تكفون اللي عنده رد لو على استفسار واحد يرد اللحين كلمتها كنسلت الموعد تقولي لازم يكون في الحساب اقل شيء 30 الف ريال لخمس أشخاص
او بطاقة فيزه كارد وسئلتها عن مسبقة الدفع ومافهمت عليها
بليز اللي توه مطلع فيزه من السفارة النمساويه يقولي ايش طلبوا منه بالضبط بالتفصيل الممل

حياك اختي
وبشري ماراح نقصر معك
بالنسبه للتامين نعم يكفي
كشف الحساب ما اذكر انهم يدققون على المبلغ
انا سبق طلعتها من الايطاليه والبرتغاليه ما سالو كم فيه الحساب وكان اقل من كذا
تقدرون تعطونها مكتب يخلصها لكم وبسرعه
لو تطلعونها من الايطاليه عادي اذا كان الوصول الى فينابس لو كان على ميونخ الافضل تكون من الالمانيه
لانهم معقدين شوي
بالنسبه للبطاقه مسبقه الدفع ما ادري هل تمشي عن السفاره اولا
بس عن استجار السياره ماتمشي ابد
لازم يكزن معكم فيزا او ماستر كارد عاديه
ياليت تعطيني تاريخ الذهاب وعلى اي مدينه
والبرنامج كيف يكون
تحياتي لك

الله يعطيك العافيه تاريخ الذهاب 14 أكتوبر على ميونخ بنجلس يومين
بعدها راح ناخذ سياره ونروح كابرون وبنجلس خمس ايام طبعا بتكون من ضمن الرحله زيل ام سي بس السكن في كابرون
بعدها راح يكون يومين سالزبورغ اخر يوم راح نسلم السياره فيfreilassing
وبنطلع بالقطار الى فيينا بنجلس يومين وبعدها الرجوع السعوديهاذا فيه مدن حلوه تستحق زياراتها وتكون على نفس خط سير الرحله نبهوني لها
جزيتكم خيرا

1. وبفيدك في كم حاجه.


2. انتي مافهمتي مضبوط المقصود بالتامين.


3. بالنسبه للمتطلبات, قبل ما افيدك فيها بالضبط,


4. الكريدت كارد معناها بطاقه ائتمانيه.

ماقصر اخي مسافر نت,

وبفيدك في كم حاجه.

انتي مافهمتي مضبوط المقصود بالتامين.

انتي صحيح طلعتي التامين للشخص الواحد ب 110 ريال, وهالتامين يغطي علاج بالخارج لو سمح الله وتطلب علاج حتى 30000 يورو, لذلك ورقة التعهد بالسفاره يطلبون منكم توقعون على التعهد ان فعلا شركة التامين اللي اخترتوها قادره على غطية مبلغ 30000 الف يورو, هذا اوكي الشرط مستوفي.

بالنسبه للمتطلبات, قبل ما افيدك فيها بالضبط,

ترى فعلا سمعت قبل ما اطلع فيزتي بفتره بسيطه ( طلعت فيزتي في بداية سبتمبر هذا الشهر) سمعت من موظف بمكتب سياحي انو بدء من شهر اكتوبر راح يصير استخراج الفيز لابد من تبصيم , لو كان صحيح فممكن لابد حضور الكل, تاكدي من هالمعلومه بالاتصال عليهم مره اخرى لاني اشك صراحه, لان في مكاتب معتمده للسفارات بمناطق المملكه تقوم باجراءات الفيزا بحيث ترسلها للسفاره بالرياض الا ان بيكون التبصيم موجود بكل منطقه.

الكريدت كارد معناها بطاقه ائتمانيه.

بالنسبه للبطاقه الائتمانيه, المقصود تصورون الوجه الامامي من البطاقه ومايهم الرصيد هم مايشيكون عليه, استفسرت عن هالنقطه من السفاره قالوا يهمنا تكون باسم الشخص صاحب الرحله وتكون سارية المفعول, فقط يتواصلون مع البنوك للتاكد انها نشطه وليس الاستفسار عن الرصيد, وكمسبقة الدفع اظن انها ماشيه بالسفاره لكن لمكاتب التاجير في الغالب ماتمشي.
كشف الحساب ضروري فقط في حالة ماعندكم بطاقة ائتمان.
تعريف بالراتب الغوه مايحتاج.
بالنسبه لفيزا السفر,
لو كان وصولكم لالمانيا اول, في الغالب انهم يدققون لو كانت فيزتكم مو المانيه او نمساويه, النمساويه هي المطلوبه نظاما لان اقامتكم فيها اطول. وفيها ناس دخلوا بفيز ايطاليه وفرنسيه لالمانيا لكن لا تخاطرون.
فيه مكاتب تطلع لكم فيز من سفارات ثانيه لكن بمبلغ وقدره, وان كان فعلا صار لازم بصمه يعني حتى هالمكاتب ماتفيد, خلوكم على النمساويه.
بالنسبه للقطار من سالزبورغ لفيينا,
انا بنفس تاريخ رحلتكم, من 11 اكتوبر لكن جاي عكسكم من فيينا الى سالزبورغ وبنتواجد في كابرون من 16 الى 22 .
انا حجزت عن طريق النت قطار من فيينا لسالزبروغ طلع لي السعر مخفض ممتاز, ب 19 يورو بدل 40 يورو, لكن ما ادري لو تغيير السعر او لا, انا حاجز من شهر 7 الماضي, راح اشيك لكم.
لكن انا ااقول في وضعكم المفروض انكم تيتاجرون السياره من زيلامسي, يورب كار مثلا وتتمشون فيها في الارياف ثم تروحون سالزبورغ وبعدها تروحون فيينا وتسلمون السياره اول يوم وصول, بيكون اوفر لكم ان كان قيمة تذكرت القطار للشخص 40 يورو.
راح اشييك على موقع القطار وارد لكم خبر.
واي خدمه تفضلوا, تحياتي

الاخت غلاغدو,
تو شيكت بالنسبه لسعر تذكرة القطار,
من سالزبورغ الى فيينا,
انتي ماحطيتي تاريخ, انا افترضت من عندي تاريخ قلت ممكن 22 اكتوبر بعد ماحسبت ايامكم في ميونخ وكابرون وسالزبورغ,
وخليت وقت الذهاب 10 صباحا الرحله مدتها 3 ساعات تقريبا,
السعر يعتبر زين, 24 يورو للشخص للحجز في المقطوره, بالاضافه الى 3 يورو للشخص لحجز مقعد,
يعني المجموع حول 135 يورو للكل.
وهذا موقع القطار النمساوي
http://Www.Oebb.at
اختاري اللغه الانجليزيه فوق على يمين الصفحه,
لو تشوفين السعر مناسب سوو الحجز, لان هناك الحجز ممكن بيكون 40 للشخص.
واذا فيه اي مساعده بالحجز انا حاضر,
مع اني للحين افضل الخيار الثاني
انكم تاخذون قطار من ميونخ لزيلامسي
وفي زيلامسي تستاجرون سياره وتسلمونها بفيينا.
تحياتي

الرحله على الخوط المصريه والترانزيت طويل فبنستأجر في مصر وراح تقلع الطائره يوم 15 يعني وصولنا ميونخ 15وراح نغادر ميونخ يوم 17 الى كابرون وراح نغادر كابورن يوم 22 الى سالزبورغ الى 24 ابغى رحلة القطار الى فيينا يوم 24
ممكن تشيك لي على السعر الله يعطيك العافيه ماقصرت كفيت ووفيت
السيارة باخذها من المانيا يقولون ارخص واخوي يقول اذا طلعنا بالسيارة الى فيينا بنطول في الطريق القطار اسرع طيب ممكن ولا عليك امر تشوفي كل الخيارين كم تكون تكلفتها
يعني القطار من ميونخ والسيارة من زيل ام سي الى فيينا كم حدود التكلفه
والسيارة من ميونخ والقطار من سالزبروغ الى فيينا كم تكلفتها
ابغى اقل تكلفه السياره مو مشكله اي نوع المهم تكفي 5 اشخاص
الله يعطيكم العافيه ولا يحرمكم اجر التفريج على مسلم
ومشكورين تعبتكم معي

شيكت لك رحلات القطار بتاريخ 24, لقيت نفس الخصم, بيكون مجموع الحجز لخمس اشخاص كبار ب 135 يورو, السعر ممكن يتغير اي لحظه كل ماتقرب الرحله.
بالنسبه لحجز السياره بفهمك بشغله,
اخوك قصده استلام السياره من ميونخ وتسليمها في فرلاسينق بيكون السعر زين لان الاستلام والتسليم بالمانيا, لكن لو بتاخذونها من ميونخ او فرلاسينق وبتسلمونها بفيينا بيكون غالي بسبب تسليمها بدوله اخرى,
لذلك اقولك تاخذونها من زيلامسي وتسلمونها بفيينا يعني نفي الدوله ومافيه ضريبه.
انا كنت افكر انكم بتجون بقطار من ميونخ الى سالزبورغ علشان تستلمون السياره من فرلاسينق, لكن الان فهمتك, بتاخذون سياره ايجار من ميونخ وبتجون الى الارياف بزبلامسي ثم سالزبورغ وبالاخير بتسلمونها بفرلاسينق, كذا تمام بعد.
ثم بالقطار من سالزبورغ لفيينا ب 135 يورو للكل.
حجز السياره من ميونخ لو قلنا تاريخ يوم خروجكم من ميونخ بتاريخ 17 الى تاريخ 24, راح اشوف سعر سياره تكفي لعدد 5 اشخاص وببلغك.
تحياتي

ابو مريم بخصوص خانة العمل في الاستمارة
انا لا اعمل هل راح تكون مشكلة لو قدمت باقي الاوراق كاملة من فيزا وتامين وحجوزات
شاكر لك

ماقصر اخوي ابو مريم
بس انا اشوف ان استلام السياره في ميونخ وتسليمها في فيرلاسنق افضل وارخص
ايضا تمرون قارمش على الطريق ونتم طالعين من ميونخ
وممكن بعد انسبروك لانها بتكون قريبه من المسار
وكذلك القطار من سالسبورق الى فينا راح يكون اقل ومافيه توقفات وتغغير المحطه
اختي برنامجك جدا جدا ممتاز
توكلي على الله
بالنسبه للفيزا الافضل الالمانيه لان وصولكم الى المانيا اولا
او النمساويه ولو سألوكم راح يكون الجواب ان ايقامتكم اطول في النمسا ومعكم الفاوتشرات
تحياتي لك
حاولي تحجزي القطار من الموقع مثل ماشرح لك اخوي ابو مريم
لانه راح يكون اوفر لك من الحجز من هناك
ايضا لابد انكم تططلعون فيزا او ماستر من الان
لان شركات تاجير السيارات مايقبلون الفيزا مسبقه الدفع