نشر في نيوزيلندا

الفزعه تكفون

سلطان الغرام 11

16-12-2022 - 10:51 am

السلام عليكم
اهلين يااعضاء المنتدى
لو سمحتوا انا حجزت عند مكتب الطيار يوم 26 فبراير ذهاب واياب وابرجع بعد 6 شهور بس فيه مشكله لاني خايف بالمطار يوقفوني بس يانااس ماادري كم وزن الشنطه اللي اباخذها واذا تعديت المسموح فيه هل هو عادي والا الا ؟؟
وكم ياخذون على الوزن الزايد ؟؟ علما اني حاجز علىى الكاثي باسفيك ب7900 عند مكتب الطيار بشارع التخصصي
وهل عندكم نصايح واعذروني والله لانها اول مره واباخذ لغه بمعهد وايكاتوا بجامعة وايكاتوا علما اني محتار بين المعهد هذا ومعهد موجود بمدينة ويلتنغون ...
وثاني شي اذا وصلت لنيوزيلندا ان شاء الله ..يقولون لازم ورقة قبول معهد وانا مااخذت لان هناك واحد متزهل لي كل شي وبيسجلني بس اني خايف تكفون لاتبخلون علي بااراكم
وبارك الله فيكم
انتظر ردوردكم بفارغ الصبر

التعليقات (6)

المظلوووم

16-12-2022 - 01:12 pm

سلطان الغرام 11
النقطه الأهم أن تذكرت العوده تكون بنفس مدة الفيزه .. وتمددها من هناك
بالتوفيق
لا تحرمنا من دعواتك
:5d1tl:

الحر الجريء

16-12-2022 - 02:13 pm

وعليكم السلام ورحمة الله وبركاته
أخوي المظلوم ماقصر !!
كفى ووفى!!
بالإضافة حول النقطة الأولى : حلو لو تقدم الحجز لثلاثة أشهر لكي تحصل على فيزا من المطار
وإلا حاول تطلع فيزا من السعودية لو ما تبي تغير الحجز
والوزن عادة تكون من 20 ك إلى 30 ك وتختلف من خطوط إلى أخرى ولكن الوضع لا يدعو للقلق!!
إتصل على خطوط الكاثي وإسأل بكل سهوله!!
لكي تكون على بينه!!
بعض الشباب سافرو بوزن زايد وكان الوضع حلو وأنا طلعت بأكثر من 30 ك ولا أحد قال شي!!
والله يوفقك...وكن خير تمثيل.. والله الله بالصلاة
وشكراً....

إنتظار

16-12-2022 - 03:14 pm

الله يوفقك , وتروح وترجع بالسلامه
ولكن احب اأكد على الموضوع اللي اكد عليه المظلوم , وهوموضوع دخولك للبلد بدون فيزا وتذكره العوده بعد 6 شهور
لازم تذكره العوده بعد اقل من ثلاثه شهور , لأنك لاتحمل فيزا , ولا ابشر بالبلشه في المطار مع الأمقريشن
الأمر الثاني , واللي اكد عليه المظلوم ايضاً , موضوع ورقه القبول من المعهد , الافضل تكون معك عند دخولك للبلد , ولا إذا سألوك في المطار قل جاي سياحه , ولاتجيب لهم سيره انك جاي دراسه
وبالتوفيق

rzeen

16-12-2022 - 04:15 pm

الشباب ما قصروا
ولكن حط في بالك اذا كان وقتك ضيق وما يمديك تطلب ورقة قبول اول خطوه تسويها انك ترتب حجزك وتخليه أقل من ثلاث أشهر
وثاني خطوه إنك ما تاخذ معاك أي أوراق لأي معهد بتلتحق فيه أو جامعه بحيث ما يمسكون عليك شي.....
وإذا نفذت الخطوتين السابقه ووصلت مطارهم فقل لهم إنك جاي سائح...
وبيعطوك فيزا ثلاث أشهر..... وبعدها رتب مع المعهد المناسب وإذا التحقت بالمعهد ادرس فيه كم اسبوع مبدئياً فإذا ناسبك حدد بعدها مدة جلوسك وأخر حجز العوده ومن نفس المعهد راح يساعدوك في أمور الفيزا وتمديدها....
وعن تأخير الحجز فالي أعرفه إن وضع الطيار سهل جداً فبمجرد تواصلك مع أحد الموظفين بالايميل أو الاتصال عليهم أو توكيل من تثق به ويرتب أمورك وبعدها يرسلوا لك التذكره الجديده على ايميلك
الإجراءات سهله ولا تنسى تدعي لنا وتكون خير سفير لدينك ووطنك واهلك

حسّاس

16-12-2022 - 05:16 pm

اجباري تخلي حجزك مدته 3 اشهر
والا راح يرجعوك من المطار
وصارت لي
لما انتهت فيزتي مع اني طالب دارس في نيوزلندا
واظطريت اشتري تذكرة جديده
عشان لاتروح الرحلة عليّ
ومن هناك مدد
الموضوع سهل
وخليه يرسل لك خويّك ورقة القبول اللي مدتها 3 اشهر
والباقي سهاله

خالد الزبيني

16-12-2022 - 06:17 pm

الله يوفقك اخوي المظلوم اجابات وافيه وكافيه

نيوزيلندا المسافرون العرب

الفزعه تكفون