الله حيه
والله انك تحرجني من طيبتك
الله يطول بعمرك
انا غيرت المخطط لان رحلتي قصيره 6 ليالي
خليتها على فرانكفورت لان الكويتيه تروح دايركت
وسعرها مغري جدا جدا
0دينار كويتي
والفندق الى اخترته هو جميرا فرانكفورت
معن سعره غالي شوي 110 تقريبا
وشرايك فيه
وش تنصح بحلى منطقه فيهم
وشكرا

اذا تبي ريف بحت
اسكن بكوشيم,,,وزور باقي المناطق
تقدر تزور اللي ذكرت وزياده عليها كولن + دوسلدروف + بوون الخ

ان شاء الله بتوكل علي الله وبسكنها
بس ياليت لو عندك احداثيات المناطق السياحيه القريبه منها
انا بجلس فيها 4ايام
وشنو الفندق الي تنصح فيه
لان والله ماعرف شي فيها
وبمشي علي نصيحتك

شف ياغالي كوشيم بالضبط نفس قارمش
اهلاً بكم في كوخيم ألمانيا https://artravelers.com/p/re/769345
تفضل ياغالي
بالامكان ايضا زيارة كوبلنز و ترير كلهم حول بعض
ايضا بون وكولن ودوسلدروف

Cochem اختيار موفق وهي وجهة سياحية معروفة, منها بالإمكان زيارة بعض البلدات \ المدن الاخرى مثل Heidelberg, Bacharach, St. Goar, Rudesheim, أنصح باستخدام القطار للأماكن القريبة ولو كان عددكم قليل.
أيضا بالقطار ساعتين إلى Luxembourg city, بالامكان قضاء نهار في المدينة والاطلاع على طرازها الفريد.

جمعه مباركه بخصوص المناطق معك Heidelberg Marburg Giessen Kassel Bad Hamburg Limburg Bad Vilbel وكل منطقه تبعد عن فرانكفورت ساعه ذهاب والعوده كذالكشوف في الجوجل المناطق جميله جدأ ونادراما يرحوا عليها العرب . أما بخصوص الفندق أنصح ب Steinbereger Frankfurt Hof وهو في قلب المدينه خمسه نجوم وسعره أنقص من الجميرا ،وعلى فكره ينزل فيها الأمراء من دول الخليج، السعر يتراوح مابين 150 إلي 200 يوروا وقد ينقص بحسب الشركه اللي راحتحجز منها !!! ومعلومه حلوا ، تروح في القطار للمدن من 1 إلي 5 أشخاص ب40 يوروا ذهاب وعوده ، في محطه القطار تقول للموظف أنك تريد تذكره يوميه لي 5أشخاص ذاهب وعوده . تحياتي أبو ركان