أخي الحبيب أرجو فتح موضوعك في القسم المناسب
لمعاونتنا على تنظيم المنتدى
إليك الرابط
إستفسارات الإمارات https://artravelers.com/p/re/arab102/?daysprune=

اذا ماتبغون تتكلفون فى السكن انصحك بمنطقه البرشاء فيها شقق فندقيه جديده
سافرت دبي الاسبوع الماضي اعجبني الممشى كثير (جميرا بيتش ريزيدينس)

1. 2. ميترو دبي


2. ما اعرف


3. 0- القريه العالميه والأوقات المتاحه لزيارتها والتكاليف

1. دبي اتلانتس
فندق ممتاز وغالي ممكن تحصل الليلة فيه للغرفة بين 1300 الى 1800 حسب السيزون وما انصحك تسكن فيه اذا تبي التوفير . روح للمدينة المائية وبس دخول الشخص ب 200 ريال . وممكن تتمشى في الفندق والسوق الملحق به .

2. ميترو دبي

ما ادري هل انت ناوي تستخدمه في التنقلات ؟ ولا قصدك التجربة فقط .. اذا ناوي تستخدمة في التنقلات .. ما انصحك .. لان محطاته مو شامله كل الاماكن .. واذا قصدك التجربة ممكن تجربة من امارات مول الى دبي مول .. وانا عن نفسي ما تشجعت اجربة ...واعتقد في موضوع خاص عنه
3. متحف دبي
ما اعرفه ولا زرته لاني ماني راعي تراث واثار
4. شارع الرقه
مطاعم وكافيهات
5. سفاري دبي
ما جربته
6. ابن بطوطه مول
سوق حلو استايله .. ابرز ما يميزه المنطاد .
7. الامارات مول
انا بالنسبه لي احب السوق هذا .. ابرز ما يميزه وجود سكي دبي ..والدخول كان ب 200 ريال
8. جيتكس
ما حصلي الشرف
9. دبي مول
سوق كبير جدا جدا .. ابرز ما يميزه النافورة وانصحك تتعشى في كرم بيروت المطل على النافورة .. اذا انتم أربعه راح يكلفك العشاء تقريبا من 300 الى 400 درهم .. طبعا كل شي يعتمد على طلبكم ..
0- تايمز سكوير
فيه المقهى الثلجي واعتقد الدخول ب 75 ريال اذا بتروح سكي دبي ماله داعي تروح له ..
1- الجميره
الجميره كلمة واسعه .. فيها مناطق وفنادق كثيرة ممكن تزورها ..
2- المدينه المائية
فيه اتلانتس وفيه الوالد وادي .. بالنسبة لي متشابهتين الى حد كبير .. طبعا لازم تزور وحده منهم
3- المدينه الثلجية بالامارات مول
تجربة حلوه والدخول ب 200 ريال بس اذا ما تعرف تتزلج بتحس انك ما حللت المكان صح ..
4- مطار دبي وصلاحيته للزوار
مطار دبي من أروع المطارات .. وفيه كل شي بدون مبالغه .. يعني ما تشيل هم انك جاي بدري ..
5- برج العرب وصلاحيته للزوار
انا ما زرته بس اعتقد انه عادي تزوره واعتقد برضو ان دخوله مكلف
6- جزيرة النخله عموما
ام ما فيها الا اتلانتس والمدينة المائية الملحقه فيه
7- برج خليفه
لهم موقع في الانترنت تحجز منه واذا رحت مباشرة بدون حجز تدفع أكثر ..
8- مدينة دبي الاعلامية وصلاحيتها للزيارة والمطلوب لتسهيل عملية الزياره
ما اعرف
9- مدينة دبي للانترنت وصلاحيتها للزيارة وشركة (ميكرسوفت) مع التكاليف

ما اعرف

0- القريه العالميه والأوقات المتاحه لزيارتها والتكاليف

ما اعرف .. بس فيه شي ما يكون فاتح الا في الصيف ما ادري اهي القرية العالمية ولا غيرهاعموماً دبي ما تتعب فيها ... انا بنصحك اذا انتم أربعه .. بالنسبة للسكن .. فيه شقق وفنادق حلوه ورخيصة .. وممكن تشوف بوكينق أو عرب لينك .. وتقارن بينهم ...
فيه فندق ايبيس .. رخيص جدا واقتصادي .. الغرفة صغيرة وسعرها قريب من 300 ريال
وفيه فندق سيتي ماكس نفس الفكرة ..
وفيه روز قاردن كشقق وكورال خوري ... شقق فندقية ممكن الغرفتين والصالة يكون سعرها ما بين 550 الى 750 على حسب الموسم
هذي كلها في منطقة البرشا ... جنب الامارات مول وانا اشوفها مثاليه للسكن لانها قريبه من اهم الاماكن السياحية تقريبا ...
فيه ذا ووك اللي هو الممشى ممكن تتغدى هناك وتتمشى وتجلس في الكافيهات .. وفيه برضو المارينا مرسى دبي مع اني ما حبيتها ..ذا ووك احلى واوسع
طبعا التنقلات التكاسي غالية شوي يعني ممكن توصل الى 150 يومياً على حسب المشاوير ... بس انها اريح من استئجار سيارة اذا كنت ما تدل زين .. واذا ما معك سيارة لا تسكن في الشارقه ابداً ..
ومدة اسبوع تكفيك وزيادة ...اعتقد خمس ايام مناسبة لدبي .. وبالتوفيق ..

سندي محضار
اعتذر أخي الفاضل واتمنى من المختصين نقل الموضوع الى القسم المناسب

حسايف
وين منطقة البرشا ؟ وقريبه من دبي ولا لا ؟
فكرتنا كان نسكن بالشارقه ، بس تقولون البرشا أرخص ؟
والحجز فيها عن طريق النت ولا من هناك مباشره وكم تكلف تقريبا بالريال ؟

1. 2. ميترو دبي

. دبي اتلانتس
فندق ممتاز وغالي ممكن تحصل الليلة فيه للغرفة بين 1300 الى 1800 حسب السيزون وما انصحك تسكن فيه اذا تبي التوفير . روح للمدينة المائية وبس دخول الشخص ب 200 ريال . وممكن تتمشى في الفندق والسوق الملحق به .
بالنسبه للفنادق نسيت اقول هالنقطه اقصد بالاستفسار عنها هي الزياره هل متاحه ولا لا ؟ وكم رسوم الزياره لأن بعض فنادق فيها ملاحق حلوة كما سمعت وقرأت

2. ميترو دبي

ما ادري هل انت ناوي تستخدمه في التنقلات ؟ ولا قصدك التجربة فقط .. اذا ناوي تستخدمة في التنقلات .. ما انصحك .. لان محطاته مو شامله كل الاماكن .. واذا قصدك التجربة ممكن تجربة من امارات مول الى دبي مول .. وانا عن نفسي ما تشجعت اجربة ...واعتقد في موضوع خاص عنه
للتجربه واخذ صور تذكاريه معاه
7. الامارات مول
انا بالنسبه لي احب السوق هذا .. ابرز ما يميزه وجود سكي دبي ..والدخول كان ب 200 ريال
الدخول للمول ب 200 ريال ولا كيف ؟
1- الجميره
الجميره كلمة واسعه .. فيها مناطق وفنادق كثيرة ممكن تزورها ..
ايش المناطق المقترح فيها للزياره ؟
4- مطار دبي وصلاحيته للزوار
مطار دبي من أروع المطارات .. وفيه كل شي بدون مبالغه .. يعني ما تشيل هم انك جاي بدري ..
المطار بروحه زياره مو رحله او سفر ، مسموح بالزياره للمطار ولا لا ؟
7- برج خليفه
لهم موقع في الانترنت تحجز منه واذا رحت مباشرة بدون حجز تدفع أكثر ..
أحجز للزياره ؟عموماً دبي ما تتعب فيها ... انا بنصحك اذا انتم أربعه .. بالنسبة للسكن .. فيه شقق وفنادق حلوه ورخيصة .. وممكن تشوف بوكينق أو عرب لينك .. وتقارن بينهم ...
فيه فندق ايبيس .. رخيص جدا واقتصادي .. الغرفة صغيرة وسعرها قريب من 300 ريال
وفيه فندق سيتي ماكس نفس الفكرة ..
وفيه روز قاردن كشقق وكورال خوري ... شقق فندقية ممكن الغرفتين والصالة يكون سعرها ما بين 550 الى 750 على حسب الموسم
هذي كلها في منطقة البرشا ... جنب الامارات مول وانا اشوفها مثاليه للسكن لانها قريبه من اهم الاماكن السياحية تقريبا ...
فيه ذا ووك اللي هو الممشى ممكن تتغدى هناك وتتمشى وتجلس في الكافيهات .. وفيه برضو المارينا مرسى دبي مع اني ما حبيتها ..ذا ووك احلى واوسع
طبعا التنقلات التكاسي غالية شوي يعني ممكن توصل الى 150 يومياً على حسب المشاوير ... بس انها اريح من استئجار سيارة اذا كنت ما تدل زين .. واذا ما معك سيارة لا تسكن في الشارقه ابداً ..
ومدة اسبوع تكفيك وزيادة ...اعتقد خمس ايام مناسبة لدبي .. وبالتوفيق ..
بالنسبه للسكن ، كلكم تنصحون بالبرشا ، يعني هي في دبي ؟ حلو جدا وقربها من اهم المناطق واعجبني تكليف ابو 300 ريال مرره وفير
بالمناسبه احنا طالعين بسيارة من السعوديه لدبي ،
بالنسبة للفترة خمس ايام تكفي يعني يمدي نزود يومين على أبو ظبي ؟ وايش الاماكن اللي ينصح بزيارتها في أبو ظبي ؟صراحه استفدت كثير من كلامك ومن الاخوان اللي فوق ،، ربي يعافيكم لا هنتم ولا تعبتم

الله يسلمك منطقة البرشاء بدبي مرره حلوة اقرب شي لها مول الامارات انا كنت ساكنه بهوليدي ان البرشاء كان جدا روعه ورايق وكل منطقه البرشاء شقق اذا ماتبي فنادق وعندك غير البرشاء منطقه المارينا كلها ابراج شقق فندقيه من ابدع مايكون جدا رائعه انصحك فيها وبشده جربت هاربور شقق فندقيه كان حلو مره هذا بالنسبه للسكن
اتلانتس روعه انصحك فيه اكثرمن وايلد وادي بس روح له من بدري عشان تقضي يومك فيه وبالنسبه للأسواق مولات دبي لايعلى عليهاكل يوم خصص لك سوق عندك الحدايق حلوة منها حديقة زعبيل برج العرب ماانصحك فيه مايدخلونك الاببطاقه فيزا تدفع فلوس ونفس القيمه ياتتقهوا فيها او تاخذها بأحد المطاعم في البرج انا رحت له انا وزوجي الشخص ب700 يعني 1400 ريال على غدا مايستاهل ابد واخرتها اصبنا بجرثومه في المعده......ماانصح فيه مكلف جدا.
ممشى المارينا لايفوتك حلو
الجميرا روعه روح للشاطي بعد ماتخلص روح للسوق جميرا للتسوق ويوجد به مطاعم وكفيهات ونصيحتي احجزمن ديرتك ارخص مما تحجز هناك وروح اقرب مكتب سياحي واذا انت من الرياض انصحك بمكتب الذياب ومكتب هادي اسعارهم مره حلوة الذياب شارع الاحساء وهادي شارع الستين
اي استفسار حاضره

منطقة البرشاء خلف مول الامارات على شارع الشيخ زايد شوف الخريطه بتساعدك كثير حتي لو ماحجزت اعتقد لو تروح للمنطقه بعد وصولك وتاخذ كم لفه راح تحصل السكن المناسب موقعها قريب من الجميرا والممشى ودبي مول