أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مبارك عليكم شهر رمضان الكريم
للاخوان المقيمين بامريكا وبالتحديد واشنطن وبما ان نحن في شهر رمضان الفضيل هل يوجد عصير الفيمتو والتمر بامريكا
لانها من الوجبات اللي الوحد تعود عليها تكون بمائدة رمضان
وشكرا
الفيمتو ( شراب التوت ) تلقاه في السكاي لاين أو المحلات العربيه ..
البقالات العربيه توفر الفيمتو على مدار السنه ..
أما التمر .. تقدر تراسل الملحقيه الثقافيه أو السفاره السعوديه ..
وتعطيهم عنوان يرسلون لك شحنه تكفيك الشهر بإذن الله ..
وإذا تعرف مساجد محتاجه تمور أبلغهم يرسلون الكميه المطلوبه ..
وهذا هو كرم الملك عبدالله الحاتمي ..
أخوي طبعا هذا عن تجربه الاخوة السنه الماضيه ..
أرسل فاكس للسفاره السعوديه في واشنطن على رقم 9445982 (202)
عنوان الفاكس ( طلب تمر ) ..
تكتب في الورقه معلوماتك ..
جهه إبتعاثك .. ولايتك .. إسمك الكامل .. عنوانك كامل و واضح ..
أو ترتب في الفاكس قائمه بأسماء أصحابك اللي يحتاجون الشحنه ( على شان يوفرون لك الكميه ) ..
وإن شاء الله كلها فترة الشحن لا تزيد عن عشر أيام والطلب موجود ...
tuesday man
الحبيب الغالي سؤالك يوجة للي رايح للصمان والقيظ حاديك
اما فى امريكا فالعجب كل شي موجود فى بلاد العم سام
رح انت الى امريكا وماعليك نجهز لك كل شي خابر برحية فى اريزونا نخلة نحجز لك التمر قبل الكاوبوي ههه
اما فى واشنطن انا شفت وايت فيمتو ههه
معليش لا تتضايق نبي نوسع صدرك فى رمضان
الله يسهل امورك ويتقبل منا ومنك صالح الاعمال
دربك خضر
أخوي السوبر ..
والله مو كل شي اللي في الديرة متوفر في أمريكا ..
الشباب ما يقصرون يسافرون للمدن اللي فيها بقالات عربيه ..
علشان الفيمتو و ما شابه ..
والعوايل الخليجيه يسوولنا صحون ويطلبون جيك ( جركل ) فيمتو ... ..
إنفعني وأنفعك .. وما أحلاها وحنا نتبادل مع بعض الاطباق و المشروبات ..
أخوي صاحب الموضوع ..
هذا موقع لمحل عربي يبيع التمر ...
http://www.halalco.com/dates.html
الموقع توجد به مأكولات عربيه تحتاجها في رمضان..
وحلويات وزعفران ومساويك وأصناف أخرى مهمه ممكن تفيدك في رمضان ..
:
:
أخوي السوبر
كل عام وانت بالف خير ..
حبيت أرد على رسالتك بس صندوق الوارد عندك مليان !
الله يجزيكم خير والله ما قصرتو
بس سؤال السفاره السعوديه تعطي تمر لأي أحد يعني اذا انا من لكويت او اي دوله ثانيه تعطي غير مواطنينها ؟
وماهي المحلات العربيه في بولتيمور وواشنطن
وشكرا لكم
