الحلقة الاولى
السلام عليكم شباب
هذي رحلتي الاولى والمتواضعة للقاهرة كانت في 10/فبراير /2008 لحد 31/ فبراير 2008
محطة الانظلاق كانت من البحرين بواسطة الخطوط الجوية القطرية ...
طبعا قبل كل شيء قبل ليلة من السفر ذهبت للصالون عشان اضبط شعري واقص لي قصه حلوة للسفر وكاتنت هذي النتيجة المبهرة ...
مطار البحرين في الساعه السابعة صباحا حيث لا ترى غير الذباب يحوم صوب الاذن ..
بعد الساعه الثامنة صباحا بدى بطني يوصوص بشكل مو طبيعي حيث انا من القلق طول الليل ماقدرت انام كنت اجهز الشنط وكان معاي 23 كيلو و10 كيلوات ساحبهم بيدي ويوم رحت على كاونتر الوزن عشان البوردنق تفاجأت تقول الموظفه لك 40 كيلو لان المسافرين على القطريه من البحرين لهم وزن زياده فتندمت لان في حجات كثيرة وهدايه تاركهم بالبيت عشان الوزن يالله ما علينا بعدها توجهت لمطعم سكاي لاين في الطابق الخامس في مطار البحرين لان ينعتون الاوملت حقهم موت مره لذيذ وهذه صورة المطعم بالصباح ما تسمع فيه غير صوت الناموس فاضي كأني المسافر الوحيد طالع من البحرين ..
بعدها طلعت على الطياره على الساعه العاشرة صباحا كان الاقلاع لمطار الدوحة ..
طلعت على الطياره وطارت ركبت اخر واحد على النداء الاخير وانا كنت ساهي ادردش مع صديقي شفته بالصدفه وتمينا ندردش وصوت السماعات خفيف مره بالمطعم ما لحقت على الطياره غير على النداء الاخير الي تكرر بسببي 3 مرات وبس ركبت الطياره على طلو سكرو الباب وطارت ..
وصلت بعد 20 دقيقه طيران الى مطار الدوحه - مطار الدوحه يا شباب ملل في ملل مافيه اي شيء ممكن الواحد يتسلى فيه حتى المطاعم غير متوافره فقط السوق الحره حلوة واسعارها نار والاسواق الحره بالبحرين اسعارها انسب وبضايعها وهداياها احلى بكثير انتظرنا ساعتين وخلال هالساعتين قمت اتصل بعمتي بالقاهره وادردش معاها لاني اول مره الصراحه اشوف القاهره وكنت متخوف كثير كنت خايف اني اضيع فيها ولكن مرت الساعتين بسرعه مثل لمح البصر اعلت الخطوط الجويه القطريه عن فتح باب الطياره وقدرت اني اخذ هالصوره الحلوة قبل الاقلاع ...
بما اني مسافر متميز حصلت على مقعد متميز وخدمة متميزة المسكينه المضيفه والله العظيم كأنها خدامة اهلي ودها تخدمني بأي شيء ولحسن الحظ حصلت لي وحده ادردش معاها طوال الرحله حيث في الاقلاع والهبوط وفي حاله المطبات الجويه كانت تجي تقعد بالمقعد الي قبالي مثل ما قلت لكم مسافر متميز ..
وهذي وجبة الغداء ويا عيني على وجبه الغداء وكنت قاعد اشوف فلم ابن حميدو نورمندي 2 حيث مرت علي الرحله مثل البرق خلقت الفلم في مدرج الهبوط بالقاهره بعد 4 ساعات طيران ..
وهذي صوره الوصول على مدرج مطار القاهرة ....