أختي المستحيلة .. بجاوبج على موضوع اللابتوب مع إني ما سافرت لماليزيا بس سافرت كذا مكان في أوروبا و أكتشفت أهمية و جود اللابتوب في السفر ..
بعض الفنادق يكون فيها الانترنت مجاني و بعضها بفلوس .. الميزة هي أن اللابتوب يسهل لج عملية البحث عن الأماكن السياحية خلال وجودج في المكان .. تسهيل عملية الحجوزات و تغييرها في حال ما عيبج الفندق اللي نازله فيه .. الحصول على وايد معلومات تهمج مثل شركات الطيران الداخلية, خدمات التاكسي و غيرها ..
و في الأخير إذا لأي سبب من الأسباب إذا ما قدرتوا تطلعون من الفندق بيكون عندج شيئ تتسلين به
توكلي على الله و خذي اللابتوب

هلا والله بصديقتي المستحيله
1- أيهم أفضل "من ناحية إقتصادية طبعاً" : نحجز الفنادق عن طريق المكاتب السياحية أو نحجز بواسطة الفيزا على النت أو نروح على العمياني ونحجز من هناك ؟
الحجز عن طريق المكاتب السياحيه بيكون اغلى عليكم..
عن طريق النت ارخص بكثير .. غير انه فيه مجال تقارنين الاسعار بين كذا موقع واخر..
بالنسبه للعمياني ماانصح فيه البته..
اذكر تعرفت على ناس هناك.. عايله جايين متورطين (عمياني)
ومع محاولتي مساعدتهم.. الا اننا تعبنا ومالقينا حجز بالفنادق اللي هم يبون...
ولا لقينا الا فنادق ثانيه (وبسعرها الرسمي) بدون اي تخفيض..
ولنكاوي تعبنا معها مره.. مالقينا الا فنادق اسعارها خياليه جدا.. واضطروا يلغونها للاسف..
فكانوا منحاسين مساكين وتنكدوا طول الرحله
((احسكم تقولون وش عند المرشد السياحي حتى بماليزيا تعرض خدماته))
2- هل أحتاج أنقل اللاب توب معاي والا أخليه بس (مو ناقصين عفش:110
شوفي..
انتي وش بيخليك تاخذينه معك مثلا؟
معلومات؟ اطبعي اللي تبين وخوذيه على شكل اوراق وبس..
خوذي كلش تحتاجينه..
ولو لو لو احتجتي شي مقاهي الانترنت منتشره بكثره.. ورخيصه مره..
تبين مسنجر والا بريد موب طايرات
تبين عالم حواء.. بنخليهم يصكونه لمين تجين
يعني بتشيلين هم.. شل ولا تشيل.. حط بصندوق الامانات ومدري ايش..
اصلا بتقومون مبكرين .. تتمشون.. وترجعون وانتم تعبانين مالكم خلق..
لذلك انبسطي برحلتك واللاب توب ممدين عليه..
شوفيني انا مثلا..شوي وينام معي لاب توبي بسريري من كثر منيب ساكنه عليه..
بس لو اسافر عندي مبدأ اني ارتاح واستمتع وانبسط انا ورفقتي(حلوه رفقه.. تحسين مجلة ماجد على غفله)
موب كني طولتها وهي قصيره..
المهم الجواب لاتاخذينه

6- شو رايكم بالفنادق التالية في كوالالمبور مع ذكر السبب

بالنسبة للابتوب فله حاجة في حال كنتم من مدمني الإنترنت وكذلك إذا كانت الرحلة طويلة وتريدون أخذ صور كثيرة بالكاميرا الرقمية، فتحتاجون تنزيل الصور على اللابتوب وحذفها من ذاكرة الكاميرا. ويمكن حل هذه المشكلة بشراء عدة كروت ذاكرة للكاميرا.
ولكن طبعاً يبقى همه معه حيث يجب وضعه في صندوق أمانات الفندق خشية سرقته....
كما أن الإنترنت اللاسلكي في الفنادق غالي الثمن بشكل عام.
بالنسبة للفنادق، فالمفضل هو القريب من شارع العرب مثل coronade و time square.

حيا الله الكل والجميع كل ٍ بإسمه

فما تهمني الفخامة يكفي يكون مرتب ونظيف وأكلهم ينقبل
على كذا عليكم بفندق السن سعره مناسب جدا ( أقل من 200 ريال ) فهو خيار مناسب لمن يبحث عن فندق اقتصادي
ولقد سكنه اخونا في المنتدى ( سعادة الدكتور ) ولم يذمه ،،، وتجدي تقريره ضمن التقارير المثبته في قسم التقارير المصوره. (ملاحظه هو ايضا سكن في فندق مليا وهو من اشد المعجبين بهذا الفندق )
اما اذا كنتم تريدون فندق اغلى شويه ،، فعليكم بفندق سويس قاردن او ميليا او نوفتيل
على العموم يصعب علينا ان نحدد تماما ماهو الافضل بالنسبه لكم ، فالناس اذواق فما يعجبني قد لا يعجب غيري ،،، فمثلا بالنسبه لي انا ف حالة سفري بمشيئه الله فسوف يكون اختياري لفنادق معظمها رخيصه.
والخيار لكم

هلا بك اخوي
فندق السن مشكلته انه مافيه بيبي ستر .. أو يمكن فيه بس ما كتبوا في المواقع انه فيه (بعض المواقع كتبت ضمن مواصفات سويس قاردن انه فيه بيبي ستر وبعضها ما جابت لها طاري )
عندي مجموعة استفسارات ثانية تذكرتها الآن
1- بالنسبة لجنتنق .. فندق فرست ورلد هل فيه بيبي ستر؟
الشي الأهم .. كيف أنقل عفشي والعربية حقت بنتي بواسطة التلفريك؟؟ لأني حسب مافهمت انه مافيه طريقة تطلع فيها للمدينة الا بالتلفريك؟
والا انتقل بس من كوالا لجنتق وارجع؟
2- بيننغ .. هل فيها شي يستاهل العنوة .. بما أننا مو راعين أنشطة بحرية .. والا نطلع للكاميرون دايركت من لنكاوي بالطائرة (ووش أقرب مطار للكاميرون وكم يبعد بالسيارة لأن على ما اظن مافيها مطار)
3- سؤال خاص للمختبة
بالنسبة للبيبي .. كيف تعاملتي مع الأكل ! هل أخذتي معاك سيريلاك من هنا والا أشتري من هناك قيربر والا كيف ؟؟؟

الله يخس عدوتس بلا :d ضحكتيني على سالفة المسنجر وموقع عالم حوا ههه
بالنسبة للاب توب فالراي الأرجح اني ما آخذه بس هي على ماقالوا الإخوان عشان الكاميرا وعشان لواحتجت شي والا شي وعشان بعد ألعب سوليتير إذا صارت مطر :d
بس هنا فيه تفصيل..
اذا هو سوليتير العنكبوت.. ممكن..
اذا سوليتير الاصلي لا
لكن مبدئيا بشوف سويس قاردن ونوفوتيل وميليا وأقارن بينهم وبين أسعار المكتب .. وش رايك بهالفنادق الثلاثة ؟ وبالنسبة للميزانية أفضّل انه بحدود 300 ريال تقل قليلاً أو تزيد قليلاً لأني ماراح اجلس في الاوتيل اغلب الوقت بنكون طالعين فما تهمني الفخامة يكفي يكون مرتب ونظيف وأكلهم ينقبل :d
والله شوفي انا سكنت سويس قاردن وميليا..
ميليا ممتاز مره موقعه بين شارع العرب والتايم سكوير..
ومستواه افضل من سويس قاردن..
انصحتس فيه

مشكورة أوي يا سعادة الخبيرة المسافرة
عاد الله لا يهينك نبي رايك في الرد اللي قبل ردك بالنسبة لجنتنغ و بيننغ .. وإذا بيننغ فيها شي يسوى وش رايك في باي فيو حقهم ؟