يامرحبا ومسهلا نورتوا باريس واتمنى قضيتوا فيها اجازة سعيدة وممتعة
شكرا على الاطراء يا اختي ونة خفوق
الحين اللي ابي اعرفة الكاميرا وين في رسبشين مين ؟
وين مكانها بالضبط واذا كانت موجودة بمكان محدد وضحي وين بالضبط وان شالله محد راح يقصر معاكم

abofawaz
هلا والله باابو الفزعات ..
الحمدلله استانسنا فيها بس ماامدانا نقعد .. ونتسوق

ونة خفوق
مرحبا اختنا الغاليه ونه...
حمد الله عل سلامتكم اولا و رجوعكم لارض الوطن...
اتمن اجازتكم كانت طيبه غير سالفه الكاميرا...
شوفي ونه لو نسيتي شي في ديزني اعطيكي 85 % تلقونها لان عاده الناس هناك مو اصحاب نشل و هذا لكن الله اعلم...
انا السنه الي طافت...كنت في ديزني مع ملوكي و ضاع مني البوك فيه كل شي يعني من غيره انا غير موجود...فيه رخصه سياقتي، بطاقتي الشخصيه، بطاقاتي البنكيه...حياتي موجوده فيه..:112:.
و نا عند البالون جيت ابي البوك ما لقيته المهم ضاقت بي الدنيا و صرت مثل المجنون و كنت بعد بسويعات طالع المانيا شغل...ما عصبت مثل ذاك اليوم...و صرت احوم و اقول "يا جامع الناس ليوم لا ريب فيه اجمع علي ضالتي" و رحت فيه مكتب في ديزني للمعلومات و الاشياء المفقوده و صراحه ما كان عندي امل القاه لكن الي عالريسبشن جابتلي اياه من وراء...و الله كنت حبوسها من الفرحه...
المهم بالنسبه للكاميرا انت اعطينا مواصفاتها و لو هي بروحها او معاها سافتي و هذا و انا اتصل فيهم و اروح اجيبهالك ان شاء الله و اطرشهالك للسعوديه بعد ...
ما تنسي الدعاء ترا مفيد...
الله يوفقنا و نلقاها و الحلال ما يروح.
ما تنسي تعطيني المواصفات و خلي الباقي علي.
دمت في رعايه الله.

abu malek1
الله يجزاك الجنه لو تلاقاها والله لادعيلك كل العشر
اعرفك ياابو مالك قدها وقدود
الكاميرا لوحدها بدون شنطتها واذا ماني واهمة كانت في كيس تبع ديزني ومعها قلم كنت شاريته لبنتي فوق القلم كان مجسم ميمي ماوس اذا ظغطته طلعت رجولها

ونة خفوق
ابشري ونه...
و الله اني حكون حريص كما لو كانت لي...
انا برد باريس يوم الاحد، عل طول اتصل فيهم و لو لزم اروحلهم هنا...
و كفايه دعواتك الصالحه صحاتني بعد ما كنت حنام...
تسلمين.

.و صرت احوم و اقول "يا جامع الناس ليوم لا ريب فيه اجمع علي ضالتي" و رحت
فعلا مثل ماقال الاخ ابو مالك الله يجزاة خير...الدعاء هذا حلو ...هو دعاء الضالة...إذا ضاع لك شي قولية...وانتي متفائلة بالله عز وجل....
وقولي سبع مرات...حسبي الله لآإلة إلا هو علية توكلت وهو رب العرش العظيم...
وإن شاءالله تلقينها...وبشرينا

الله يعوض عليكي اختي وتلاقينها والله حسيت فيك كاني مكانك من جد قهر

ونة خفوق هذه الصورة

وان شاء الله تلقونها

نتمنى نتلقينها لانها وثقت ايام جميلة لن تنسى وأنا كلي ثقة بجهود أخوي بومالك وماراح يقصر ابدا بس والله انا اتمنى تلقونها من كل قلبي بس للاسف ما اتوقع
نسينا لعبة psp في مجمع لاديفانس شهر فبراير وكان معاي ابو مالك وما لقينها لا وقالوا لي مستحيل تلقاها وفعلا ما لقيناها
اتمنى ما احبطك ولكن هيئ نفسك بان العثور عليها صعب