في راس الخيمه عندك منتجع الكوف روتانا
هذا موقعهم
http://www.rotana.com/property-31.htm
وفراس الخيمه فيها مراكز تسوق مثل المنار مول والحمرا مول والسفير مول وفيها الاسواق القديمه الي تبيع الأشياء القديمه وفيها عيون حاره للعلاج اسمها عين خت
اما الفجيره فيها منتجعات اكثر من راس الخيمه
احلى شي منتجع ميرامار شاطئ العقه وفيه فندق ومنتجع جال ياباني كلهم في دبا الفجيره
اما الاسواق في ابراج الفجيره وفيها سوق الجمعه تراثي يبيع التحف والسجاد و الخضروات والفواكه وغيرها
اما خور فكان عروس لساحل الشرقي فيها فندق الاوشيانيك
موقع الفندق
http://www.oceanichotel.com/
هاذي المعلومات الي عندي ان شاء الله افدتك

اخوي انصحك تروح منطقة دبا على الساحل الشرقي ، هناك شاليهات مثل https://www.booking.com/hotel/ae/royal-beach-resort.html?aid=1300939
احجز واحد منهم ، وأفضل الأول لرخص السعر وعائلي ، بالنسبة لمريديان وروتانا عبارة عن فنادق
وتوكل على الله

لا انصحكم ب holiday beach motel ابدا
جربناه قبل فترة والله لا يراويكم الفندق
غرف اغلبها تعبانه لدرجة ان بعض الغرف ما زالت تعتمد انظمة التكييف القديمة (الوندوو)
والغرف المحدثه عااديه
وشاطئ الفندق لكم عليه
ايضا مطعمهم
والغرف اللي عندنا كان وياهم الله يعزكم كلاب ومدخلينهم الغرف
لا ابالغ ان قلت انه
على بعد غرفتين منا كان فيه اشخاص مشغلين راديو السياره نص الليل ورقص في نص الشارع
قعدنا فيه ليله كانت عن سنه
عندكم فنادق حلوه في الفجيرة
منها جال وميرامار وميريديان العقة وروتانا (انصحكم وبشدة بجال او ميرامار)
https://artravelers.com/p/re/184338
اما بالنسبه لفنادق رأس الخيمة فعندكم هيلتون رأس الخيمة
ومنتجع الكوف روتانا
مع ان الكوف كانت لأحد الأقارب زيارة فاشلة معاهم
الفندق كديزاينات ممتاز وفي الشتاء الجلسات مافي مثلها
بس الغرف عاديه إلى ابعد الحدود
وخدمة الغرف تعبانه
لدرجة انهم كانو حاجزين في الفيلا بغرفتين للتمتع بالحوض الموجود فيها
وللأسف طلع الحوض مكشوف على القناة المائية
وكانو يحتاجون يشغلون اضاءة الحوض اتصلو اكثر من مرة على الإستقبال ولا احد افتكر يروح لهم
وبعدها راح قريبي لهم بنفسه واتو واصلحوا المشكله
والقناة المائية تطلع منها روائح
واحد مكيفات الغرف كان ينزل ماي
وباب الغرفة ما كان ينقفل
وانا بنفسي كنت حاجز حقهم الفندق عن طريق الإتصال في الفندق
وطلبت تجهيزات خاصة لشهر العسل
وعند وصولهم لم يشاهدو اي شي
انا ما اكره الفندق ولكن ما حبيت انكم تنصدمون فيه
مع تحياتي

السلام عليكم ورحمه الله
بصراحه ما قصرتوا , ساعدتوني كثير , جزاكم الله الف خير.
مشكوره اختي uaecat وان شاء الله نزور سوق الجمعه وانا متأكد انه راح يعجبنا. بس هو وين محله وبعني من اسمه بس يفتح الجمعه؟ انتي ذكرتي خورفكان وان شاء الله لنا زياره للكورنيش , بس عندك فكره اذا بنروح من الفجيره لخورفكان كم تاخذ ساعه بالسياره؟ ويعطيك الصحه والعافيه .
مشكور اخوي الطيار2323 بس حسيت انك بتىوهقني بالفندق الاول
, ول زايد د ما ينصح فيه. بس راح اخذ بنصيحتك وما اروح المريديان انا ابي ابعد عن الفنادق. مشكور وتسلم ايدك.
اخوي ول زايد د ماقصرت , وعشانك خلاص قررت ان شاء الله تكون الرحله الى الفجيره فندق ميرامار. انا واخوك ما ادل الا في دبي واشوي في ابوظبي, ممكن توصفلي الطريق من دبي الى الفجيره وكم ساعه راح تاخذ؟
واي نصائح ثانيه بخصوص الفجيره وخرفكان بكون شاكر لكم وان شاء الله ماحد يبخل علينا
مشكورين و يعطيكم الف الف الف عافيه

ان شا الله اخوي بس عطني بالكثير لين اليوم بالليل وبتكون الخريطة جاهزة
مع تحياتي...

سوق الجمعه يفتح كل يوم موقعه في مسافي قبل الفجيره شكلك ما بتعرف مكانه الا اذا حصلت حد يدليك
ومن الفجيره الى خور فكان تقريبا ساعه الا ربع

تفضل الخريطة
http://www.jalfujairahresort.ae/images/map.jpg
طبعا هذي خريطة جال والسبب اني ما حصلت خريطة لميرامار
والفوتوشوب عندي ما اعرف شو في ه ما يشتغل اليوم
المهم انت بتخلي جال على يسارك
وبتكمل سيده تمشي مسافة تقريبا كيلو
بيكون ميرامار على يسارك
ومن دبي إلى دبا الفجيرة تقريبا ساعه ونصف إلى ساعتين