مباشرة ان شاء الله نلتقي هناك وكم سعر الليلة وشكرا لك على لطفك وحسن تعاملكوايض الشكر موصول لاخي على مشاركته وجزاكم الله خيرا