السلام عليكم
هل تنصحوني ان اذهب الى افاموزا من سلانجور ؟ وكم المسافه بينهم؟
لا والله..
لانه اتوقع انه جلستكم بسلانقور اكثر شي 3 ايام..
و3 ايام خلها لهالمنطقه الرائعه احسن من افاموزا..
حسافه
افاموزا سلمك الله رح لها اذا كان عندك وقت .. لو كانت ايام كوالا كثيره
على انه سلانقور اقرب ب10 كيلو لافاموسا من كوالا..
بس هي مسالة ان المنطقه ماتستاهل تستقطع لها وقت من جلوسك في سلانقور..
ويحتاج اني أحجز غرفه فيه قبل اروح ولا عادي اذا رحت حجزت؟
الافضل وبشده انك تحجز من هنا
لاننا كنا حاجزين من هنا ب500 ريال فيلا بمسبح
وشفنا واحد خليجي بالرسبشن وحنا داخلين... جاي من غير حجز..اخذوا منه حول ال800
حتى تصدق.. انه انا يوم قربت روحه افاموزا قلت ابامدد فكلمت الشركة السياحيه اللي حاجزين من خلالهم بال500.. وقلت ابغى امدد يوم.. قالت لي 650
هل الذهاب الى كاميرون هاي لاند من جنتنق اسهل ولا من كوالا؟
جنتنغ تقع بين كوالامبور والكاميرون..
اذا كنت رايح بسياره خاصه او تاكسي فالاسهل تروح كاميرون من جنتنغ
اما اذا باص.. مااعتقد فيه باصات تمشي مباشره..بين هالمنطقتين
لازم ترجع كوالا حسب معلوماتي البسيطه.. وتاخذ باص الكاميرون
وهل يحتاج أني احجز بالفندق قبل الذهاب ولا عادي اذا وصلت احجز؟
انظر نفس جواب افاموزا
أسف على الإطالة اخر شي
حياك الله
وان شاء الله رحلة سعيده
يحتاج اني احجز بدري في بوكيت تينجي ولا اذا رحتلها أحجز على طول؟
سيم سيم الاجوبه اعلاه
تحياتي لكم
مسافره مختبه

الف شكر يامسافر عز الله انك ما قصرت
انا اعتقد يومين تكفيني في سلانقور
بس ابي اسأل فيه فندق في افاموسي ولا كله نظام فلل؟لأني ابغى غرفه
وبالنسبه للكاميرون قررت اروح لها من جنتنق
بس كم يستغرق من الوقت الروحه للكاميرون؟
وهل اجد التاكسي بسهوله في جنتنق ؟

كاشف
مختبة ما قصرت ودايم سابقتنا للخير
بالنسبة لأفاموزا أكيد فيه وحدات صغيرة وما أعتقد عندك مشكلة بالنسبة للجحز
إذا ناوي تسكن عندهم ممكن تلاقي رقمهم بسهولة وإنت بكوالا اتصل فيهم قبل تروح علشان تتأكد
الكاميرون لو تروح من كوالا أفضل لأنك بجنتنق فوق جبل يعني بتنزل كوالا ومنها على الكاميرون
بيصير الطريق أبعد عليك والكاميرون حول 4 ساعات من كوالا على ما أظن
وأكيد جنتنق مليانه تكاسي لأنها منطقة حيوية

جزيت الجنه اخي مهند وماقصرت
لكن مسافر مختب يقول ان جنتنق بالوسط بين كاميرون وكوالا
وانا ناوي اروح للكاميرون بعد مكوثي بجنتنق لمدة يومين
فليش انزل من جنتنق لكوالا واطلع مره ثانيه للكاميرون مادام فيه توصيل من جنتنق للكاميرون مباشره واظنه
اقرب من كوالا -كاميرون
ياليت تفيدنا اذا كان الانتقال صعب من جنتنق-كاميرون

انا رحت الى كاميرون هاى لاند عن طريق محطة الباصات (بوداريا)وسط كوالا وكانت الرحله من العمر مع ان الطريق يخوف ولكن تشوف الشلالات والامطار وسعة الصدر
والبرد خذ معاك ملابس شتويه اما بالنسبه للحجز احجز اذا وصلت الفنادق رخيصه
ولا تنسى تروح رحله فى الغابات بواسطة الميكروباص روعه على مااذكر 80 رينجت للشخص وياعينى على مزارع الشاى.......

مشكور اخوي ابيرنو ويعطيك العافيه بس انا ودي بالطريق المختصر لكن ان ماقيت علم سنع شكلي بالاخير مردي لبوداريا كوالا

لا ما انصحك ، لاتكثر التنقلات راح تتعب نفسك وتتعب زوجتك معك في المطارات او الذهاب لاماكن بعيده بالتاكسي. الااذا كنت لوحدك مافيه مانع .

إذا مختب قال الطريق أقرب من جنتنق فا هو الصح وأنا الغلط
أنا قلتها ظناً وليس ضماناً لذلك أعتذر وأقول كلام مختب دايم مقدم على كلامي
خبرتهم أطول وأوسع وأكثر لأنهم عدة أشخاص ما شاء الله
وأنا كنت لحالي مشخص على المدام إني أعرف من رحلة وحدة بس

srn005
شكرا اخي على النصيحه لكن انا ما عندي تنقلات كثيره بالسياره وابغي اجرب الطريق للكاميرون
اخي مهند
فيك الخير والبركه وماقصرتوا وخيركم انت ومسافر مختب يشهد عليه الجميع
ومهما شكرناكم مانوفيكم حقكم