اهلين اخوي
المخطط حلو بس لو تخلي اخر ثلاث ايام في ميونخ احسن لان قارمش تاون ريفيه مافرقت كثير عن زيلامسي واذا تبي قارمش بيوم تزرق له وتنبسط وترجع المساء
اههه فرصه تشوف ميونخ وتخلي نوره تتسوق - على فكره الحريم لو تلف فيها الدنيا ولا تمر سوق ما كأنك سويت شي-
انصحك بمجمع c&a حلو ورخيص

والله الحلو مرورك يابو عبدالله
انا فكرت اني اسكن في قارمش لانها قريبه من ميونخ اطلع للاسواق وللمعالم اللي في ميونخ
وارجع ل قارمش للسكن وعلشانها ريفيه حبيت السكن فيها
عندي سؤال صغير هل كابرون قريبه من زيلامسي زي مااعتقد او لا لان تراودني الشكوك انها بعيده عنها
واذا مخططي كويس ياليت تعتمدونه (لان اكيد مااستغني عنكم ) وياليت نحجز اليوم علشان نرتاح
وشاكر لكم مقدماً*

هلابك اخوي انا بطريقي للمطار الحين
كابرون حلتة عصا على قولة الشيبان عن زيلامسي والسكن فيها ارخص نوعاً ما
انا حاجز شقه فيها ومادامك معك سياره ماعندك مشكله
اعتمد مخططك بس انت مصر على قارمش وانا اقول افضل تعدل خلك في ميونخ اخر ثلاث ايام
ترى اعتقد الرحله كله ارياف ممله( رأيي الشخصي) ومثل ماقلت قارمش تاون مثل كابرون
واحلى مافيها قمة zegtpetz ماادري كتبته صح ولا لا بس اعتقد كذا
وهي قمه ثلجيه وتبي تشوف قمه في كابرون
بينما ميونخ فيها معالم وحدايق حلوه وخبه( مصطلح قصيمي بمعنى حركه سياحيه)
انا جلست فيها انا والمدام 5 ايام منها يوم في قارمش ومامليت
سأكون متواصل مع المنتدى انشاالله لان كل فنادقي فيها نت
لو احتجت شي بالخدمه
دمت بود اخي

تسلم يابو عبدالله وفيت وكفيت
والله يسهل امورك وإن شاء الله تكون من احلا سفراتك
راأيك على الراس والعين راح اشوف السكن في ميونخ
انا ابحث الحين في بوكنق وبنتظار فزعتكم في البحث في سكن كويس
خصوصاً مشرفتنا الغاليه وجد الدموع

العودة خلها سكن بميونخ عشان التسوق و الاقلاع

يعطيكم العافيه تم الاخذ برأيك انت وابو عبادي
حجزت على حسب المخطط وغيرت قارمش وخليتها بميونخ
الحين حجوزاتي اوكيه ان شاء الله
بالنسبه للسياره ماحجزتها للحين شفت كم تقرير يقولون ان استأجارها من هناك احسن وارخص
وتشوف السياره اللي تناسبك بعض الاخوان يقلون انك تحجز عن طريق الموقع وتدفع ولما تجي هناك
ماتحصل السياره اللي حجزتها ويعطونك بديل عنها ياليت تفيدوني بالموضوع هذا. بالنسبه لمتطلبات السياره
كلها معروفه رخصه دوليه وبطاقة فيزا وبس على ماظن اذا باقي شي ذكروني