السلام عليكم
والنعم ام محمد
وحياكم الله بين اخوانكم وخواتكم وان شاءالله اتفيدون وتستفيدون
كان عندي عنوان ولكن مع الفورمات للكمبيوتر صار بح
بشيك على الأيميل وبرد ان شاءالله
وماأيصير خاطركم إلا طيب

مرحبا الشيخ
ولد بلادي
.
جمعه مباركه
يالله بانتظارك ..
ياريت ماسويت فورمات
وبليز ..
مومهم السعر .. بالعكس بغيت 5 نجوم
بس ابغي انظف مكان واحسن مكان تعليمي معترف فيه حق تصميم الجرافيك . . .
لاني اخاف من عقب سالفه القطري
ادخل قوقل ادور عن الجامعات وبعدين احاتي ..
انت شرايك ؟ انا بغيت بالضبط بوسط لندن بالضبط ..

السلام عليكم
صباح النور بنت ديرتي
ويومكم ابرك ان شاءالله
معنا بريطاني في الدوام من اهل لندن ولكن للأسف توه ماخذ إجازه ولكن كنت بتصله وبساله
والفورمات الي صار قصته قصه
دورته في الايميل والظاهر انه بعد صار بح
تقدرين تمهليني كم يوم حتى اتأكد
وإذا حصلتي شي في النت اكتبي عنوانه وراح انسوي عنه بحث
إذا كان فيه جامعه اتسوي كورسات في لندن مثل جامعة قرينتش فهذي حلوه
هل تبحثين عن برنامج معين او تصميم معين
وسفرتكم قريبه ولا بعيده

القطري
هلا والله
مشكور عالرد السريع .. والله سفرتنا قريبه ان شاء الله ..
وانا بعد البريطانيه الي فالدوام ماخذه اجازه
افا عليك امهلك كم يوم بس بليز ترد علي عالاقل الاحد !!!
ابي شي قريب من ستي سنتر لندن مثل الهايد بارك ولا الادجوار ولا اي مكان بس متروس هالقطر لاني اول مره اروح لندن وصج متخرعه اخذ دوره!!
شفت بالنت هالجامعه
مايندرى وين مكانها
St. Martins College Of Art & Design Current
Universities & Colleges in Holborn, London
12-46 Southampton Row, WC1B 4AP
St Martins College Of Art & Design boasts an international reputation as well of...
وهاي بعد
LondonTech Training
6Hoxton Square (Training Location)
(Head office) : 78 Phillip Street, London N1 5RT
Tel:++44(0) 20 7503 0792
http://www.Londontechtraining.com
ارسلت لهم ايميل وقالوا في كلاسات عندنا بس مكانها زين Hoxton Square ؟؟
وهذا بعد شفته
http://www.lcc.arts.ac.uk/courses/training.htm
بس وين مكانهم؟
Contact
Professional Training
London College of Communication
Elephant & Castle
London SE1 6SB
Telephone: +44 (0)20 7514 2105
Facsimile: +44 (0)20 7514 6563
Email:
سوري وايد طولت عليك

الليله ان شاءالله بتلاقين التفاصيل موجوده
بالعكس ..الأسئله خفيفه واجد
الله لاأيرويكم اسألتي إذا حبيت اسافر مكان اول مره اروح له :8888:
ماخلي شي إلا اسئله

مرحبا الشيخ
مشكور والله ماقصرت
ما ابغي اتعبك
وايد استفدت من الرد الي فالموضوع الثاني
وقلت خلاص ان شاء الله بسجل في هالمعهد وارسلت لهم ايميل ..
انت شرايك في هاي
http://www.certitec.com/scheduledtra...on.html

مافي اي تعب والشغله كلها كيبورد فلاأتحاتين
شكل المعهد كبير والدليل ماشاءالله في كل مكان له فرع
فتوكلي على الله ..
هل بتاخذون فندق قريب منه ؟؟