فاخرة2007
21-10-2022 - 10:13 am
خواتي و اخواني خبراء ماليزيا ...... أول مرة أسافر ماليزيا من تاريخ 15 ديسمبر إلى 25 ديسمبر و حابه أستفسر عن الجو في خلال هالفترة ،انا مسافرة ويا زوجي ولصغاريه ثلاث سنوات وسنة ومتخوفه شوي من الجو عشانهم وبعد أبغي أسأل كم ياخذ الوقت من كوالالمبور لين جنتنج؟ وبالنسبة للأماكن ثلاث أيام في والالمبور و ثلاثة في لانكاوي و ثلاثة في جنتنج تكفي هالمدة لزيارة هالمناطق؟ و إذا حد عنده جدول رحلة ثاني يقترح علي الله يباركلكم في أعماركم لأني حاسة في هالسفره هاذي إني صايره كالأعمى الذي يتحرك في الظلام مب عارفه شي وإسمحولنا يا الغالين
بالنسبه للجو حار رطب ممطر إلا في جينتنق والكاميرون بارد بروده منعشه
و ممكن ملابس شوي اثقل من العاديه تكفي بس الأطفال ملابس ثقيله افضل
اما بقية المناطق حر و رطوبه وامطار علي طول السنه ولكن حر مقبول و معقول
بالنسبه للجدول إذا فيه مجال للزياده فهو افضل اكيد
و ثلاث ليال كثير علي جينتنق و الأفضل لو فيه مجال للزياده
ليلتين سيلانقور -- ثلاث لنكاوي -- ليلتين جينتنق -- اربع كوالالمبور
اما لو مافيه مجال للزياده بس 9 ليال فالأفضل تكون
ليله سيلانقور او بورت ديكسون للراحه -- ثلاث لنكاوي -- ليلتين جينتنق -- ثلاث ليال كوالالمبور
او لو ماتبون لا بورت ديكسون ولا سيلانقور فممكن
ليلتين جينتنق -- ثلاث لنكاوي -- اربع ليال كوالالمبور
المسافه من كوالالمبور لجينتنق بالوقت حدود ساعه تقريبا