ومعليش عندي استفسار بنسبة للسعوديين هل ممكن ناخذ الفيزة من مطار بانكوك على كرت وليس على الجواز ولا كيف الطريقة واسفة على الاطالة

بطة جدة
السلام عليكم يا اختي بطة جدة
نصيحة اخويه لا تروحين بتايا لانها ما تصلح حق العوايل هذا اولا لان بوكت تغني عنها كثير .
ثانيا :- خلي جدولج كالاتي 5 ايام بوكت و 5 ايام بانكوك ومنها تروحين كوه ساموي عادي كل شي يصير بتايلند .
الجدول
الوصول مطار بانكوك علي طول تأخذون طيران داخلي بوكت 4 او 5 ليالي
وبعدها ترجعون الي بانكوك العاصمة 4 او 5 ليالي
ليلة في جزيرة كوه ساموي وبعها ترجعون الي ارض الوطن
وأي استفسار ثاني نحن بالخدمة يا اختي
اخوك / عبدالله الكويتي

شكرا اخي عندي استفسار ممكن اروح من فوكيت الى كوةساموي بالسيارة وكم المسافة يعني كم ساعة الطريق وكم يوم تنصح نجلس فيها وايش رايك فى منتجع سنسيز ساموي وباقي الفنادق في المشاركة الاولى من حيث القرب من الخدمات

بطة جدة
يمكن عن طريق فوكت طيران اما بانكوك بالسيارة .
وبالنسبة للفنادق شيراتون لاجون ممتاز وفندق جي دبليو ماريوت حيل ممتاز ورحلة موفقه
وأي استفسار نحن بالخدمة ومعاج للنهاية
اخوج / عبدالله الكويتي

جزاك الله خير اخي عبدالله و ربي يسعدك انا صراحة مافهمت يعني كوة سموي قريبة من بانكوك كم المسافة بالسيارة ويعني الخدمات جنب الفنادق اكشاك المكاتب السياحية وفين تنصحني اروح رحلات ومطاعم ولك كل الشكر

هلا اختي
كوساموي مايمكن تروحين وترجعين بنفس اليوم بعيده وفيها سيارة وقارب ، ورحلتك راح تكون متعبة لانها فيه تنقل كثير ومده قليله
وواضح انك ودك تشوفي كل شي في وقت قصير واخاف تكون رحلة عمل مو سياحة واستجمام
عموما انصحك بالجدول التالي
اول ماتوصلون الى بانكوك اقرب طائرة الى بوكيت ثم طائرة الى بتايا ثم سيارة الى بانكوك
خيار ثاني
نفس الشي بس استبدال بتايا بجزيرة كوساموي ثم بالطائرة الى بانكوك
وانا اوشف بتايا فيها تنوع واختلاف ، لان كوساموي جزء مصغر من جزيرة بوكيت
بالنسبة ووين تروحين ،،، هذي خليها اخر شي انتي حددي الجدول وبعيدن خوذي لفة على البوابة
بالنسبة للفنادق ،،، صراحه اختيار رائع وكلها تقول ( أنا هينا )
صراحه فنادق دلع من جد ،برافو عليك
اي استفسار حاضر
تحياتي
دولي

عفوا بطه
( 4 ليالي بين فندقين بانيان تري بوكيت و شيرتون لاجونا ) اشرحيلي هذي ، مافهمت

شكرا اخي الدولي على مرورك بخصوص الفندقين ايهم اقرب من المنطقة الحيوية في فوكيت واي واحد احلا وافخم وبنسنة للجدول ممكن انت تشور علي لان الواحد مو عارف ايش الافضل ونبغا نروح ننبسط من غير هجولة وبصراحة اخاف ابو العيال يطفش ويبطل من السفر من كتر ماطلعلة كل يوم بترتيب جديد (واما بخصوص باتايا فصرفنا نظر عنها) بس كوة سموي ايش رايك هل هي تستحيق الروحة لها ولا نكنسلها وكيف اوزع الايام وجزاك الله خير

شوفي اذا 10 ايام ....
انا اقول خليها بين بانكوك وفوكيت وكوسموي...
بس خليني اخبرج عن كل منطقه علشان تعرفين تفكرين وتقررين عدل...:wink:
بانكوك مدينه تجاريه ...يعني تبين شوبينغ سيري بانكوك...انا يوم اسير بانكوك ما ايلس اقل عن 5 ايام عشان اشبع من الشوبينغ ....لانه المحلات تسكر بسرعه والمراكز كبيره فما تلحقين في يوم تخلصينهن....
اما فوكيت جزيره ...للاستجام والوناسه....انا احب ايلس فيها بعد مب اقل عن 5 ايام..موسم الامطار...اما الحر ...ما ايلس اكثر من 3 ايام لانه الشمس استوائيه والجو يكون حار....:112:
اما كوسموي تراها جزيره هاديه وما فيها صدعه وشوبينغ الا الشي البسيط...انا يلست فيها يومين وحسيت بملل فظيع ..لاني من محبات الشوبينع والسهر...وما لقيت هالشي في كوسموي...
في كوسموي للدلع والرومانسيه ...يعني تيلسين على البحر مع بوالشباب وعشا خفيف والساعه 8 تنامون....
تاخذون شاليه مع جاكوزي خارجي وتقضون الليل في الجاكوزي على ضوء الشموع^_^
وما فيها مطاعم عربيه وايد ..انا تعبت واخر شي حصلت مطعم واحد هندي وكان بسيط...لهالسبب الغيت هالجزيره من جدولي تماما....
اما بتايا زيارتها نفس زيارة فوكيت....نفس الاجواء والمواصفات والفارق انه فوكيت انظف وعدد العرب فيه اقل....
علشان جي اول ما توصلون المطار على طول سيروا فوكيت بالطياره ...يلسوا فيها 4 او 5 ايام .....
بعدين قرروا اذا تبون كوسموي ولازم تروحون لها بالطياره والمسافه بالطياره تقريبا 45 دقيقه ......
وتيلسون فيها يومين ....وبعدين تتوكلون على الله بالطياره الى بانكوك.....لا تاخذون سياره ولا قوارب لانه المسافه بعيده ومتعبه .........ويلسوا في بانكوك باقي الايام بين الحدائق والمراكز وراح تقضون وقت ممتع ان شاءالله ^_^:8888: