الفنادق التي اخترتموها جيده ومواقعها جيده في السنتر ( هتزمان زيلامسي + رادسون ساس فيينا في السنتر ، كراون بلازا سالزبورغ في السنتر مسافة مشي فقط للنهر والبلدة القديمة خلف النهر بين محطة القطار والنهر ، فندق ريجنت ميونيخ في السنتر مقابل محطة القطار ) والاسعار تعتمد على تاريخ السفر ونوع الغرف
ولكن بشكل عام بحدود 15000 ريال تقريبا شخصين مع الفنادق + تذكرتين على الدرجة السياحية
تحياتي

اخوي الفرسان مشكور على مرورك بس راح اتعبك معاي لاني غيرت الفنادق الى
ميونخ 650 لليله
زيلامسي495 لليله
فينا450 لليله
سالزبورق
وان شاء الله على الخطوط الامارتيه
وياليت اعرف كم راح تكلف المترو علينا
والسفر ان شاء الله في نص ثمانه ميلادي
الحين ان شاء الله تقدر تساعدني با التكلفه

المنفلقه
بعد اذن اخوي اخر الفرسان
اسعارك ممتازة جدا جدا
انا اخذت لاتيني قبلك بأسبوع 666ريال
وبفينا فندق خمس نجوم 777ريال بالهيلتون
ولو تسمحين لي اختي
التذكرة حسب من وين انتم طالعين ؟؟
من الرياض سعر التذكر تقريبا 3500-3200ريال للشخص
من الامارات اظنها حوالي 2300ريال
وحاولي تحجزون بدري ترى الرياض دبي هي المشكلة زحمه زحمه زحمه
الخطوط فيه الاماراتية والاتحاد والقطرية واسعارها متقاربة طبعا القطرية تمر بالدوحه
تكاليف المترو :
بفينا بس اللي فيها مترو
سالزبورغ وزيلامسي باصات تقريبا (الباصات ارخص)
وسعر المترو بفينا اخونا سلوم اخذ 3 ايام ب16يورو= يعني اقل من 80ريال لمده ثلاث ايام
الافطار على الفندق مجانا ,
واختي تكلفتكم احسبيها اذا تنقلاتكم مترو وباصات ( مو تكاسي) وافطاركم على الفندق من 500-600ريال يوميا وحاولي يكون أكلكم مطاعم عالمية او شي خفيف مو مطاعم فارهة
600*14=8400ريال بالكثير
التذاكر تقريبا =7000ريال بالكثير
احسبيها مع الفنادق وشوفي تكلفتك
السفر من فينا الى سالزبورغ بالقطار =35يورو للشخص ومن سالزبورغ الى زيلامسي 14 يورو
اذا فيه خطأ يصححون لي الاخوان

يعطيك الف عافيه اخوي خالد ما قصرت
بالنسبه للفنادق اللي انت حجزتها الله يعوضك خير ان شاء الله امزح معاك
التذكره سعرها 3110 للشخص
الفطور اخوي له سعر لحاله؟اجل كيف مجانا يمكن انت تقصد الغداء؟؟؟؟؟؟؟؟؟
يا ليت توضحلي

اليك موضوع تفصيلي عن الأسعار و كيفية الصرف لمدة 13 يوم
https://artravelers.com
وأي استفسار احنا حاضرين

المنفلقه
ههه من جد من وين جبتي هالاسعار ؟؟ ما قلتي لي انتي من وين ؟؟
===> وش المكتب اللي حجزلكم ؟؟ بس لا يدري احد
وعلى اي خطوط ؟؟
الفطور يقدم لكم مجانا ((غالبا ))من الفندق في اغلب الفنادق هالشي,,, بوفيه مفتوح انتبهي تفوتينه
خصوصا ان النهار عندهم 16ساعه يعني تبي تجوعون
وشوفي موضوع اخوي عبدالاله افضل موضوع يتعلق بالميزانية بدون منازع بس لاحظي ان عبدالاله معه الوالدة والاهل لذلك استخدموا التكاسي ((( يعني مونس عمره بزياده)))
انتم شباب الله يخلي لك (ابوكم) استخدموا المترو والباصات

يعطيك العافيه اخوي عبدالاله ما قصرت مع اني شوي دلخه ما عرفت احسبها لاثنين لكن مع الوقت ان شاء الله
اخوي خالد اذكر الله لا تصكني بعين المكتب ما اقدر اقولك اخاف يشوتوني لكن الخطوط خطوط الاتحاد 2800 للشخص ومشكور على اهتمامك

المنفلقه
متى وقت سفرتك؟

المنفلقه
اقول حطوا براسك قرنفل ترى يمدحونه ههه ==> يبي ينفلق
طيب ماشاء الله لا اله الا الله انا اخذ تذكرة 3500 لفينا والرجعه من باريس :112: ماشاء الله عليك
في موضوع أخوي عبدالاله
تحسبينها على أساس انه انتي وأبوكم في غرفه مزدوجة يعني مثل أهل عبدالاله (مهب عبدالاله)
واضح ؟