مساك الله با الخير اخوي
وحيالك الله بين اهلك وناسك
با النسبه للبرنامج مثلآ
6 ايام بكوالا لمبور يتخللها يوم لجنتنق من الصباح الى المساء
2 بصن واي لقون
4 ايام في بيننانق
2 لنكاوي
وبا النسبه للميزانيه على حسب السكن فيه 90 يال وفيه 370 يال يعني الاسعار هي الي تحكم
وبا النسبه للمعيشه فما اقد احكم لانكم طالعين شباب والشباب غير العوائل نترك السؤال للشباب.
وبا النسبه للتنقل من كوالا لبيننانق فيه طياره وهو المريح وفيه سياره وقتها 4 ساعات با السياره
والوكالات الي با الرياض عندك الصرح مضمونه والفرسان
وموفق ان شاء الله

هلا ومسهلا..
أول نصيحة ما دامكم شباب.. الله الله بشدة الحيل
ديرة وناسة لا تضيعيونها بكثرة الجلوس..
توصلون إن شاء بالسلامة وإن كانكم هواة لعب وفلة
فمباشرة روحوا لصن واي لقون ألعاب مائية وكهربائية(ما أدري وش يسمونها) ولا تفوتكم لعبة توماهوك
خذوا لكم يومين بالكثير وبعد كذا..
مباشرة على المطار(أحبذ الإنتقال بالطائرة) وتوجهوا لبينانغ..
((ملاحظة لو حبيتوا تنتقلون بالسيارة من كوالا لبينانغ
لأن فيه بعض الأماكن على الطريق))
وفي بينانغ عندكم أماكن تزورونها.. خلوها ثلاثة أيام بالكثير لأني أنا أفضل لنكاوي أكثر
توجهوا إلى لنكاوي وعنكم الرحلة البحرية ورحلة الصيد والغداء في أحد الجزر
وعنكم عالم تحت الماء وعندكم ميدان سباق السيارات(فلّه من جد)..
وعندكم الدبابات البحرية والبراشوت (تجربة حلوة جدا) وعندكم بعد قمة لنكاوي
خذوا لكم 4-5 أيام وبعدها إرجعوا لكوالا وخصصوا لكم يوم تزورون فيه قمة قنتنق..
وبالنسبة للسكن مثل ما قالت اختي البرنسيسه مدوا لحافكم على قد رجليكم
فيه الثلاث نجوم وفيه الخمسه..
أما بالنسبة للمعيشة والتنقل والترفيه ورسوم الدخول
فأنا أتوقع لكم قي هالمدة 4000-5000
وأما الوكالات فما أزيد على أختي البرنسيسه وسلمني على الصرح يعجبونك..
وياليتك تزور هالرابط إن حبيت..
https://artravelers.com
وتمنياتي لكم بسفر سعيد وعود حميد

مشكوره أختي البرنسيسه
على ها البرنامج الحلو
والله يجزاك الف خير

الجمال ما قصرتي كفيتي ووفيتي
ومشكوره

الله يسامحك يا أخوي (الدوسري)
يعني الجمال ما يصير إلا للحريم
يا أخي أنا شاب وسيم ( شاب وسيم وإلا شاب وعود..ههه )
وإسمي الجمال... ما فيها شئ..
إسم على مسمى.. (واحد واثق)
على العموم مقبولة منك... وأهم شئ ما نذكركم تراكم سفراء بلدكم وكل إخوانكم
الله الله بالسنوم الغانمة والعلوم السنعه (قلبتها مسلسل بدوي )
سلملم يا غالي