UK Manchester
10-05-2022 - 01:09 pm
السلام عليكم ورحمة الله وبركاته
أخواني وأخواتي الكرام الرجاء منكم مساعدتي في هذا الموضوع اللي دايم يشغل بالي
وقررت أخيرا ان أخرج من القفص واسأل الخبراء لعل وعسى يوجد شخص يمكنه مساعدتي
الموضوع كالاتي:
أنا كنت طالب أدرس في مانشستر والحمدلله تخرجت وصارلي ثلاث سنوات موظف مبسوط ماناقصني إلى العافية.
وفي يوم من الأيام كلمني رئيسي في العمل وقالي ترى بنرسلك لندن عندك كورس هناك وانبسطت فالان أنا ابي اسوي فيزتي واضبط أموري. ولكن بينما انا منشغل في مدى سعادتي بالسفر إلى لندن (مرة أخرى)
تذكرت اني يوم طلعت من بريطانيا اخر مرة انه كان عندي حساب بريطاني في Lloyds TSB وكان علي بطاقة ائتمانية وصفرت جميع مافي البطاقة وهو مايقدر ب (1000 GBP) وعليها انترست بعد يعني شكلة يزيد وانا مادري عن السالفة. وسافرت ولم اسدد المبلغ وعليها ولا عادت رجعت بريطانيا.
الحين أنا خايف مايدخلوني او ممكن يمسكوني او ممكن مايعطوني فيزا أو ممكن يعتقلوني او يذبحوني
فتكفون أبي إفادة الخبراء في هذه المواضيع. ممكن انمسك يعني؟ هل مديونية البنك هذي راح تحطني في موقف حرج مع عملي؟ ممكن مايدخلوني الديرة؟
الرجاء المساعدة عاجلا خاصة وانها رحلة عمل يعني مابروح مع عيالي
وسفري في ديسمبر ان شاء الله
شكرا لكم وجزاكم الله كل خير
ولكن لاعلم لي عن التبعات القانونية ممكن غيري يفيدك.. بس انا اشوف مخاطبة البنك هي الافضل