السر ياخوي انك مختار اغلى وارقى الفنادق على الاطلاق
بس تقدر تستبدل الفور سيزن بالقاهره بفندق كونراد راقي وهادئ
او الجراند حياة اذا تبي لوبي وزحمة
او سميراميس بعد حلو
وفي شرم مع اني اشوف الفورسيزن خيالي وقعدته ترد الروح
بس تقدر تستبدله بهيلتون فيروز في خليج نعمه حلو وغرفه واسعه ومرتبه ( من واقع تجربه طبعا)
موفق

حاول تحجز عن طريق الانترنت وبتلاقي اسعار ارخص
الى متى تصدقون مكاتب السياحه وتمشون وراها؟!!!
ما وراها الا لهف الجيوب وهذا اهتمامها الاول والاخير

اليازي الف شكر لمشاركتك ورأيك أعجبني كثيراً
بالنسبة لفندق فورسيزن شرم أعتقد أنه مناسب (نظراً لإطرائك الشديد)
أما بالنسبة للقاهره فأعتقد أني لازلت متردد في الإختيار وبانتظار الآراء..
أخي الكريم ناصر.. ألف شكر لمشاركتك.. ولكن أخي الكريم هذي الأسعار مطابقة لما وجدته في مواقع النت
للأسف.. هذا موسمهم.. تحياتي وبانتظار مشاركة الجميع.. دمتم بخير,,,,

8
8
8
بس ياخوي الفورسيزن في شرم مب في خليج نعمه
بس تقدر تروح لخليج نعمه بالسياره
انا بالنسبه لي حبيت السكن في خليج نعمه لأني احب الزيطه والزنبليطه

شكرا اختي الجازي لتعقيبك..
كذا تغير الكلام... اذا مو في خليج نعمه لن ولن أسكن فيه.. ماني فاضي مشاوير وقلق بالسياره اخر الليل..
بنغير الفندق والشكوى لله.... انا احب الزيطه والزمبليطه (ههه وصف رائع)
واعتقد الموفنبيك (جولي فيل) أفضل لانه بخليج نعمه..
منتظر الآراء.. دمتم بخير,,,,

السلام عليكم اخوي سلطان الشام ترى فيها اثنين فور سيزن في القاهره وانا حصلتن على النت ارخص ادخل على الموقع وشوفhttp://www.asiarooms.com وبالتوفيق انشا الله

8
8
8
ههه دامك حاب تسكن في خليج نعمه
لاتنسى تقولهم انك تبي تسكن الجزء من الفندق اللي يطل عالبحر مباشره
لاتغلط غلطتي اول مره رحت شرم
فنادقهم كلها عالبحر بس مقسمه
يعني مثلا الموفنبيك عالبحر بس فيه مبنى ثاني بينه وبين البحر شارع

الأخت عاشقة جميرا الف شكر لحضورك..
المقصود فندق الفورسيزن القديم لأنه حسب مافهمت افضل واحسن..
وسأزور الموقع وأتمنى أن أجد ضالتي..
الأخت اليازي اشكر تفاعلك..
بس بصراحه ههه وصفك رهيب ولهذا السبب..
رجعت للمكتب السياحي وفهمت مقصدك من السالفه كلها ههه
ومعلومه هامه جدا بصراحه..
بس خايف اروح الفورسيزن أكيد فيه شي!!
ليه مصممه لايكون مستهدفيني الجماعه هناك.. ********>(على باله شخصيه هامه ومعروفه)
وأخيرا.. نبض الحرف أشكر تشريفك..
منتظر مزيداً من الآراء ودمتم بخير,,,,,