عذرا اكيد غشيم
وش دعوى وين رايح تدور ولافي جنوب بريدة على هالكلام:112:
مع احترامي الشديد

مجرد إحساس
القصيم غالية على قلبي وكل شبر في بلدي غالي علي
تمنيت بدل هجومك الكاسح أن ترد على مزاعمي وتقول على الأماكن الحلوة في القصيم
سواء :
طبيعة - حدائق - تسوق - مطاعم .... إلخ
حتى يستفيد رواد المنتدى وانا اولهم
لك جزيل الشكر وخذ كلامي بلطفك

الله يعينك على الجماعة ! أحب ما لهم ديرتهم .. أجل أحد يسمي ذيك الديرة ( باريس نجد ) !! : )
مع حبي وتقديري لأهل قصيم المشايخ والعلماء ، رفعهم الله دنيا وآخرة

نقطة لاحظتها في هذا المنتدى .. انه لما يجي احد يعرض تجربته خصوصا لما تكون "سيئة" .. يجيه هجوم مو متوقع أبدا .. مع انه من حق اي شخص ان يعرض تجربته .. و المنتدى هذا ما قام الا على تجارب الاعضاء..
اخوي اسير الدار .. اذكر مرة كنت مسافر من الرياض للمدينة المنورة عن طريق القصيم .. و توقفت في القصيم .. في فندق السلمان .. فندق بسيط لكن جيد نوعا ما (على ذيك الايام .. ما ادري اذا تغير او لا).. و الشي اللي شفته في القصيم و اعجبني اهي المزارع .. فيها مزارع حلوة بصراحة.. و بعضها مفتوحة ما يمانعون اصحابها..

انا من اهل القصيم ...ابد حبيبي خذ راحتك
فعلاً بلد غير سياحي ولايوجد فيها فنادق 5 نجوم ...
يوجد فندق الراجحي يشتغلون فيه الأن
لكن صدقني نحب ديرتنا
المره الجايه تلقى القصيم أحلى وأحلى إن شالله

mjmj20
عين العقل

القصيم لم يصنف مطلقا انه بلد سياحي مطلقا
بس فيه مكشات حلوو على حسب المواسم
ولكن ترفية ووناسة اغسل يدك تلقاها .. ونتمنى ذلك مستقبلا
النابغة3

اخوي الغالي اكيد انت في شارع الخبيب او كنت في شارع الخالديه ؟؟؟ وهذي المناطق قديمه جداً جداً
بريده حلوه وهي الأان تحولت كلها شمال _ حي الريان -الاسكان الجديده - الفايزيه - الحى الاخضر - حي سلطانه - المنتزه -البشر- الزراعي وكثيره ويها بعض الشقق الحلوه احسن من الفنادق هذا فقط لتوضيح والله الموفق،،،،،، اخوك / أنت الحب

فعلا القصيم بأهلها ،، يعني أنا من القصيم وفعلا ما ادري من اللي قالك انها بلد سياحي ؟؟
يعني نروح حنا للقصيم عند الأقارب ومع الجمعات تحلى المكانات ،، والمزرعات والبرحيات والسكريات
لكن ليتك كلمتنا نقوم بالواجب قبل ما تجي ونعلمك موب لما تخلص ..